হন্দক লৌউ-শিংউগী কৈথেলগী মতাংদা অহোংবা পুরকখিবশিং অমসুং লুপা করোর লাখ ১গী এগ্রিকলচর ইনফ্রাস্ত্রকচর ফন্দ পায়খৎনবগী মতাংদা এগ্রিকলচর অমসুং ফারমর্স ৱেফিয়ারগী য়ুনিয়ন মিনিস্তর নরেন্দ্র সিংহ তোমারনা চীফ মিনিস্তরশিং অমসুং রাজ্যগী এগ্রিকলচর মিনিস্তরশিংগা লোয়ননা ঙসি ৱা খন্নখ্রে। ভিদিও কনফরেন্সকী খুৎথাংদা পাংথোকখিবা থৌরম অদুদা হরিয়ানা, মৈধ্য প্রদেস, উত্তরখান্দগী চীফ মিনিস্তরশিং অমসুং বিহার, হিমাচল প্রদেস, গুজরাতকী এগ্রিকলচর মিনিস্তরশিং অমসুং এগ্রিকচরগী কেন্দ্রগী রাজ্য মন্ত্রী পুরসোত্তাম রুপাল অমসুং কাইলাস চৌধুরি শরুক য়াখি।

য়ুনিয়ন মিনিস্তরনা হায়খি লৈবাক অসিগী অপুনবা লৌমীশিংগী চাদা ৮৫ ওইরিবা অপীকপা অমসুং ময়াই ওইবা লৌমীশিংদা লুপা করোর লাখ ১গী এগ্রি ইনফ্রাস্ত্রকচর ফন্দগী কান্নবা মপুংফানা ফংহনগদবনি। লৌমীশিংগীদমক য়াম্লবা শেনফম অসি প্রধান মন্ত্রীনা কাইথোকপনি। সরকারনা পুথোক্লিবা ওর্দিনান্সশিং অসি লৌমীশিংগী য়াইফনবনি অমসুং মিনিমম সপোর্ত প্রাইজগী মতাংদা লান্না লমজিংবা দরকার ওইদে। হান্নগুম এম.এস.পিদা য়ুম্ফম ওইরগা লৌমীশিংদগী মখা তানা পোৎথোক লৈগনি।লুপা করোর লাখ ১গী ফন্দ শীজিন্ননবা উপ্না তাবা উনা লোঙনা হাইদোক্তুনা থবক পায়খৎকনি হায়না চীফ মিনিস্তরশিং অমসুং রাজ্যগী এগ্রিকলচর মিনিস্তরশিংনা থাজবা পীখি অমসুং খুঙ্গং খুদিংমক্তা অনৌবা মচাক-মথুমশিং শেমগৎকনি হায়রি।

“অত্মানির্ভর ভারত”কী মখাদা পায়খৎকদবা লৌউ-শিংউগী থবক, লৌমীশিং ওন্ত্রে্প্রেনিউয়র ওন্থোক্নবা পান্দম অমসুং লৌমীশিংগী শেন্থোক শরুক অনিদা হেনগৎহন্নবগী মতাংদা মিনিস্তরনা হায়খি সরকারনা পায়খৎলিবা স্কিমশিং অসিনা এগ্রিকলচর ইনফ্রাস্ত্রকচর ফন্দ, এফ.পি.ও ১০,০০০ য়োকখৎনবা স্কিম, হন্দক লাউথোকখিবা ওর্দিনান্স অহুম, পিএম-কিষানগী মখাদা ফংহল্লিবা কান্নবশিং অমসুং লৌমীশিংগী কে.সি.সি মপাঙ্গল কনখৎহনগনি।

মহাক্না হায়খি কেন্দ্র সরকারগী ওর্দিনান্স অসিদগী লৌমীশিং কান্নবা ফংলে। কন্ত্রেক ফার্মিং অমসুং ক্লস্তর ফার্মিংনা লৌমীশিংগী শেন্থোক হেনগৎহল্লে। এফ.পি.ও ১০,০০০ শেম্নবা লুপা করোর ৬৮৬৫ কাইথোক্লে অমসুং মসিনা অপীকপা লৌমীশিংগী চাদা ৮৫ কান্নবা ফংহনগনি। হায়রিবা এফ.পি.ওশিং অসিনা অপীকপা লৌমীশিংগী পোৎথোক হেনগৎহন্নবা অচৌবা থৌদাং লৌগনি। মসিগী মতাংদা রাজ্যশিংগা মথংগী মীফমদা খন্নগনি।

লৌউ-শিংউদা শেন থাদবা হেনগৎহন্নবা অমসুং লৌমীশিংগী শেন্থোক হেনগৎহন্নবগী মতাংদা য়ুনিয়ন মিনিস্তরগা চীফ মিনিস্তরশিং অমসুং মিনিস্তরশিংগা ৱা খন্নখি। মহৈ-মরোং লোকপা লোইরবা মতুংগী থবকশিংদা অমসুং মতমগী অনৌবা গোদাউনশিং, কোল্দ চেনশিং, ইন্তেগ্রেতেদ পেক-হাওসশিংগী লমদা শেন থাদনবা রাজ্যশিংদা লৈরিবা খুদোংচাবশিংগী মতাংদা কুপ্না খন্নখি। স্কিমগী মখাদা কমদৌনা এফ.পি.ওশিং , পি.এ.সি.এস অমসুং স্তার্দ-অপশিংনা কান্নবা ফংগনি হায়বগী মতাংদা কুপ্না খন্নখি। এগ্রিকলচর ইনফ্রাস্ত্রকচর ফন্দগী মখাদা শেন থাদবা হেনগৎহন্নবা কেন্দ্র অমসুং রাজ্যগী স্কিমশিং পুনশিন্নবা য়ুনিয়ন মিনিস্তরনা রাজ্যশিংদা তকশিনখি।

হৌজিক ৱাৎলিবা মচাক-মথুমশিং মেনখৎনবা মরুওইবা প্রোজেকশিং মশক খঙদোক্নবা অমসুং স্কিমশিং পায়খৎনবা য়ুনিয়ন মিনিস্তরনা চীফ মিনিস্তরশিং/মিনিস্তরশিংগা অরোইবদা খন্নখি। লৌমীশিংনা কান্নবা ফংনবা রাজ্যশিংদা স্কিম অথুবদা পায়খৎকনি হায়বগী থাজবা চীফ মিনিস্তরশিংনা পীখি।

মৈধ্য প্রদেসকী চীফ মিনিস্তর সিবরাজ সিংহ চৌহান্না হায়খি ফন্দ ফজনা শীজিন্ননবা রাজ্য থাক্কী মোনিতরিং কমিতি অমা শেম্লে। রাজ্য সরকারনা অনৌবা ফার্মর প্রদুসর ওর্গনাইজেসনশিং শেম্নবা থবক পায়খৎলে। জিলা অমা-পোৎথোক অমা স্কিম পায়খৎলে। রাজ্য অসিদা স্তার্দ-অপশিং য়োকখৎলে অমসুং মন্দিশিং মতমগা চুনবা মওংদা শেমগৎলে।

হরিয়ানা চীফ মিনিস্তর মনোহর লাল খাত্তরনা হায়খি এগ্রি ইনফ্রাস্ত্রকচর ফন্দগী মখাদা পায়খৎনবা প্রোজেকশিং রাজ্য অসিনা শেম্লে। রাজ্য অসিদা এফ.পি.ও ৫০০ হেন্না লৈরি অমসুং অনৌবা ৫০০ হেন্না শেম্লগনি। ওর্দিনান্স অসিগী মতাংদা কিষান মিত্র ১৭০০০না লৌমী লাখ ১৭ ৱাখল তান্নবা মতেং পাংগনি।

উত্তরখান্দগী চীফ মিনিস্তর ত্রিবেন্দ্র সিংহ রৱাতনা হায়খি লমদম অমগী দরকার ওইবশিং য়েংলগা মচাক-মথুমশিং শেমগৎকনি অমসুং মসিনা লৌমীশিংগী থোঙজিলদা খুদোংচাবশিং ফংহনবা ঙমগনি।

এগ্রিকলচর অমসুং ফারমর্স ৱেফিয়ার মিনিস্ত্রগী জোইন্ত সেক্রেতরি বিবেক অগরৱালনা থৌরাং অসিগী মতাংদা শন্দোক্না উৎখি অমসুং প্রোজেক মেনেজমেন্ত য়ুনিত অমা শেম্নবা রাজ্যশিংদা খঙহনখি। স্কিম অসিগী মতম শেনবা চহি ২০২০দগী হৌরগা শেনবা চহি ২০২৯ ফাওবা(চহি ১০)ওইগনি। স্কিম অসিগী মখাদা , বেঙ্কশিংনা লোন ওইনা লুপা করোর লাখ ১ পীগনি অমসুং ইন্তরেস্ত সববেন্সন চহিদা চাদা ৩ ওইগনি অমসুং সি.জি.তি.এম.এস.ইগী মখাদা লুপা করোর ২গী ফাওবগী লোন গরেন্তি পীগনি। কান্নবা ফংগদবশিংগী মনুংদা লৌমীশিং, এফ.পি.ওশিং, পি.এ.সি.এসশিং, মার্কেতিং কোওপরেতিপ সোসাইতিশিং, এগ্রি-ওন্ত্রেপ্রেনিউয়রশিং, স্তার্দ-অপশিং, কেন্দ্র/রাজ্যগী এজেন্সিশিং য়াওরি।

এগ্রিকলচর ইনফ্রাস্ত্রকচর ফন্দ অসি লৌউ-শিংউগী লমদা ভারত সরকারনা পরিং নাইনা অহোংবশিং পুরক্নবা পায়খৎলকপা খ্বাইদগী নৌবা থবক অমনি। স্কিম অসিনা লৌমীশিং, এফ.পি.ওশিং, পি.এ.সি.এসশিং, মার্কেতিং কোওপরেতিপ সোসাইতিশিং, এগ্রি-ওন্ত্রেপ্রেনিউয়রশিং, স্তার্দ-অপশিং শৌগৎকনি অমসুং মখোয়না লৌউ-শিংউগী মচাক কয়া শেমগৎকনি। হায়রিবা মচাকশিং অদু শীজিন্নদুনা লৌমীশিংনা মখোয়গী পোৎথোকশিং ফজনা থমজিনবা ঙমগনি অমসুং মমল ৱাংনা য়োনবা ঙমগনি।

বিহার, হিমাচল প্রদেস, গুজরাতকী এগ্রিকলচর মিনিস্তরশিং, নাবার্দকী চেয়রমেন অমসুং এগ্রিকচরগী কেন্দ্রগী রাজ্য মন্ত্রী পুরসোত্তাম রুপাল অমসুং কাইলাস চৌধুরিনা মখোয়গী ৱাখল্লোনশিং ফোংদোকখি।

****