ঙসি ইলেকত্রোনিক্স অমসুং আই.তি, কমুনিকেসন অমসুং লো অমসুং জজতিসকী য়ুনিয়ন মিনিস্তর রবি সনকার প্রসাদনা ভিদিও কনফরেন্স সোলুসন পুথোক্নবগী চাংদম্নবগী ফল লাউথোক্লে।চাংদম্নবা অদুগী মাইপাক্লবশিং লাউথোক্লদুনা মহাক্না হায়খি, ওন্ত্রেপ্রেনিউয়রশিংনা প্রধান মন্ত্রী নরেন্দ্র মোদীগী ‘অত্মানির্ভর ভারত’ শরুক য়াবা অমসুং অতেনবা মতমগী মনুংদা মালেম থাক্কী ভিদিও কনফরেন্সকী পাম্বৈশিং পুথোকপগীদমক ঐ অপেনবা পোকই। ভারতকী সোফৱায়রগী পোৎথোকশিং অমসুং মোবাইল এপ্পনা ইকোনোমিগী অচৌবা লম্বী অমা শেমগৎনবা ঐখোয়না থবক পায়খৎলে।

দিজিতেল ইন্দিয়াগী থৌরাং মখাদা ২০২০গী এপ্রিল ১২দা ইলেকত্রোনিক্স অমসুং আই.তি মিনিস্ত্রিনা ভিদিও কনফরেন্সকী পাম্বৈ অমা পুথোক্নবা অনৌবা চাংদম্নবা অমা লাউথোকখিবনি। চাংদম্নবা অদুদা ইন্দস্ত্রি, স্তার্দ-অপশিং অমসুং লনাই মীওইশিং শরুক য়াবা য়াহনখি। লৈবাক শীনবা থুংনা শরুক য়াখি অমসুং অপুনবা এপ্লিকেসন ১৯৮৩ ফংখি অমসুং তাঙ্কক অহুম(ৱাখল শাগৎপা, প্রোতোতাইপ অমসুং পোৎ পুথোকপা) থোক্না য়েংশিনখি।

হায়রিবা এপ্লিকেসন ময়াম অদুগী মনুংদা এপ্লিকেসন ১২ খনগৎখি আমসুং লুপা লাখ ১০গী মতেং পীদুনা প্রোতোতাইপ অদু মপুংফানা শেমগৎহনখি। শেমগৎলবা প্রোতোতাইপশিং অদু আই.তি ইন্দস্ত্রিগী শক্নাইরবশিং অমসুং মমিং লৈরবা একাদেমিসিয়ানশিংনা য়েংশিনখি অমসুং কৈথেলদা য়োনবা য়ারবা পোৎথোক অমা ওইনা শানবা এপ্লিকান্ত ৫ খনগৎখি। খনগৎলবা এপ্লিকান্ত অহুমদা লুপা ২০/২০ অমসুং এপ্লিকান্ত অনিদা লুপা লাখ ১৫/১৫গী মতেং পীদুনা তেস্ত তৌনবা অমসুং এন.আই.সি ক্লাউদতা শরুক য়ানবা থবক শীন্নখি। ইন্দস্ত্রি, একাদেমিয়া অমসুং সরকারগী মমিং লৈরবা জুরিশিং অমসুং মেন্তরশিংনা চাংদম্নবা অদু শৌগৎখি। অরোইবা ওইনা এপ্লিকান্ত মঙা খল্লবা মতুংদা মখোয়গী পোৎথোকশিং অসু কুপ্না নৈনখি অমসুং মাইপাক্লবশিং লাউথোকখি।

জুরিনা, কেরলাগী অলাপ্পুঝাদা লৈবা তেকজেন্তসিয়া সোফৱায়র তেক্নোলোজিস প্রাইবেদ লিমিতেদনা পুথোকপা ভিকোনসোলনা মকোক ওইরে হায়না লাউথোকখি। চাংদম্নবা অসিদা মাইপাক্লবা কাংবুদা লুপা করোর ১গী শেনগী মতেং পীগনি অমসুং মথং চহি অহুম ও অমসুং এমগী ওইনা অহেনবা লুপা লাখ ১০ পীগনি অমসুং কন্ত্রেক অমগী মখাদা সরকারনা শীজিন্ননবা লৌশিনগনি।
 

মসিগী মথক্তা, জুরিনা এপ্লিকান্ত অহুমগী পোৎথোকশিংগী তুংগী কান্নগদবা ওইবদগী খনখি অমসুং থা অহুমগী মনুংদা মখোয়গী পোৎথোক অদু মপুংফানা শেমগৎনবা লুপা লাখ ২৫গী মতেং পাংনবা ৱারেপ লৌখি। হায়রিবা পোৎথোক অহুম অদু তেক্নিকেল কমিতি অমনা মখা তানা নৈনগনি অমসুং খনগৎলবা পোৎথোক মরি জি.ই.এমদা শরুক য়ানবা মিনিস্ত্রিনা রিকমেন্ত তৌগনি। হায়রিবা পোৎথোক অহুম অদুদি :

মথক্কী ভিদিও কনফরেন্সকী পোৎথোকশিং অসি এ.তি.ক্বিউ.সি, সার্ত-ইন, সি-দাক অমসুং এন.আই.সিনা শৌগৎকনি। হায়রিবা পোৎথোক মরি অসি এন.আই.সি ক্লাউদতা য়াওগনি অমসুং জি.ই.এমগী খুৎথাংদা পোৎথোকশিং অসি সরকারনা শীজিন্নবা লৌশিনগনি। মাইপাক্লবা কাংবু য়াওনা কাংবু খুদিংমক মখোয়গী পোৎথোকশিং মালেমগী ওইনা মনিং তৌনা য়োনবা য়াগনি।

চাংদম্না অসিদা পাংথোকপদা শরুক য়াখিবা নাসকোমগী প্রসিদেন্ত দেবজানি গোস, ইন্দিয়ান এঞ্জেল নেতৱার্ককী চেয়রমেন সৌরব শ্রীভাস্তবা, আইস্পিরিৎকী সরত শর্মা, আই.আই.তি বিলাইগী দোক্তর রাজাত মোনা, আই.আই.তি জোধপুরগী প্রোফেসার সান্তনু চৌধুরি অমসুং আই.আই.তি কানপুরগী প্রোফেসার য়াতিন্দ্রনাথ সিংহ অমসুং মিনিস্ত্রিগী অতৈ সেনিয়র ওফিসারশিং মিনিস্ত্রিনা থাগৎখি।

*****