২০২০গী অগস্ত ১৯দগী কোলকাতাগী রাজারহাত্তা লৈবা মসিগী অনৌবা কেম্পসতা চিত্তরঞ্জন নেসনেল কেন্সর ইন্সিতিতুৎগী ও.পি.দিগী থবক হৌরে। ও.পি.দি অসি অহানবগী ওইনা সর্জিকেল অমসুং মেদিকেল ওনকোলোজিগী অনাবশিং লায়য়েংগনি অমসুং তুংদা অতৈ লায়য়েংগী থবকশিং অমসুং দেকিয়ার কেমোথেরাপিগী থবকশিং পাংথোক্কনি।

হৌজিক ইন্সতিতুৎ অসি কোলকাতাগী এস.পি মুখর্জি রোদতা লৈবা মসিগী কেম্পসতা থবক তৌরি। দেসবন্ধু চিত্তরঞ্জন দাসকী মমিং লৌদুনা থোনখিবা চিত্তরঞ্জন নেসনেল কেন্সর ইন্সিতিতুৎ ১৯৫০দগী থবক হৌখিবনি অমসুং মসি লৈবাক অসিগী নোংপোক থংবা শরুক্তা কেন্সর লায়েং অমসুং থিজিনবগী লমদা মাংজিল থাবা ইন্সিতিতুৎ অমনি। কেন্সর নারিবা মীওইশিংগী অৱাবশিং অমসুং মমল হোংবা অমসুং মগুন লৈবা কেন্সর লায়েংবগী খুদোংচাবশিং হেন্না ফংহন্নবা পান্দমদা অনিসুবা কেম্পস অমা কোলকাতাগী রাজারহাত্তা লিংখৎপনি। মপুংফানা থবক হৌরকপা মতমদা চিত্তরঞ্জন নেসনেল কেন্সর ইন্সিতিতুৎকী অনিসুবা কেম্পস অসি ফমুং ৪৬০ লৈবা অফবা মখলগী কেন্সর লায়েংফম অমা ওইরগনি অমসুং মীয়ামদা মমল হোংবা অমসুং অফবা মখলগী কেন্সরগী লায়য়েং মখলশিং ফংহনগনি।

চিত্তরঞ্জন নেসনেল কেন্সর ইন্সিতিতুৎকী অনৌবা কেম্পস শাগৎপগী থবক অসি ভারত সরকারনা ফন্দ চাদা ৭৫ অমসুং নোংচুপ বঙ্গাল সরকারনা চাদা ২৫ পুথোক্তুনা পায়খৎপনি। অনৌবা কেম্পস অসিদা ও.পি.দি হৌবদগী, ইন্সতিতুৎ অসিনা রাজ্য অসিগী অমসুং লমদম অসিগী কেন্সর অনাবশিংদা অফবা অমসুং মমল হোংবা লায়য়েংবগী খুদোংচাবশিং ফংহল্লগনি।

******