সাইন্স অমসুং তেক্নোলোজী মন্ত্রালয়
মরুওইবা হকশেলগী ফীভম য়েংশিন্নবা তেতু সেন্সর অমা
উনশাগী ফীভমগা চুশিন্নবা সেন্সর অসিনা মরুওইবা হকশেলগী ফীভম নন-ইনভেজিব ওইবা মওংদা অমদি লেপ্পা নাইদনা য়েংশিন্নবগী মঙম লৈ। মখা তানা মসিনা অকনবা অমদি অচৌবা হেল্থ মোনিতরিং খুৎলায়শিংগী মহুৎ শিনবগী ওইথোকপা লৈ।
Posted On:
20 AUG 2020 2:14PM by PIB Imphal
ইপিদর্মিএল ইলেন্ত্রোনিক্সকী লমদা ইচঙ থৌনা থিজিন হুমজিনবগী মহৈনা শীজিন্নবদা নুংঙাইবা অমদি পাক শন্না শীজিন্নবা য়াগদবা পোইন্ত ওফ কেয়র দাইগ্নোস্তিক্স পীননবা পান্দম লৈবা মরুওইবা শেৎ-চাবা য়াবা সেন্সর মখল অমা পুথোক্লে। হৌজিক শীজিন্নরিবা মেদিকেল খুৎলায়শিং অসিদি নুংতিগী থবক ইনখাঙ তৌনা তৌনা মরুওইবা হকশেলগী ফীভম লেপ্পা নাইদনা য়েংশিনবা য়াদবা চাওবা, কনবা অমদি শীজিন্নবদা নুংঙাইতবা ওইরি। অথোৎপা অমদি কোনথোক কোনশিন তৌবা মীওইবগী হকচাঙগী মওং অসিনা হকচাঙদা তেতুগুম্না লায়না ত্রান্সফর তৌবা য়াবা উনশাগুমবা সেন্সর মথৌ তাই।
ভারত লৈঙাক্কী দিপার্তমেন্ত ওফ সাইন্স এন্দ তেক্নোলোজীনা লিংখৎপা ইন্সপাইয়র ফেকল্তী ফেলোসিপ ফংলবা ইন্দিয়ন ইনস্তিত্যুৎ ওফ সাইন্স, বেঙ্গলোর, ইন্দিয়াগী সেন্তর ফোর নেনোসাইন্স এন্দ ইঞ্জিনিয়রিংগী দা: সৌরব কুমারনা হৌজিক হৌজিক মীওইবগী খ্বাইদগী চাউবা কয়াৎ, উনশাদগী ইন্ফোর্মেসন লৌথোকপা ঙমবা শেৎ-চাবা য়াবা সেন্সর অমগী লমদা থবক তৌরি।
‘এ.সি.এস. সেন্সর্স’ চেফোঙদা ইকুই কুইদ্রিঙৈদা ফোঙখিবা মহাক্কী থিজিনবগী থবক অমদা মহাক্কী কাঙলুপ্না নেনোমিতর ২০লোম থাবা উনশাগা চুশিন্নবা তেতু সেন্সর অমা শেমখ্রে। সেন্সর অসিনা হেক য়েংবদদি উদবা মওংদা মিহুনগী চাং, নীংশা হোনবগী চাং অমসুং সর্ফেস ইলেক্তরোমাইওগ্রাফীনচিংবা মীওই অমগী হকশেলগী মরুওইবা ফীভমশিং লেপ্পা নাইদনা য়েংশিনবা য়াবা ফীভম ফংহনবগী থাজবা পীরি। সেন্সর অসিনা তোঙান তোঙানবা সেন্সরশিং হাপচিন্দ্রবসু নীংশা হোনবা অমসুং মিহুনগী চাং ওন্ননবগী খুৎলায় অমখক্তমক ওইনা শীজিন্নবা য়াহল্লি। মসিগী শীংথানিংঙাই ওইনা ৱাংবা গোজ ফেক্তর অসি নেনো ক্রেক শেমগৎপদা অমদি স্ত্রেন এপ্প্লিকেসনদা মপ্রাম ওইনা শন্দোকপদা শীজিন্নবা কান্নহল্লি। য়াম্না থুবা অমদি হঞ্জিন হঞ্জিননা শীজিন্নবা য়াবা সেন্সর অসি লায়না শেমদোকপা য়াহনবগা লোয়ননা লেজর শীজিন্নদুনা মওং অমদি পাক চাউবা অমা হেক্তদা শেমদোকপা য়াই।
ফিগর: শেৎৎ-চাবা য়াবা মওংদা শীজিন্ননবগীদমক শেমবা উনশাগা চুশিন্নবা তেতু সেন্সর
উনশাগা চুশিন্নবা মওংগী সেন্সর অসিনা নন-ইনভেজিব ওইবা মওংদা লেপ্পা নাইদনা হকশেলগী মরুওইবা ফীভমশিং য়েংশিনবা ঙম্বগী মতিং লৈ। মখা তানা, মসিনা অকনবা অমদি অচৌবা হেল্থ মোনিতরিং খুৎলায়শিংগী মহুৎ শিনবা য়াবগী ওইথোকপা লৈ।
সেন্সর অসিনা শীজিন্নরিবশিংগী নুংতিগী থবক থৌরমশিংদা অয়েৎপা পীদবা মরম্না মিহুনগী চাং, নীংশা হোনবগী চাং, য়ু.ভি. মশেক্তা এক্সপোজ তৌরুবা, উনশাদা লৈবা ঈশিংগী চাং, গ্লুকোজ মোনিতরিংনচিংবা মরুওইবা খুদম চাংদমশিং লেপ্পা নাইদনা য়েংশিনবা য়াহল্লি।
সেন্সরশিংগী মরমদা থিজিল্লিবা অদুগী মথক্তা, দা: কুমারনা মহৈরোয়শিংবু বাইওসেন্সরগী লমদা কত্তিং-ইদ্জ রিছর্চগী লমদা লমজিং লমতাকপিবা অমদি মখোয়বু বাইওরিছর্চ অমসুং ক্লিনিকেল দাইগ্নোসিসকী খুৎলায়শিং শেমগৎপদসু মায়পুননা শরুক য়াহল্লি।
[চেফোঙগী লিঙ্ক: (https://doi.org/10.1021/acssensors.0c00647)
হেন্না কুপ্পা ৱারোলশিংগীদমক দা: সৌরব কুমারবু কন্তেক্ত তৌবিয়ু
(ইমেল: saurabh2203[at]iisc[dot]ac[dot]in, sau2203.inspire[at]gmail[dot]com).]
*****
(Release ID: 1647302)
Visitor Counter : 149