কার্বোন কেপচর তৌবা, য়ুতিলাইজেসন, অমসুং স্তোরেজ(সি.সি.য়ু.এস.)দা ত্রাঞ্জেস্নেল রিসর্চতা থৱায় য়াওবা রিসর্চ তৌবশিংনা মালেমগী নোংজু-নুংশা হোংবগী খুদোংচাবশিং অসি ফহননা মখোয়গী তেক্নোলোজী অমসুং রিসর্চকী থবকশিংদা অচৌবা খুদোংচাবা অমা ওইরে।  

সি.সি.য়ু.এস. অসি সাইন্স অমসুং তেক্নোলোজী বিভাগনা নিংথিনা মথৌ তৌবা খোংবু অমা ওইরিবা মালেমগী ওইনা অশেংবা ইনর্জী ইনোবেসন অসি খোংজেল য়াংশিলহন্নবা লৈবাক ২৪ অমসুং য়ুরোপকী য়ুনিয়নকী মালেমগী ওইনা পায়খৎপা খোংথাং অমা ওইরিবা  মিশন ইনোভেসন(এম.আই.)গী মশক খংদোক্লবা খ্বাইদগী ইনৌ নৌবা শিংননিংঙাই ওইবা থবকশিংগী মনুংগী অমনি।

দি.এস.তি.না অতোপ্পা খুৎশম্নবা লৈবাকশিংগা লোয়ননা এসেলরেতিং সি.সি.য়ু.এস. তেক্নোলোজীগী মখাদা  সি.সি.য়ু.এস.কী লমশিংদা ভারতকী রিসর্চ তৌরিবশিংগী ৱাফমশিং কৌখ্রে। মসিগী খোংথাং অসি পান্দম থম্লিবা ইনৌ নৌবা অমসুং রিসর্চকী থবকশিংদগী সি.সি.য়ু.এস. অসি হেনগৎহন্নবা অমসুং মপুং ফাহন্নবগীদমক্তা প্রোজেকশিংদা ত্রাঞ্জেস্নেল ফন্দিংদগী কার্বোনদাইওক্সাইদ কেপচর তৌনবা, য়ুতিলাইজেসন অমদি স্তোরেজ (সি.সি.য়ু.এস.)তৌনবগী খুদক্তা তঙাই ফদবা লৈবা অসিদা খুদোং চাবা পীনবনি। শোক্নিংঙাই ওইদবা অমসুং মমল তাংহল্লোইদবা মালেমগী থাক্কী আর.দি.অমসুং দি.দা ফন্দ পীনবগী পান্দমদা এ.সি.তি.দা লৈবাক, লম অমসুং লৈবাক মচা তরাতরুক্না পুন্না থবক তৌমিন্নরি।

 এ.সি.তি.না অনৌবা নত্রগা হান্ননা লৈরবা পাইলোৎ নত্রগা দেমোন্সত্রেসনগী খুদোংচানবা মফমশিংদা অপিকপা রিসর্চ প্রোজেক্তগী হৌরগা ইনৌ-নৌবা প্রোজেকশিং থীরি। অনৌবা পাইলোৎ অমসুং দেমোন্সত্রেসনগী খুদোংচাবশিং অসিনা ইন্দস্ত্রীগী সাইজজা দেমো ফেজ নত্রগা দেমো ফেজ অমদা থাক হেনগৎহন্নবগী মঙম অদু লৈহনবদা খুদোংচাহনগনি। প্রোজেক্কী ৱাফম অসি এ.সি.তি. কোল অসিদা য়ামদ্রবদা লৈবাক/লম অহুমদগী ফন্দ পীখিবা তঙাই ফদবা মওংদা মতিক চারবা এপ্লিকান্ত অহুমগী অপুনবা প্রোজেক কন্সোর্তিয়মদগী পীশিনগদবনি। প্রোজেক কন্সোর্তিয়ম খুদিংনা অখন্নবা থীমশিং অসিগী মনুংদা রিসর্চ অমসুং দিভেলপমেন্তা থবক পায়খৎপা ঙম্বা মথৌ তাবা অখং-অহৈশিং লৈগদবনি।   

এ.সি.তি.গী অমসুং ওর্গনাইজেসনগী মীহুৎ ১৫ অসিনা মসিগী অহুমশুবগী কোল অসিদা শরুক য়ানবা অমগা-অমগা ফোর্স অসিদা য়াওনবা ৱারেপ লৌখ্রে।  ফন্দ খুদিংমক রিসর্চ অমসুং দিভেলপমেন্তকা লোয়ননা পাইলোৎ অমসুং দেমোন্সত্রেসন প্রোজেক অসিদা তেংবাং পীবা নেস্নেল অমসুং রিজনেল বজেত্তগী ফংহনগনি। 

এ.সি.তি. কোল অসি তাঙ্কক অনিগী প্রোসেসনি। অহানবগী তাঙ্কক অসি প্রিৃপ্রোপোজেলশিং, অমসুং অনিশুবা তাঙ্কক্তা মপুং ফাবা প্রোজেক্কী প্রোপোজেলশিং কৌগনি। পি.-প্রোপোজেলগী কোল অসি নবেম্বর ১০, ২০২০ ফাওবা হাংগনি। দিসেম্বর ১০, ২০২০দা অহানবা তাঙ্কক্তা মায় পাক্লবা এপ্লিকান্তশিংনা প্রোসিদ্যুর অসিগী অনিশুবা তাঙ্কক্তা চংনবা এপ্লিকান্তশিং কৌগনি।  মপুং ফাবা প্রোপোজেল কৌবা অসি মার্চ ১৫, ২০২১দা লোইশিনগনি। প্রোজেক অসি হৌনবগী তাং অসি সেপ্তেম্বর ২০২১গী অরোইবদনি।  

এ.সি.তী.গী অপাম্বা অসি ইনোবেসন অমসুং রিসর্চকী থবকশিংদা শেল পীথনবগী পান্দম থমদুনা সি.সি.য়ু.এস. তেক্নোলোজী অসি য়াংশিলহন্নবা অমসুং মপুং-মরৈ ফাহন্নবগী মথৌ তাব অদুগী খুদোং চাবা ফংহনবনি।  এ.সি.তি.না সি.সি.য়ু.এস. য়াংশিলহনবদা চংলিবা তেক্নোলোজিকেল, এনভাইরোন্মেন্তেল, মিশন ইনোবেসন চেলেঞ্জ ৱর্কশোপ(হতসন, ২০১৭) দা মশক খংখ্রবা প্রাইওরিতী রিসর্চ দিরেক্সন্স(পি.আর.দি.) অসি য়াওখিবা অমসুং লাউথোকখিবা প্রোজেকশিং অদু মরুওইনা তরাম্না লৌগনি।  

ঙসিফাওবদা এ.সি.তি.গী কোল অনি লৈখ্রে, অহানবা(২০১৬) অসিদা শরুক য়ামিন্নরিবা খুৎশম্নরিবশিং অমসুং য়ুরোপিয়ন কমিশনশিংদগী ফন্দশিং খোমজিনখি অদুগা অনিশুবা কোল(২০১৮) অসি শরুক য়ারিবা নেস্নেল ফন্দিং এজেন্সীশিংখক্তনা ফন্দ পীখি।

[মখা তাবা ই-পাওগী ওইনা থৱায় য়াওবা শরুক য়াবশিংনা জি.এস.তি.গী ৱেবসাইত্তা য়েংবিবা য়াগনি: www.dst.gov.in নত্রগা দা. নীলিমা অলম, বৈজ্ঞানিক ই. তি.এম.দি.(ই.দব্লয়ু. অমসুং ও.)দা neelima.alam[at]nic[dot]in ই মেলদা ইবিবা য়াগনি অমসুং এ.সি.তি.গী ৱেবসাইত www.act-ccs.eu.দা য়েংবিবা য়াগনি ]

******