কোবিদ-১৯ শন্দোকপা হন্থহন্নবা মশাগী লৈজবা তেক্নিকেলগী হৈ-শিংবা শিজিন্নদুনা থবক কয়া পায়খৎলিবা অসিগী শরুক অমা ওইনা বেরহাম্পুরগী ইন্দস্ত্রিএল ত্রেনিং ইন্সতিত্যুৎ (আই.তি.আই.)না খুদোংচাদবা খুদিং থেংনবা ঙম্বগী মতিক উৎপা ওইনা নোবেল কোরোনাভাইরস্কা লান্থেংননবগীদমক্তা পুথোকখিবা অনৌবা খুৎলায় অহুমগী পেতেন্ত অহুম পেতেন্ত জর্নেলদা থাজিনখ্রে। মসিনা অনৌবা পুথোকপগী হীরমদা ইন্সতিত্যুৎ অসিদা প্রাইওরিতী রাইৎ পীরগনি। আই.আই.তি.শিং অমসুং এন.আই.তি.শিংগী তুং ইনবা ওইনা আই.তি.আই. বেরহাম্পুরসু লৈবাক অসিগী পেতেন্ত ইন্সতিত্যুৎ ক্লবকী মনুং চনখ্রে। লাক্কদৌরিবা নুমিৎশিং অসিদা মসিগী মায় পাকপা অসিনা অতোপ্পা আই.তি.আই.শিংদসু মখোয়না পুথোকপা অনৌবা খুৎলায়শিংগী পেতেন্ত ফাইল তৌনিংবগী ইথিল পীরগনি অমসুং প্রধান মন্ত্রীগী ‘আত্মানির্ভর ভারত’ ওইবগী মঙলানবু মঙফাওনহনবদা তেংবাংলগনি।

আই.তি.আই. অসিগী হোৎনবশিংবু থাগৎপা ওইনা স্কিল দিবেলপমেন্ত অমসুং ওন্তোপ্রিনর্শিপ মন্ত্রী দাঃ মহেন্দ্র নাথ পান্দেনা হায়খি, “লৈমাইবু দিস-ইনফেক্ত তৌবা ঙম্বা য়ু.ভি.সি. রোবো ৱারিয়র দিজাইন তৌবা ওইরো নত্ত্রগা মোবাইল স্বাব কল্লেক্সন কিওস্ককী খুত্থাংদা ৱারোইশিন পীববু ওইরো, ইন্দস্ত্রিলে ত্রেনিং ইন্সতিত্যুৎ অসিনা ঐখোয়না কোবিদ-১৯গা লান্থেংনরিবা অসিদা মাং থাদুনা চৎলি। অসিগুম্বা অনৌবা থৌওংশিং অসিনা ইরোমদোম লেপচবা ঙমহনবদা অমসুং খুন্নাই পুম্বগী তঙাই ফদবশিংবু থেংননবা পাঙথোক্লিবা রিসর্চশিংদা পুক্নিং থৌগৎলগনি হায়বগী ঐহাক্না থাজৈ অমসুং থৌওংশিং অসিনা অতোপ্পা আই.তি.আই.শিংদসু ভাইরস অসিনা শন্দোকপা থিংবদা তেংবাংগদবা ৱারোইশিন পুরকপা ঙমগদবা অনৌবা থৌওং কয়া পুথোক্লক্কনি হায়বগী থাজবসু লৈ। ঐহাক্না আই.তি.আই. বেরহাম্পুরগী তিম্বু লৈবাক অসিদা লৈরিবা আই.তি.আই.শিংদা  অসিগুম্লবা মশক থোকপা খুদম অমা পীদুনা অমত্তা ওইনা পুন্দুনা সরকারনা ভাইরস অসিগা লান্থেংননবা পায়খৎলিবা খোঙথাংশিংদা তেংবাংবগী থাগৎপা ফোঙদোক্লি”।

প্রধান মন্ত্রীগী আত্মানির্ভর ভারত ওইহল্লসি হায়বগী খোল্লাও অসিনা ঐখোয়গী খ্বাইদগী অফবা মওং পাঙথোকপা ঙম্বগী মতিক অসি পুথোকপা ঙমহনগনি অমসুং আই.তি.আই. বেরহাম্পুর অসি অসিগুম্বা থৌওং পাঙথোকপগী হীরমদা লুচিংবা য়াবগী থাক্ত থম্লে।

ইন্সতিত্যুৎ অসিনা পুথোকপা অনৌবা থৌওং অহুম অদুদিঃ

মোবাইল স্বাব কল্লেক্সন কিওস্ক

দবল্যু.ঐচ.ও.না হন্দক্তা ফোঙখিবা রিপোর্ত অমদা কোবিদ-১৯ ভাইরসকী এরোসোলশিং অসি নুংশিৎকী খুত্থাংদসু শন্দোকপা ঙম্মি হায়খি। এরোসোলশিং অসি নুংশিত্তা মতম শাংনা লৈবা ঙম্মি অমসুং মোবাইল কিওস্ক নত্ত্রগা হোস্পিতালশিংদা স্বাব লৌবা মতমদা লায়না অসিনা নারে হায়বগী চিংনবা লৈবা মীওই অদু মপান্দা লৈ। হেলথ তেক্নিসিয়ানশিংনা কিওস্ক মনুংদা লৈ। মসিনা সেম্পল লৌফমগী অকোয়বশিংদা এরোসোলশিংনা নুংশিত্তা য়াওদুনা লৈবগী ওইথোকপা য়াম্না লৈ। মফম অদুদগী কোবিদকী ভাইরস শন্দোরকপগী ওইথোকপা য়াবসু লৈ। আই.তি.আই. বেরহাম্পুরনা চিংনরবা অনাবা অমবু কিওস্ককী মনুংদা অমসুং তেক্নিসিয়ানশিংনা মপান্দা লৈহনবগী ৱারোইশিন অমা পুথোক্লে। হেপা ফিলতর শিজিন্নবা নেগেতিব প্রেসরগী তেক্নোলোজী অমনা এরোসোলশিং অসি চুম্থোক্তুনা মফম অদুগী অকোয়বা অদুদা কোবিদকী ভাইরস লৈহন্দবা য়াহল্লি।

য়ু.ভি.সি. খোঙউপ খুগা (সোল) সেনিতাইজর

খোঙউপ খুগা সেনিতাইজ তৌনবা খুৎলায় অসিদা পুথোক পুশিন তৌবা য়াবা প্লেৎফোর্ম অমা অমসুং ওপন বোতম সর্ফেস য়াওবা খোঙউপ খুগা পুংবা অমা থম্বা য়াবা শরুক অমা য়াওই। খোঙউপ খুগা পুংবা অমা থম্বা য়াবা শরুক অসি খোঙউপকী মপান থংবা নাকলশিং থম্বা য়ানবা মওংদা শেম শাই। মসিগী প্লেৎফোর্ম অসিদা শিজিন্নরবা তুংদা লংথোকখিবা য়াবা মনুং মপান ফাওনা উবা য়াবা মেৎ মশিং য়াম্না য়াওই অমসুং মসি লৌথোক্তুনা প্লেৎফোর্ম অসিগী মথক্তা থম্বা য়াহল্লি। স্তেসন অসিদা থম্লিবা খোঙউপকী অশাংবগা মতুং ইন্না য়ু.ভি.সি. লাইৎ সোর্স কয়া শীন-লাংদুনা থম্মি। খোঙউপকী খুগা অনিমক প্লেৎফোর্ম অসিদা থম্লবা মতুংদা মেকানিজম অসি আই.আর. সেন্সরগী খুত্থাংদা মথৌ পাঙথোকহল্লি অমসুং থৌওং অসি থোক্লবা মতুংদতা য়ু.ভি.সি. মঙালশিং অসি কাপ্পি। য়ু.ভি.সি. মঙালশিং অসি মথক্লোমদা কাপ্পি অমসুং খুগাদা পকপা মাইক্রো-ওর্গানিজমশিং হাত্তোকই। দিজিতেল কাউন্তর মেছিন অসি সেকেন্দ ৮দা থম্মি অমসুং সেকেন্দ ৮গী মতুংদা য়ু.ভি.সি. মঙালশিং অসি মশা মথন্নতা মুৎখি।  ভাইরস শন্দোকপগী ৮০% অসি খোঙউপকী খুগাশিংদগী ওইগল্লি। খুন্নাইদা কোবিদ-১৯ শন্দোকপা অসি হেনগৎলকপগী মতুং ইন্না খোঙউপকী খুগাশিংবু কোবিদ-১৯গী ভাইরস অমসুং অতোপ্পা মখলগী মহিক পকপদগী ঙাকথোকপা অসি য়াম্না তঙাই ফদ্রে। হায়রিবা অসি হোস্পিতাল, ওফিস, এয়রপোর্ত, রেলৱে স্তেসন, শোপ্পিং মোল, হোতেল অমসুং ইন্সতিত্যুৎশিংনচিংবা মফমশিংদা খোঙউপকী খুগাশিং মহিক পকহন্দনবা শিজিন্নবা য়াই। পুথোক পুশিন তৌবা য়াবা খোঙউপ খুগা অমখক্তং চনবা অপিকপা মেছিনশিংসু য়ুমদা শিজিন্নবা য়াগনি।

য়ু.ভি.সি. রোবো ৱারিয়র

য়ু.ভি.সি. রোবো ৱারিয়র মেছিন্না মীয়াম্বু পুথোক পুশিন তৌবগী পথাপশিংগী মমায়শিং অমসুং কোবিদ-১৯না নারবা অমসুং নারে হায়না চিংনবা মীওইশিংনা লৈরম্বা আইসোলেতেদ কাশিংবু দিস-ইনফেক্ত তৌবা য়াবা য়ু.ভি.সি. মঙালগী দিসইনফেক্সন এপারেতস পীরি। মসিগী এপারেতস অসিনা মহিক হাৎকদবা মফমশিংদা চত্তুনা য়ু.ভি.সি. মঙালশিং অসি হকথেংননা কাপ্পি। য়ু.ভি.সি. মঙালশিং অসিনা বেক্তরিয়া অমসুং ভাইরস্কী প্রোতিনশিং অমসুং ন্যুক্লিক এসিদশিংনা লাইনা লৌশিনবা ঙম্বা এম.এম. ২৫৪গী ৱেবলেংথ লৈবা য়ু.ভি. রে কাপ্পি। মসিনা ন্যুক্লিক এসিদতা য়াওবা থাইমাইন দিম্মরশিংদগী প্রোতিনশিংবু লাইনা মওং কায়হন্দুনা লৌথোকপা ঙমদুনা ন্যুক্লি এসিদ থুগাইদুনা মখা তানা দি.এন.এ., আর.এন.এ. অমসুং তোঙান তোঙানবা বেক্তরিয়া কয়াগী মওং থুগাই।

থৌওং অসিনা রোবোৎ অসি য়ু.ভি.সি. মঙালশিংবু মহিক হাৎকদবা মফমশিংদা পুবা য়াই অমসুং রোবোৎ অসিবু কাগী মপান্দা মফম লাপ্না লৈবা অরাপ্পদগী এন্দ্রোইদ ফোন অমদগী ব্লুতুথকী খুত্থাংদা লেংথোক লেংশিন তৌহনবা য়াই হায়বা তাক্লি। রোবোৎ অসিনা মহিক হাৎকদবা ঐখোয়না য়ৌবা ঙমদবা মফমশিংদা য়ু.ভি.সি. মঙালশিং কাপ্পা ঙম্মি। রোবোৎ অসিগী মমিত্তা হাপ্পা ব্লুতুথ কেমেরা অসিনা ঐখোয়গী মোবাইলগী স্ক্রিন্দা মহিক হাৎকদবা মফমশিং উহল্লি অমসুং মসিগী মতেংনা ঐখোয়না রোবোৎ অসি লেংথোক লেংশিন তৌবগী মওং অসি য়াম্না লাইনা লাকশিনবা ঙম্মি। রোবোৎ অসিগী মশাদা হাপ্লিবা সেন্সরশিং অসিনা রোবোৎ অসিনা ফক্লাং নত্ত্রগা মহাক্কী লম্বীদা লাকপা অপনবশিংদা থেংজিন্দনবা হায়দুনা মহাক্না লেংথোক লেংশিন তৌবা মতমদা লেপহনবা ঙম্মি। রোবোৎ অসি প্লাইৱুদনা শাবনি অমসুং পুথোক পুশিন তৌবা য়াই, য়াম্না লুমদে অমসুং চার্জ তৌবা য়াবা বেত্তরি হাপ্পি অমসুং শাবদা শেল য়াম্না চংদে।

******