সাইন্স অমসুং তেক্নোলোজী মন্ত্রালয়

ইন্সপায়র ফেকল্তী ফেলোনা মাইক্রোঅলগীদগী শেল-চংদবা বাইওদিজল পুথোক্লি

Posted On: 24 AUG 2020 12:09PM by PIB Imphal

ফোসিল ফ্যুল হন্থরক্লিবা অসিদা ভারতপু কোয়শিন্দুনা লৈরিবা পাক চাউরবা শমুদ্র ইরোন্নুংদা লঐরিবা ফ্যুল পুথোকপা ঙম্বা অলগী অসি থিজিব-হুমজিন্দনা পুথোক্তনা লৈরি। সমুদ্র ইরোন্নুংদা লৈরিবা মাইক্রো অলগীদগী শেম্বা শেল-চংদবা বাইওদিজল অসি অথুবদা মঙফাওনরগনি, পুম্নমক অসি বাইওদিজল পুথোক্নবা লপিদ এক্যুমুলেসন হনগৎনবা বাইওতেক্নোলোজীগী স্তদীশিং অমসুং খুলাইশিংদা থিজিল্লিবা সাইন্তিস্ত অমনা হোৎনবদগীনি।

পেত্রোলিয়ম-বেজ ফ্যুলশিং থুনা হন্থরকপা অসি য়েংলগা তামিল নাউগী তিরুচিরাপলিগী নেস্নেল ইন্সতিত্যুৎ ওফ তেক্নোলোজীদগী দা তি মাতিমনিনা রিন্যুএবল অমসুং সস্তেনেবল সোর্সশিংদগী ফ্যুল পুথোক্নবা পাম্বৈ থীবা হৌরকখি। হন্দক্তা বাইওফ্যুলগী তোঙান তোঙানবা মখলশিং পুথোকখিবগা লোয়ননা, বাইওফ্যুলশিং পুথোক্নবা মাইক্রোঅলগী শীজিন্ননবা কন্না ফোঙদোক্নরকখি মরমদি মখোয়দা অতোপ্পা বাইওফ্যুল ফীদস্তোকতগী কান্নবা কয়া অমা য়াওরি, অমসুং মসিগী সস্তেনেবল ফ্যুলগী ৱাখল্লোন অসিনা মঙোন্দা ইথিল পীখি।

মহাক্কী ইকোনোমি ওইবা বাইওদিজল পুথোক্নবা সমুদ্র ইরোন্নুংদা লৈরিবা মাইক্রোঅলগীদা ত্রাইএসিলগ্লাইসেরোল য়াওবা হেনগৎহন্নবা তেক্নিকশিং অসিগীদমক ভারত সরকারগী দিপার্তমেন্ত ওফ সাইন্স এন্দ তেক্নোলোজীনা পীবা “ইন্নোবেস ইন সাইন্স পর্সুৎ ফোর ইন্সপাইয়র্দ রিসর্চ (ইন্সপায়র) ফেকল্তী ফেলোশিপ” ফংখি।

T. Mathimani.jpg

কেমোস্ফিয়র’ কৌবা জর্নেলদা ফোঙখিবা এরার্দ অসিনা মতেং পীরিবা মহাক্কী রিসর্চ অসিদা দা তি মতিমনি অমসুং মহাক্কী তিমনা পিকোক্লোরম স্পেসিস, সিনিদেস্মস স্পেসিস, ক্লোরেল্লা কৌবা তামিল নাদুগী সমুদ্র মপালগী লমদমশিংদগী বাইওদিজল পুথোক্নবগী অপুনবা ওরগানিক কার্বোনগী চাং অমসুং ত্রাইএসিলগ্লাইসেরিদস (তি.এ.জি)গী চাং য়াওবা সমুদ্র ইরোন্নুংদা লৈবা মাইক্রোঅলগীগী অথোইবা মখল অমা খন্দোকপা ঙমখ্রে।

মখোয়না হৌজিক লিপিদ এক্সত্রেক্সনদা য়ুম্ফম ওইবা মখল কয়াগী বাইওতেক্নোলোজিকেল পোতেন্সিএলশিং অমসুং স্বিচেবল পোলারিতী সোলবেন্ত (এস.পি.এস.) সিস্তেমগীদমক অতোপ্পা মাইক্রোঅলগেল কেন্দিদেৎশিংদা মীৎয়েং থম্লি। এস.পি.এস. অসি থর্মেল প্রোসেস অমা হেক্তা য়াওদনা রিকোভর তৌবা য়াবা ইনর্জী-ইফিসিয়েন্ত স্বিচেবল সোলবেন্ত অমনি অমসুং মহৌশাদা অকায়বা অমত্তা থোকহন্দনা অলগেল লিপিদ এক্সত্রেক্সনদা গ্রীন সোলবেন্ত ওইনা অমুক হন্না শীজিন্নবা য়াই। বাইদিজল পুথোকপা হেনগৎনবা তি.এ.জি. এক্যুমুলেসন হেনগৎহন্নবা মেতাবোলিক ইঞ্জিনীয়রিংগী পাম্বৈশিং শীজিন্নবা য়াই অমসুং অলগেল দিৱাতরিংগী মখল কয়াগী সাইকলশিংদা মেগনেতিক নেনোকম্পোজিৎ (এম.এন.সি.) শীজিন্নবা য়াই অমসুং মসিগী শীজিন্নরবা কলচর সস্পেন্সন অসি বাইওদিজল পুথোকপগী অচংমল চাউনা হন্থহনবদা অমুক হন্না শীজিন্নবা য়াই। পাম্বৈ অহুম অসি মখোয়গী সস্তেনেবল অমসুং শেল-চংদনা বাইওদিজল পুথোকপগী স্তদীদা শীজিন্নবা য়ারগনি।

গ্রুপ অসিনা রোদমেপ অমা শেম্লগনি মসিনা বাইওদিজল কম্মর্সিএল ওইনা পুথোকপা য়াহল্লগনি অমসুং ইনর্জীগী কৈথেলদা কান্নহল্লগনি।

[ফোঙখীবগী লিঙ্ক: দি.ও.আই.: 10.1016/j.chemosphere.2019.125079 দি.ও.আই.: 10.1016/j.bcab.2019.101179

অকুপ্পা মারোলগীদমক, দা ত মনিমতিদা (mathimanit@yahoo.com) পাও ফাওবীয়ু]

********



(Release ID: 1648155) Visitor Counter : 157