কেন্দ্রগী ত্রাইবেল এফিয়র্সকী মন্ত্রী শ্রী অর্জুন মুন্দানা ভিদিও কনফরেন্সকী খুথাংদা এল.আই.সি. ৱেস্তর্ন জোনেল ওফিস, ফোর্ত, মুমাইগী ইন্দিয়া গ্লোব চেম্বর্সতা 'ত্রাইবস ইন্দিয়া শোরুম' অমা ঙসি ই-ইনওগুরেৎ তৌখ্রে। হৌদোকপগী থৌরম অদুদা ত্রাইবেল এফিয়র্স মন্ত্রালয়গী সেক্রেতরী শ্রী দিপক খন্দেকার, চীয়র্মেন, ত্রাইফেদ শ্রী আর.সি. মীনা অমসুং এম.দি. ত্রাইফেদ শ্রী প্রবিন কৃষ্ণসু শরুক য়াখি। শক্নাইরবা দিজাইনর রুমা দেবি অমসুং সিনে স্তার পুজা বাত্রাসু ভর্চুএল ওইনা হৌদোকপগী থৌরম অদুদা শরুক য়াখি।

থৌরম অদুদা ৱা ঙাংলদুনা শ্রী অর্জুন মুন্দানা হায়খি, "ত্রাইবেল আর্তিসান অমসুং উমংগী পোত্থোক পুথোকপা মীওই লাখ ৫০গী মনীংদা লেপতুনা মখোয়গী চাগা, ইমপ্লোইমেন্ত অমসুং লাইবলিহুদ তুং কোইনা পীনবগীদমক পুকচেল তিংনা লেপ্লি।"

মহাক্কী মন্ত্রালয় তিংনা লেপ্লিবা অমসুং ত্রাইফেদনা ত্রাইবেল ইচীল ইনাওশিংগীদমক লেপ্লিবসিগী মতাংদা ঙাংলদুনা শ্রী মুন্দানা হায়খি মদুদি প্রধান মন্ত্রীগী পাউজেলদা 'বি ভোকেল ফোর লোকেল'  অমসুং ত্রাইবেল মীয়ামগী কৈথেল পাক শন্না খঙননবগীদমক, ত্রাইফেদ, ত্রাইবেল এফিয়র্স মন্ত্রালয়না হায়রিবা অনৌবা থৌরাং অসি লৌখৎলকপনি। ৱারবা মতম অসিদা পোত্থোক য়োনবগী চাং অমসুং মখোয়গী চাগা হেনগৎনবগীদমক্তা ভেন ধন নেচরেল প্রদ্যুস, ইম্ম্যুনিতী বুস্তর অমসুং অতোপ্পা ত্রাইবেলগী পোত্থোকশিং থন্না য়াওরবা কাংখোংদা ত্রাইবস ইন্দিয়া – মোবাইল ভেন অমা হৌদোকখ্রে। মসিনা পোত্থোকশিং অসিবু লৈগদৌরিবা মীওইশিংগী থোঙ্গালদা লৈবাক অসিগী শহর ১৫০দা য়ৌহল্লগনি।

শ্রী মুন্দানা ত্রাইবেল আর্তস অমসুং করেক্তর অসি তিন্সেল তাউন অমসুং শেলথুমগী কোনুং ওইরিবা মুম্বাইগী ফ্লেগশিপ স্তোরশিং অসিদা লৈতেং ওইনা মশক নান্না খিনগনি হায়না হরাউবা ফোংদোকখি। ত্রাইফেদকী লান্মীশিংগী চোকথবা নাইদ্রবা থৌনা অসিবু থাগৎপা ফোংদোক্লদুনা মহাক্না থমোইদগী শাজরিবা হায়রিবা আর্তিসানশিং অমসুং কম্ম্যুনিতীশিং অসিবু অচৌবা কৈথেলদা পুথোকপীবা ঙম্লগনি।

মহাক্না হায়খি মদুদি, হৌজিক হৌজিক লৈরিবা ইনফ্রাস্ত্রকচর অসিদা অহেনবা হাপকৎপা ওইনা মাইনর ফোরেস্ত প্রদ্যুসশিংগী প্রদক্সন সেন্তর অনী অমসু ত্রাইফুদ প্রোজেক্তকী শরুক অমা ওইনা এম.ও.এফ.পি.আই. অমসুং এন.এস.তি.এফ.দি.সি.গা খুৎশম্নদুনা জগদালপুর, ছতিশগর, অমসুং রাইগদ, মহারাস্ত্রদা ত্রাইবেল কয়াদা থবক পীবীবগা লোইননা হৌদোকখ্রে।

ফোর্তকী তাংলবা মফম অসিদা লৈরিবা ত্রাইবস ইন্দিয়া আউৎলেৎ অসিনা মুম্বাই শহরগী ওইনা অহুমশুবনি; পানভেল অমসুং জুহুদা হান্না অমমম লৈখ্রবনি। ইন্দিয়া গ্লোব চেম্বর্স, দি.এন. রোদ, ফোর্ত, মুম্বাইদা নৌনা হাংদোক্লিবা আউৎলেৎ অসিনা লৈবাক অসিদা ত্রাইব ইন্দিয়া আউৎলেৎকী ১২২শুবা নি। স্তোক্কিং প্রদক্তশিং অসিগী মথক্তা – আর্তস অমসুং ক্রাফকী পোত্থোকশিং ভারতকী রাজ্য ২৭তগী পুথোক্লক্লপা অসিনা ভান ধান ইসেন্সিএল অমসুং ইম্ম্যনিতী বুস্তর – তঙাইফদবা পোত্থোকশিংদা লাইচৎ মনুংদা মরুওইবা থম্বসিনা অহানবা খোংথাংনি।

থৌরম অদুদা ৱা ঙাংলদুনা, শ্রী দীপক খান্দেকারনা ত্রাইফেদকী অপুনবা কাংবুবু মখোয়গী হনবা লৈতনা লাইচৎ মনুংদা মন্ত্রালয় অসিগী 'বি ভোকেল ফোর লোকেল'গীদমক হোৎনরিবা অসিদা থাগৎপা অমসুং হরাউবা ফোংদোকখি।

শ্রীমতি রুমা দেবি, শক্নাইরবা দিজাইনর অমসুং ত্রাইবস ইন্দিয়াগী গুদৱিল এম্বাসেদোর অসিনসু ত্রাইফেদনা লোকদাউনগী মনুংদা ত্রাইবেল আর্তিসানশিংগীদমক অমসুং হনবা লৈতনা মতেং পীবা অমসুং শৌগৎপীখিবগীদমক শিংথাখি।

মমাংদা, প্রবির কৃষ্ণনা মহাক্কী তরাম্না ওকপগী ৱারোল পীবদা, কেন্দ্রগী মন্ত্রীবু হৌনবী মতুং ইন্না ভর্চুএল থৌরম ওইনা ফোর্ত আউৎলেৎ হাংদোকপদা শরুক য়াবীবগীদম থাগৎপা ফোংদোকচখি। মন্ত্রী অসিনা ত্রাইবেলশিংগী চাউখৎ থৌরাংশিংদা মতেং কয়া পাংবীবা কয়াবু থাগৎপা ফোংদোকচরদুনা, মহাক্না ত্রাইফেদনা মমাংদা তৌখিদ্রবা খোংথাং কয়ানা লাইচৎ অসিগী মনুংদা ত্রাইবেলশিংগী অৱাবা কোকহনবীবগীদমক অমসুং মখোয়গী শেন্মিৎলোন ফগৎনবা হোৎনবীরিবা কয়া অসিগী মতাংদা ৱা ঙাংখি।

লাইচৎ অসিনা খঙহৌদনা অৱাবা পীরকপা অমসুং খঙহৌদনা লোকদাউন থমজিল্লকপনা ত্রাইবেল আর্তিসানশিংগী পোত্থোক কয়া অমা তাদুনা লৈরুরবনি। হায়রিবা স্তোকশিং অসিবু য়োনখিনবগীদমক, ত্রাইফেদনা হায়রিবা পোৎলমশিং অসি ত্রাইবস ইন্দিয়াগী ৱেবসাইৎ (www.tribesindia.com) অমসুং এমাজোন, ফ্লিপকার্ত, অমসুং জি.ই.এম.দা য়োনখিনবগীদমক কন্না হোৎনরকপনি। অনৌবা মোবাইল ভেন সর্বিস, কাংখোংদা ত্রাইবস ইন্দিয়া হায়বা অমসু ওগস্ত ১৯, ২০২০দা হকচাং ফনা লৈনবা, ইম্ম্যুন ফগৎনবা লমলক্কী খোইহী, ওর্গানিক ওইবা মচু, আমলা, শিং, ব্লেক পেপরসু লৈগদৌরিবশিংগী থোঙ্গালদা হকথেংননা য়োন্নবগীদমক হৌদোকখ্রে। ভেন সর্বিস অসি হৌজিক্কী ওইনা লৈবাক অসিগী শহ্র ৩১ দা মথৌ তৌরি।  

অতোপ্পা মমাংদা লৈখিদ্রিবা থৌরাং অমসু শাফোংলক্কদবগী ঙাইদুনা লৈরিবনি, মদুদি ত্রাইফেদনা হৌদোকপা ত্রাইবেল পোত্থোক পুথোক্লিবশিং – ফোরেস্ত দ্বেল্লর, অমসুং আঋসানশিংগী ওইবা, এম.এফ.পি., হেন্দিক্রাফ অমসুং হেন্দলুম্বু ওনলাইন্দা য়োনবা য়ানবগীদমক লৌখৎপনি। ত্রাইবস ইন্দিয়া ই-মার্ত প্লেৎফোর্ম অসি ওম্নি-চেনেল ফেসিলিতী ওইদুনা ত্রাইবেলশিংনা মখোয়গী পোত্থোকশিংবু অচৌবা লৈবাকসিগী অমসুং মপান লৈবাক্কী মীয়ামদা য়োনবা য়াবা মশাগী ই-শোপ ওইগনি। ত্রাইফেদনা লৈবাক অসিদা লৈবা ত্রাইবেল পোত্থোক লাখ ৫ রোম অমসুং মখোয়গী মহৌশাগী পোত্থোক অমসুং খুৎনা শাজবশিং পুথোক্নবা হোৎনরি।

ভারত শীনবা থুংনা লোইরিবা মখোয়গী কাংবুগী শেন্মিৎলোন ফগৎহনদুনা নমথবীরবা ত্রাইবেল মীয়াম্বু থৌনা পীনবগীদমক হোৎনরকপা মিসন অমা ওইনা ত্রাইফেদনা, ত্রাইবেল মীয়ামগী নেসনেল নোদাল এজেন্সী অমা ওইনা ত্রাইবেল আর্ত অমসুং ক্রাফ আইতেমশিং ত্রাইবস ইন্দিয়া রিতেল আউৎলেত্তা লৈশিন্দুয়া য়োনবা হৌখি। ৯ মহাদিও রোদ, নই দিল্লীদা ১৯৯৯দা ফ্লেগশিপ স্তোর অমখক লৈরম্বদগী হৌজিক্তি ভারত্তা রিতেল আউৎলেৎ ১২২ লৈরে।

অসিগুম্বা অনৌবা অমসুং লেপ্পা লৈতবা থৌরাংশিংগা লোইননা ত্রাইবস ইন্দিয়া/ত্রাইফেদ, ত্রাইবেল এফিয়র্স মন্ত্রালয়না লৈবাক অসিদা লৈরিবা ত্রাইবেল মীয়ামগী অপাম্বা ঙাক্নবা মখা তানা হোৎনরি।

******