ই.পি.এফ.ও.না ওগস্ত ২০, ২০২০দা ফোঙখিবা প্রোবিজনেল পেরোল দেতানা হায়বগী মতুং ইন্না এফ.ৱাই. ২১ অহানবা ক্বার্তরগী মনুংদা অপুনবা সবস্ক্রাইবর লাখ ৮দগী হেনবা হাপখি। কোবিদ-১৯গী লায়চৎ অসিনা এপ্রিল অমসুং মে ২০২০গী মী অনৌবা হাপ্পগী থৌওংদা অয়েৎপা পীখি। লোকদাউন লৈরবসু এপ্রিল অমসুং মে ২০২০গী ওইনা ই.পি.এফ.ও.গী সোসিএল সেক্যুরিতী স্কিমশিংগী মনুংদা মথংশিৎনা অনৌবা সবস্ক্রাইবর  চাউরাক্না লাখ ০.২০ অমসুং ১.৭২ হাপখি। জুন থাদদি খোঙজেল য়াঙনা ফগৎপগী ফিভম উবা ফংদুনা অনৌবা সবস্ক্রাইবর লাখ ৬.৫৫ হাপ্তুনা থা থাগী ওইবা ২৮০%গী শাহৌ লৌখি। দেতা অসিদা থা অসিগী মনুংদা য়াওরকক্তুনা থবক হৌখিবা অনৌবা মেম্বরশিং য়াওরি।

সবস্ক্রাইবর বেজকী শাহৌ লৌবা অসি অনৌবা সবস্ক্রাইবর মশিং হেনগৎপা, লাৱর একজিৎ অমসুং থোকখ্রবা মেম্বরশিংনা অমুক মশিং য়াম্না য়াওশিল্লকপদা য়ুম্ফম ওইরগা হোৎলি। অনৌবা সবস্ক্রাইবর য়াওরকপা অসি ইং ২০২০গী মে থাদা লাখ ৩.০৩ ওইবদগী জুন থাদা লাখ ৪.৯৮ ওইদুনা চাউরাক্না ৬৪%গী চাংদা হেনগৎলি। মসিগী মথক্তা ই.পি.এফ.ও.সবস্ক্রাইবর বেজতগী থোকখিবা অসি ইং ২০২০গী মে থাদা লাখ ৪.৪৫ ওইবদগী জুন্দা লাখ ২.৯৬ ওইদুনা চাউরাক্না ৩৩%গী চাংদা হন্থরক্লে।

থোকখ্রবা মতুংদা অমুক হন্না য়াওরকপা মেম্বর মশিং অসিনা ই.পি.এফ.ও.গী মখাদা লৈবা ইস্তাব্লিশমেন্তশিংগী মনুংদা থবক শিন্দোক শিঞ্জিন তৌবগী মওং তাকপনি। ইং ২০২০গী মে থাদা ওইবা মশিংদগী জুন্দা ওইবা মশিংনা চাউরাক্না ৪৪%গী চাংদা হেনগৎলে অমসুং সবস্ক্রাইবর অয়াম্বনা অরোয়বা শেত্তলমেন্ত তৌদনা শেল থাদোক থাজিন তৌদুনা লেংদনা মেম্বর ওইনা লৈবা পাম্নরি।

জেন্দরগী ওইনা য়েংশিনবদা নুপীশিংনা থবক্কী পথাপ অসিগী মনুংদা য়াওবগী অপুনবা অসি নেম্লবসু নুপী থবক তৌবীশিংনা নৌনা য়াওরকপা অসি এপ্রিল, ২০২০দা ৩৭০৮৫ ওইবদগী জুন, ২০২০দা হেনগৎলক্তুনা ১০৬০৫৯ য়ৌরে।

ইন্দস্ত্রীগী কাংলুপ নাইনা য়েংশিনবদা ‘এক্সপর্ত সর্বিস’কী কাংলুপ অসিনা ২০১৮-১৯ অমসুং ২০১৯-২০দা মথংশিৎনা ৪৬% অমসুং ৪৫%গী শরুক ওইরি। মসিগী মশিং অসি ২০২০-২১গী অহানবা ক্বার্তরদা ৫২.৭%গী চাংদা লৈ অমসুং মসিনা তাকপদি ইন্দস্ত্রী কয়া অমা ফগৎলক্কদবা ৱাৎলি অদুবু এক্সপর্ত সর্বিস্তী য়াম্না ফগৎলে হায়বনি। জুন ২০২০দা এক্সপর্ত সর্বিস্কী কাংলুপ্তা য়াওরকপা অপুনবা মশিং অসি লাখ ৩.৪৫নি অমসুং মসিনা ২০১৯-২০গী থাগী চাংচৎ ওইখিবা লাখ ৩দগী হেল্লি। এক্সপর্ত সর্বিস্তা মী পীবগী এজেন্সীশিং, প্রাইবেৎ সেক্যুরিতী গার্দকী এজেন্সীশিং অমসুং অপিকপা কন্ত্রেক্তরশিংনা মপুং ওইনা য়াওই।

মশাগী অহানবা ই.সি.এর. পীথোকখিবা অনৌবা ইস্তাব্লিশমেন্ত অসি এপ্রিল ২০২০দা য়াম্না নেম্বা ৮২০ ওইরম্বদগী মেদা ১৮০২দা কাখৎখ্রে। জুন ২০২০দা মখা তানা শাহৌ লৌদুনা ইস্তাব্লিশমেন্ত ২৩৯০ মশাগী ই.সি.আর. লৈদুনা ৩২%গী চাংদা শাহৌ লৌখি।

ই.পি.এফ.ও.না ভারতকী ওর্গনাইজদ অমসুং সেমি-ওর্গানাইজদ সেক্তরগী থৌমীশিংগী সোসিএল সেক্যুরিতী ফন্দশিং শেন্নবগী থবক তৌই অমসুং মসিগী এক্তিব মেম্বর কোতি ৬তগী হেন্না লৈ। পেরোল দেতা অসিদি প্রোবিজনেলনি মরমদি থৌমীশিংগী রেকোর্দ অপদেৎ তৌবা অসি লেপ্তনা চত্থবা থৌওং ওই অমসুং মসিদি মথংগী থা খক্তদা অপদেৎ ওইবা ঙম্মি।

******