পৱার সিস্তেম পুম্নমক্না থেংনরিবা শেনথুমগী অৱাবা কোকহন্নবগীদমক্তা জেনেরেতিং কম্পেনী অমদি ত্রান্সমিসন কম্পেনী পুম্নমক্তা  পৱার মন্ত্রালয়না আত্মনিরভর ভারতকী মখাদা পি.এফ.সি. অমসুং আর.ই.সি.গী লিকুইদিতী ইন্ফ্যুজন স্কিমগী মখাদা শেন থীবা খুদিংমক্কী লেত পেমেন্ত সর্চার্জ চহীদা (সিম্পল ইন্তরেস্ত) চাদা ১২দগী হেন্দনা লৌননবা পাউতাক পীখ্রে‍। থৌরাং অসিনা দিস্কোমশিংদা লৈবা শেনথুমগী পোৎলুম হন্থহনগনি‍।

হৌখিবা চহী খরসিদা লৈবাকসিদা শেন্দোয়গী চাং হন্থরক্লবসু চৎনরিবা লেত পেমেন্ত সর্চার্জতি য়াম্না ৱাংলি‍। হীরম কয়াদা এল.পি.এস. চহীদা চাদা ১৮ ফাওবগী চাংদা লৈবনা মরম ওইরগা কোবিইদ-১৯ লাইচৎনা মরম ওইদুনা থম্লিবা লোকদাউনগী খুদোংচাদ্রবা ফীভমসিদা দিস্কোমশিংদা ফীভম তাহন্দ্রে‍।

কোবিইদ-১৯ লাইচৎনা পৱার সেক্তরগী স্তেকহোল্দর পুম্নমক্কী মরুওইনা দিস্ত্রিব্যুসন কম্পেনীশিংগী লিকুইদিতী পোজিসনদা ফীভম চাদবা মায়োক্নহল্লি‍। কেপাসিতী চার্জশিংগী রিবেত, পৱার সিদ্যুলিংগী লেত্তর ওফ ক্রেদিতকী চৎন-কাঙলোনশিংদা কোমথোকপা, লিকুইদিতী ইন্ফ্যুজন স্কিমনচিংবশিং য়াওনা লৈঙাক্না হায়রিবা ফীভম চাদবশিং অসি হন্থহন্নবা থৌরাং কয়া লৌখৎলি‍। লৌখৎলিবা থৌরাংশিংগী মনুংদা লেদ পেমেন্ত সর্চার্জ (এল.পি.এস.)কা মরী লৈননা ৩০.০৬.২০২০ ফাওবগী ওইনা দিস্ত্রিব্যুসন কম্পেনীশিংনা জেনেরেতিং কম্পেনীশিং অমসুং ত্রান্সমিসন কম্পেনীশিংদা মৈ লৈবগী/ত্রান্সমিসনগী শেন থীবদা থেংথবদা চৎনরিবসিনি‍। মসিনা মৈ শীজিন্নরিবশিংদা মওং মরিল নাইনা মৈ ফংহন্দুনা অমদি খুদোংথিরবা মতম মায়োক্নজরবসু চার্জ হন্থহন্দুনা মতেং ওইহনগনি‍।

******