ইনফোর্মেসন অমসুং ব্রোদকাস্তিং মন্ত্রালয়

ইনফোর্মেসন অমসুং ব্রোদকাস্তিং মন্ত্রালয়না মীদিয়া প্রদক্সনগী এস.ও.পি. ফোঙখ্রে

Posted On: 23 AUG 2020 12:41PM by PIB Imphal

 

মীদিয়া প্রদক্সন অসি লৈবাক্কী জি.দি.পি. চাউনা শরুক য়াবা অচৌবা শেন্মিৎলোনগী থৌওং অমনি। হৌজিক ওইরিবা কোবিদ-১৯গী লায়চৎ অসি য়েংলদুনা মীদিয়া প্রদক্সনগী স্তেকহোলদরশিংনা মখোয়গী মখোয়গী থবক থৌরমশিং মখা তানা চত্থবদা লায়চৎ অসিবু শন্দোকপা থিংনবা চেকশিন থৌরাং খুদিংমক লৌখৎপা অসি য়াম্না মরু ওইবনি।

ইনফোর্মেসন অমসুং ব্রোদকাস্তিং মন্ত্রালয়না হকশেল অমসুং য়াইফ য়ুম্বাল মন্ত্রালয়গা খুৎশম্নদুনা মীদিয়া প্রদক্সনশিংনা লায়চৎ অসি শন্দোকপা থিংনবা গাইদিং প্রিন্সিপাল অমসুং স্তেন্দর্দ ওপরেতিং প্রোসিজর (এস.ও.পি.) অমা শেম শাদুনা কেন্দ্রগী ইনফোর্মেসন অমসুং ব্রোদকাস্তিং মন্ত্রী শ্রী প্রকাশ জাবাদেকরনা ঙসি নই-দিল্লীদা ফোঙখ্রে। হকশেল অমসুং য়াইফ য়ুম্বাল মন্ত্রালয়না পীখিবা গাইদিং প্রিন্সিপাল অসিদা য়াওরিবা হীরমশিং অদুদা কোবিদ-১৯গী কন্তেনমেন্ত জোন মনুংদা অথিংবা থম্বা খুদিংমক ইনবা, হাই-রিস্ক ওইবা থবক তৌবা মীওইশিংনা অহেনবা চেকশিন থৌরাং লৌগদবনি, ফেস-কবর অমসুং ফেস-মাস্ক শিজিন্নবা, খুৎ তোয়না হাম্বা, হেন্দ সেনিতাইজর মতিক চানা লৈহনবা অমসুং মীদিয়া প্রদক্সনগা মরু ওইনা মরী লৈনবা নিংশা হোনবগী থৌওংশিং ঙাকপা য়াওরি।

মন্ত্রালয় অসিনা মালেমদা চত্থরিবা চৎনবীশিংগী মতুং ইন্না এস.ও.পি. শেম্লিবা অমসুং সেক্তর অসিনা ইনগদবনি হায়রিবা অসিগী মনুংদা য়াওরিবশিং অদুদা ফিজিকেল দিস্তেন্সিং তৌবা, শুতিং তৌফমগী চংফম অমসুং থোকফম অকক্ননা লৈবা, সেনিতাইজেসন, স্তাফশিংগী তেক্ত কায়দবা, শোক্ন-শম্নবদা হন্থহনবা অমসুং এম.ঐচ.এ.না থোকপা গাইদলাইনগা মরী লৈনবা চত্থোক চৎশিন তৌবগী মওংশিংগা লোয়ননা ক্বারেন্তাইন অমসুং আইসোলেসন তৌবা য়াওরি। কেমেরাগী মমাংদা লৈবা এক্তরশিং নত্তনা অতোপ্পা মীওইশিংদি মালেমগী চৎনবী ওইরিবা ফেস মাস্ক শোইদনা উপকদবনি।

WhatsApp Image 2020-08-22 at 11.54.08 AM.jpeg

রাজ্য খুদিংমক , অতোপ্পা স্তেকহোলদরশিং অমসুং রাজ্য সরকারশিংনা মীদিয়া প্রদক্সনগী থবক হৌবা মতমদা হায়রিবা গাইদিং প্রিন্সিপাল অমসুং এস.ও.পি. খুদিংমক ইন্দুনা চৎকদবনি।

WhatsApp Image 2020-08-22 at 11.54.08 AM (2).jpeg

WhatsApp Image 2020-08-22 at 11.54.08 AM (1).jpeg

গাইদলাইন অসি ফোঙবা মতমদা শ্রী প্রকাশ জবাদেকরনা অসুম্না হায়খি, “এস.ও.পি. অসিনা মালেমগী কাঙলোন ইল্লি। কোরোনাভাইরসনা থা তরুক্কী ময়াদা শোকহল্লবা ইন্দস্ত্রী অসিনা অমুক হন্না মথৌ তৌবা ঙমহনবদা তেংবাংগনি অমসুং মন্ত্রালয়গী খোঙথাং অসি মীয়াম্না পাম্নগনি”। শ্রী জবাদেকরনা হায়খিবদা ফিলম অমসুং তেলিবিজন শেক্তরনা মশিং য়াম্লবা মীয়ামদা থবক পীবগী মরম অসিনা খোঙথাং অসিনা শেন্মিৎলোন ফগৎহন্নবা শাফু পীবদা পান্দম থম্লিবা অসিগী মতাংদসু পনখি।

রাজ্য খুদিংনা এস.ও.পি. অসি ইন্দুনা চৎনহনবতা নত্তনা তঙাই ফদবগী মতুং ইন্না অতোপ্পা হীরমশিংসু হাপকনি হায়বগী থাজবা থম্মি হায়না মন্ত্রালয়না ফোঙদোকখি। এস.ও.পি. অসি হকশেল অমসুং য়াইফ য়ুম্বাল মন্ত্রালয় অমসুং গৃহ মন্ত্রালয়গা তানরবা মতুংদা শেমখিবনি।

এস.ও.পি. অসিগী অকুপ্পা মরোলশিং মখাগী অসিদগী খঙবা য়াগনিঃ

https://mib.gov.in/sites/default/files/SOP%20on%20Media%20Production%2021%20Aug%202020%20%281%29.pdf

***



(Release ID: 1648042) Visitor Counter : 225