সোসিয়েল জস্তিস অমসুং ইম্পৱার্মেন্ত মন্ত্রালয়
ত্রান্সজেন্দর ওইবা মীওইশিংগী ওইনা কেন্দ্র সরকারনা নেস্নেল কাউন্সিল শেমখ্রে
Posted On:
24 AUG 2020 5:23PM by PIB Imphal
ত্রান্সজেন্দর ওইবা মীওইশিং(হকশিং ঙাক-শেন্নবা)এক্ত, ২০১৯(২০১৯গী ৪০) গী সেক্সন ১৬দগী পীবা শক্তিশিংগী মথৌ তৌহনবদা কেন্দ্র সরকারনা অগস্ত ২১, ২০২০গী এক্তকী ত্রান্সজেন্দর ওইবা মীওইশিংগী নেস্নেল কাউন্সিল অমা শেমখ্রে। সোসিএল জস্তিস অমসুং এম্পৱরমেন্তকী কেন্দ্র মন্ত্রীনা অধ্যক্ষ (এক্স-ওফিসিও) অমসুং সোসিএল জস্তিস অমসুং এম্পৱরমেন্তকী কেন্দ্রগী রাজ্য মন্ত্রীনা উপ-অধ্যক্ষ(এক্স-ওফিসিও) ওইরগনি।
নেস্নেল কাউন্সিল অসিনা মখাদী পীরিবা থবকশিং অসি পাংথোক্কনি:—
(a) ত্রান্সজেন্দর ওইবা মীওইশিংগী মতাংদা থৌরম-থৌশীলশিং, থৌরমশিং. লৈঙাক অমসুং প্রোজেকশিং শেম্বদা কেন্দ্র সরকারদা পাউতাক পীবা;
(b) ত্রান্সজেন্দর ওইবা মীওইশিং মান্নবা মওং অমসুং মপুং ওইনা শরুক য়াবশিং অদু ফংবা ঙম্নবা দিজাইন শেম্বা থৌরাং-থৌশীলশিং অমসুং থৌরমশিং অদুগী মমিশিং অদু পান্নবা অমসুং য়েংশিনবা;
(c) ত্রান্সজেন্দর ওইবা মীওইশিংগা মরি লৈনবা ৱাফমশিং পাংথোক্লিবা সরকারগী বিভাগশিং অমসুং সরকারগী নত্তবা ওর্গনাইজেসনগী থবকশিং য়েংশিনবা অমসুং মতেং পাংবা;
(d) ত্রান্সজেন্দর ওইবা মীওইশিংগী ৱাকৎশিং অদু অমুক হন্না থম্বিবা; অমসুং
(e)কেন্দ্র সরকারনা য়াত্থোক্লবা অতোপ্পা থবকশিং পাংথোকপা।
কাউন্সিলগী অতৈ মীহুৎশিংদা তোঙান-তোঙানবা মন্ত্রালয়শিং/বিভাগশিংগী রিপ্রজেন্তেতিব, ত্রান্সজেন্দর কাংলুপকী রিপ্রজেন্তেতিব মঙা, এন.ঐচ.আর.সি. অমসুং এন.সি.দব্লয়ুকী রিপ্রজেন্তেতিবশিং, রাজ্য অমসুং য়ুনিয়ন তেরিতোরীশিংগী রিপ্রজেন্তেতিবশিং অমসুং সরকারগী নত্তবা ওর্গনাইজেসনশিংগী মহুৎ শিল্লিবা অখং-অহৈশিং য়াওরি।
এক্স-ওফিসিওগী মীহুৎ নত্তবা কাউন্সিলগী মীহুৎ অমনা ওফিস অসি মহাক্কী নোমিনেসন তৌবা নুমিৎ অদুদগী হৌরগা চহি অহুমগী ওইনা থবক পুগনি।
*****
(Release ID: 1648300)
Visitor Counter : 189