نئی دلّی ،24 اگست / فوج کے سربراہ   جنرل منوج مکند نروَنے نے  نیشنل سکیورٹی گارڈ کے  51 خصوصی ایکشن گروپ   کو  سی او اے ایس  یونٹ  کے توصیف  نامے سے سرفراز کیا ۔  اُسے یہ  ایوارڈ  دہشت گردی سے نمٹنے میں  نمایاں کامیابی کے لئے دیا گیا ہے ۔ اس موقع پر  سی او اے ایس نے  فوج  کی صلاحیتوں اور اُس کی پیشہ ورانہ   لیاقت کی ستائش کی ۔ یہ گروپ  اپنی تمام افرادی قوت  بھارتی فوج سے  حاصل کرتا  ہے اور اس نے خود کو  انسدادِ دہشت گردی کی ایک  شاندار  فورس  کے طور پر   نمایاں کیا ہے اور اس نے  3 اشوک چکر سمیت   بہادری کے کئی  ایوارڈ جیتے ہیں ۔   گروپ کے مختلف آپریشنس میں  سب سے نمایاں  آپریشن  بلیک ٹورنیڈو   تھا  ، جس کے دوران   ، اس نے  نومبر  ، 2008 ء میں ممبئی  کے دہشت گردانہ حملے کے دوران  8 دہشت گردوں کو مار گرایا   اور  بہت  سے غیر ملکی شہریوں  سمیت  600 سے زیادہ    یرغمال بنائے گئے لوگوں کو آزاد کرایا ۔ دسمبر ، 1984 ء میں اپنے قیام کے بعد سے   51 اسپیشل  ایکشن گروپ    نے دنیا کے  انسدادِ دہشت گرد  اداروں میں  سب سے معروف   گروپ کے طور پر نام  کمایا ہے  ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا )

U. No.  4783