লৈবাক অসিদা কোরোনাভাইরস (কোবিদ-১৯)গী লায়চৎনা খুদোংথীবা থোকহল্লিঙৈ চৈরক অসিদা, ভারত সরকারনা লৈবাক শিনবা থুংনা লৈরিবা মাইগ্রেন্ত শিন্মীশিগীদমক ২০২০গী মে থাগী ময়াই চল্লকপদা অত্মা নির্ভার ভারত পেকেজ (এ.এন.বি.পি.)কী মখাদা তোঙান তোঙানবা শেন্মীৎলোনগী ওইবা খোঙথাংশিং লাউথোকখ্রে। মসিগী মখা তারকপা ওইনা, লৈবাক শিনবা থুংনা লৈরিবা মাইগ্রেন্ত/পন্দুনা লৈরিবা মাইগ্রেন্তশিংগী মথৌ তারিবা ফুদ সেক্যুরিতী ফংহনবদা মতেং পাংনবা “অত্মানির্ভার ভারত স্কিম (এ.এন.বি.এস.)”কী মখাদা মে ১৫, ২০২০দা লাউথোকখিবা রাজ্য/য়ু.তি. পুম্নমক্তা পুন্না চেং এম.তি.লাখ ৮রোম ফুদ এন্দ পব্লিক দিস্ত্রিব্যুসন বিভাগনা পীথখ্রে। স্কিম অসিনা খম থেংনা ৱারবা কোবিদ-১৯গী ওইরিবা ফীভম অসিদা মনুংদা নেস্নেল ফুদ সেক্যুরিতী এক্ত (নফসা) নত্রগা অতোপ্পা স্তেৎ পি.দি.এস. স্কিম অমত্তগী মখাদা লৈতবা নত্রগা পি.দি.এস.কী চেং ফংদ্রবা মীওই পুম্নমকপু অখন্ননা কোনশিল্লি।

ইন্তর-স্তেৎ মাইগ্রেন্তশিংগী মশিং অসি মফম অমত্তদা মশিং থিহৌদে অদুবু মাংজৌননা লৌখৎপা খোঙথাং ওইনা অমসুং পাক শন্না মিদিয়াদা উৎলিবা অদি য়েংলগা চাউরাক্না লৈবাক অসিদা মাইগ্রেন্ত/পান্দুনা লৈরিবা মাইগ্রেন্ত কোতি ৮ রোম লৈরম্বা য়াই হায়না পান্নরি। খোঙথাং অসিনা পীথারক্লিবা অসিনা মথৌ তারিবা অদু ৱাৎতনা ফংহন্নবা মরাং কায়না শিল্লি। খঙজিনবা য়াবদি কেন্দ্র সরকার নত্রগা রাজ্য সরকার অমত্তদা লৈবাক অসিদা লৈরিবা অসিগুম্বা মীওইশিং অসিগী অচুম্বা নত্রগা চাউরাকপা মশিংগী দেতা লৈখিদে। তশেংবদি মিদিয়াদা উৎলিবা সমস্যা অসিগী মতুং ইন্না সরকারনা পুকচেল শেংনা মীনুংশিগা লোয়ননা কনাগুম্বা অমদা চিথহৌদনবা হোৎনবা মথৌ তাখি।

মখা তারকপা ওইনা, ফুদ এন্দ পব্লিক দিস্ত্রিব্যুসন বিভাগনা লৈবাক অসিদা লৈরিবা মাইগ্রেন্তশিং/পন্দুনা লৈরিবা মাইগ্রেন্তশিং পুম্নমক কোনশিনবা ঙম্নবা থৌ তাবা চেং চপ চান্না পীথখ্রে।  চেং চপ মান্ননা ফংহন্নবা রাজ্য অমমমদা লৈবাক অসিগী নফসাগী মশিং কোতি ৮১ অসিগী চাদা ১০%গী অহেনবা চেং পীথখি। অসুম্না ফুদ বিভাগনা থা অমগী চেং এল.এম.তি. ৪ রোম অমসুং থা অনি হায়বদি মে অমসুং জুন ২০২০গী অপুনবা এম.এল.তি. ৮ পীথখ্রে। করিগুম্বা মাইগ্রেন্ত/পন্দুনা লৈরিবা মাইগ্রেন্তশিংগী মশিং অসি তশেংনা কোতি ৮রোম ওইরবদি মসিনা মরাং কায়না কোন্নগনি। মখা তানা রাজ্যশিং/য়ু.তি.শিংনা খুদোংথিবা অসিনা মরম ওইদুনা কনাগুম্বা রসন কার্দ পায়দবা নত্রগা চেং ফংদ্রবা মীওইশিং খঙদোক্তুনা অমসুং অহেনবা রসন অসি য়েন্থোকপগী হকশিং পীরি অমসুং মীওইশিং অসি খঙদোক্নবা চন্নবা পাম্বৈশিং লৌখৎনবা অমসুং মখোয়দা চেং অসি লেম্না য়েন্থোক্নবা খঙহনখি। মখা তানা ফুদ এন্দ দিস্ত্রিব্যুসন বিভাগা রাজ্যশিং/য়ু.তি.শিংগা লোয়ননা চাং নায়না পাও ফাওনরি অমসুং রাজ্য/য়ু.তি. পুম্নমক্তা খঙহনখি মদুদি মাইগ্রেন্তশিং/পন্দুনা লৈরিবা মাইগ্রেন্তশিংগী মথক্তা, অত্মানির্ভার ভারত স্কিম (এ.এন.বি.এস.)কী মখাদা নফসা/স্তেৎ রসন কার্দ পায়দবা মীওই পুম্নমক্তসু চেং লেম্না য়েন্থোক্কদবনি।

অত্মা নির্ভার ভারত স্কিম (এ.এন.বি.এস.) ইমপ্লিমেন্ত তৌরিঙৈদা রাজ্য/য়ু.তি. পুম্নমক্কী ফুদ এন্দ সিবিল সপ্লাইস বিভাগশিংনা মখোয়গী রাজ্যশিং/য়ু.তি.শিংদা ত্রাঞ্জিৎতা, ক্বারেন্তিন সেন্তরশিংদা, লেবর কেম্পশিংদা, কনস্ত্রকসন সাইৎশিংদা লৈরিবা মীওইশিংগুম্বা মাইগ্রেন্তশিং/ পন্দুনা লৈরিবা মাইগ্রেন্তশিংগী মশিং খঙদোক্নবা কন্না হোৎনরি অমসুং লেবর বিভাগশিং, দিস্ত্রিক্ত এনমিনিস্ত্রেসনশিং, সিবিল সোসাইতি, এন.জি.ও.শিংদগী মতেং লৌখি অমদি অসুম্না রাজ্যশিং/য়ু.তি.শিংগী খঙদোক্লিবা/সর্ভেশিং অসিদা য়ুম্ফম ওইরগা এ.এন.বি. স্কিমগী মখাদা লেম্না চেং ফংবা য়াবা মাইগ্রেন্তশিং/পন্দুনা লৈরিবা মাইগ্রেন্তশিংগী মশিং অসি কোতি ২.৮ রোম ওইরি হায়না উৎখি অমসুং রিসোর্স পুম্নমক পুনশিন্দুনা অসিগুম্বা মীওইশিংদা ফিয়র প্রাইস শোপশিং (এফ.পি.এস.শিং) খক্তগী খুত্থাংদা নত্তনা মরু ওইবা লম্বীশিং অমসুং হায়ৱেজশিং, ক্বারেন্তিন সেন্তরশিং, শেল্তর হোমশিং, লেবর কেম্পশোংগী অখন্নবা দিস্ত্রিব্যুসন সেন্তরশিংগী খুত্থাংদা চেং লেম্না য়েন্থোক্নবা অথুবদা থৌরাং লৌখৎলি অমসুং অসিগুম্বা মীওইশিং মখোয়না লৈরিবা মফমশিংদা মোবাইল ভেন শীজিন্নদুনা ফংহন্নবসু হোৎনরি।

অত্মা নির্ভার ভারত স্কিম (এ.এন.বি.এস.) অসি ২০২০গী মেগী ময়াই চল্লকপদা লাউথোকখি অমসুং অসিগুম্বা মাইগ্রেন্তশিং/পন্দুনা লৈরিবা মাইগ্রেন্তশিং অসি রাজ্যশিং অমসুং য়ু.তি.শিংনা খঙদোক্লবা মতুংদা মাইগ্রেন্তশিং/পন্দুনা লৈরিবা মাইগ্রেন্তশিং অমত্তা ৱাৎহৌদনবা থৌরাংশিংগা লোয়ননা অপুনবা চেং এল.এম.তি ৬.২৮ রাজ্যশিং/য়ু.তি.শিংনা মখোয়গী মথৌ তাবগী মতুং ইন্না চিংখি। অমরোমদা খোঙথাং অসি লৌখৎলিঙৈদা, রাজ্য/য়ু.তি. কয়ানা অসিগুম্বা মাইগ্রেন্তশিং/পন্দুনা লৈরিবা মাইগ্রেন্তশিং অয়াম্বনা মখোয়গী রাজ্যশিং/য়ু.তি.শিং থাদোক্তুনা মরমদমদা হনখ্রে মফমশিং অদুদা মখোয় নফসা নত্রগা স্তেৎ পি.দি.এস.কী চেং ফংলমগনি হায়না ফোঙদোকরক্লি। অসুম্না চিংখ্রবা চেং এল.এম.তি. ৬.৩৮ অসি মপুং ফানা শীজিন্নখিদ্রে/য়েন্থোকখিদ্রে। মরম অসিনা জুন ২০২০গী অরোইবা ফাওবদা রাজ্যশিং/য়ু.তি.শিংমনা শুবন্তগী চেং এল.এম.তি. ২.৩ খক্তা য়েন্থোকখি। রাজ্য/য়ু.তি. কয়ানা হায়জরকপগী মতুং ইন্না রাজ্য/য়ু.তি. অদুগী মাইগ্রেন্তশিং/পন্দুনা লৈরিবা মাইগ্রেন্তশিং খুদোংচাবা ফংনবা হান্না চিংখ্রবা চেং অসি য়েন্থোকপগী মতম থা অনি শাংদোক্নবা শাংদোকখ্রে হায়বদি ওগস্ত ৩১, ২০২০ ফাওবা।

ওগস্ত ১৭, ২০২০ ফাওবদা ফংবা রিপোর্তকী মতুং ইন্না চিংখ্রিবা চেং এল.এম.তি. ৬.৩৮কী মনুংদা স্কিম অসিগী মখাদা খঙদোক্লবা মাইগ্রেন্তশিং/পন্দুনা লৈরিবা মাইগ্রেন্তশিংদা রাজ্যশিং/য়ু.তি.শিংনা পুন্না চেং এল.এম.তি. ২.৪৭ (৩৯%) য়েন্থোকখ্রে। ওগস্ত ৩১, ২০২০ ফাওবা য়েন্থোকপগী থবক চত্থরিবা অসিগা লোয়ননা এ.এন.বি.এস.কী মখাদা অহেনবা মাইগ্রেন্ত মীওইশিংদা চেং লেম্না ফং্নবগী কান্নবা অসি ফংহনবা ঙম্লগনি হায়না থাজবা থম্লি। শীজিন্নবগী চাং নেম্লিবা অসিনা তাক্লি মদুদি তশেংবা মাইগ্রেন্ত শিন্মীশিংগী মশিং অসি পান্নরিবা অসিদগী নেম্মী অমসুং করিগুম্বা মখোয়না মশাগী রাজ্যশিংদা হনখিবা থোক্লবদি মফম অদুদা নফসা নত্রগা স্তেৎ রসন কার্দ স্কিমগী মখাদা মখোয় শোইদনা কোনশিল্লমগনি।

মখা তানা, এ.এন.বি.এস.কী মখাদা লেম্না চেং য়েন্থোকপগী মথক্তা উত্তর প্রদেশ, বিহার, ত্রিপুরা, মনিপুর, জে অমসুং কে গুম্বা রাজ্য খরনা মার্চ ২০২০গী মতুংদা মমাংদা কোনশিল্লমদবা বেনিফিসরীশিংদা অনৌবা রসন কার্দশিং পীখ্রে মসিগা লোয়ননা নফসা/পি.এম.জি.কে.এ.ৱাই.গী মখাদা ফংলম্বা চেংগী কোতাদা মথং শিৎনা মীওই লাখ ৪৫, লাখ ১৫, ২৫,০০০, ১০,০০০ অমসুং ৩৫,০০০ হাপচিনখ্রে। মসিনা তাক্লি মদুদি হায়রিবা মতম অসিগী মনুংদা হন্না রাজ্য অসিগী মপান্দা লৈরম্বনা মরম ওইদুনা কোনশিল্লমদবা মীওই লাখ ৬০.৭০ হেন্না কোনশিনখ্রে অমসুং অনৌবা কার্দশিং শেমখ্রে। অমসুং মশিং অসি এ.এন.বি.পি.গী মখাদা কোনশিল্লম্বা মাইগ্রেন্ত কোতি ২.৫১দা লায়না হাপচিনবা য়ারগনি মসিনা থাগী ওইনা ফংলিবা বেনিফিসরীশিংগী তশেংবা মশিং কোতি ৩.৮১দা হেনগৎহল্লি। মসিগী মথক্তা রাজ্য /য়ু.তি. কয়ানা ওপন মার্কেৎ সেল্স স্কিম (ও.এম.এস.এস)দগী অহোংবা মমলদা চেংশিং লৌরি অমসুং হায়রিবা অসি তোঙান তোঙানবা সিবিল সোসাইতীশিং, এন.জি.ও.শিং, দিস্ত্রিক্ত এদমিনিস্ত্রেসনশিংনা পীথদুনা খ্বাইদগী খুদোংথিবা তারিবা মতম অসিগী মনুংদা চান্না থক্নবগী মতেং মথৌ তারিবা মাইগ্রেন্ত কয়াদা চেং ওইনা/অথোংবা ওইনা মখোয়না ফংহল্লি। মাইগ্রেন্তশিং/পন্দুনা লৈরিবা মাইগ্রেন্তশিংগী মথৌ তাবা চানা-থক্নবা ফংহন্নবা হৌরকপা মতমদা রাজ্যশিংনা এস.দি.আর.এফ. শীজিন্নখি।

নফসাদা মীওই কোতি ৮১মুক কোনশিল্লি অমসুং রাজ্য/য়ু.তি. খরাগী মশাগী স্কিমদা অহেনবা মীওই কোরি ২০দা চেং ফংহল্লি। অসুম্না নফসা অমসুং রাজ্য/য়ু.তি. মশাগী স্কিমগী খুত্থাংদা পি.দি.এস.কী মখাদা মীওই কোতি ১০০ হেন্না কোনশিল্লি, অহেনবা মীওই কোতি ৮ হাপ্লিবা অসি মীয়ামগী খল্লগা তৌখিবনি অমসুং শীজিন্নবগী চাং নেম্বা অসিনা ময়েক শেংনা তাক্লি মদুদি ইন্তর্স্তেৎ মাইগ্রেন্তশিংগী তশেংবা মশিং অসি হান্না খল্লম্লিবা অসিদগী য়াম্না তারি। মসিনসু তাক্লি মদুদি প্রোবিজন অসিনা মরাং কায়না ফংহনবা ঙম্লমগনি অমসুং মাইগ্রেন্তশিং/পন্দুনা লৈরিবা মাইগ্রেন্তশিংগী মথৌ তারিবা অদু ফংহনবদা অৱাৎপা লৈরম্লোই। মাইগ্রেন্ত কোতি ৮ লৈ হায়না পান্নরম্বা অমসুং মখোয়দা ফংহনগদবনি হায়না পান্নরম্বা অসি অচুম্বা ওইরমদ্রে। লোয়ননা মশিং অসি মেদা কোতি ২.৩৩ খক্তা ওইদুনা তারমখি অমসুং জুনদা কোতি ২.৫৭ ওইখি, রাজ্য/য়ু.তি.না হোৎলম্বা অদুদগী তাদুনা মে ২০২০গী লোইরকপদা মশিং অসি কোতি ২.৮০ ওইখি। মসিগী মথক্তা মার্চ ২০২০গী মতুংদা মশাগী রাজ্যসা হল্লকপা কয়া নফসা/পি.এম.জি.কে.এ.ৱাই.গী মখাদা অহেনবা মীওই লাখ ৬০.৭০দা চাং নায়না রসন ফংহনখি অমসুং মরম অসিনা এ.এন.বি.পি.গী মখাদা তশেংনা পান্দম থম্লিবা মশিং অসি মীওই কোতি ৮ ওইনা লৌরোইদবনি। হান্না চেং চিংখ্রবা রাজ্যশিং/য়ু.তি.শিংনা চেং য়েন্থোকপগী মতম শাংদোকখ্রবসু জুলাই অমসুং ওগস্তকী ওইনা বেনিফিসরী লাখ ২১ হেনবদা জুলাই থাদা রাজ্য পুম্নমক্না ফংহনখি অমসুং ওগস্তকী ওইনা বেনিফিসরী লাখ ৬রোম ওইখি মসিনা তাক্লি মদুদি মাইগ্রেন্তশিং/পন্দুনা লৈরিবা মাইগ্রেন্তশিং পুম্নমক কোনশিনখ্রে অমসুং এ.এন.বি.পি. স্কিম অসি হৌদোকপগী কান্নবা ফংলে হায়না লৌবা য়ারে। মরম অসিনা মতম চানা খোঙথাং লৌখৎপনা মায় পাকপা ঙম্বনি হায়না লৌবা য়ারে।

*****