পাৱর মন্ত্রালয়গী মখাদা কেন্দ্রগী প্রাইভেৎ সেক্তর য়ুনিৎ অমা ওইরিবা অমসুং ভারতকী খ্বাইদগী পাৱর য়াম্না পুথোক্লিবা কম্পনি এন.তি.পি.সি. লিমিতেদনা কর্নাতকাদা মহাক্কী এন.তি.পি.সি. কুদগী সুপর থর্মেল স্তেসনগী ফ্যুএল পীনবগীদমক্তা কোয়লা পুথোক-পুশিন তৌবগী মমল হন্থহন্দুনা মেত্রিক তোন্দা চাউরাক্না লুপা ২০০-৫০০রোম হন্থহনবা ঙম্লদুনা মসিদগী ইলেক্ত্রিসিতী পুথোকপদা চংবা মমল অদু হন্থরগনি অমসুং ত্রাঞ্জিৎকী মতম অসি পুং ৮-১৫ ফাওবা হন্থরগনি।  

এন.তি.পি.সি. লিমিতেদনা থোকপা ৱারোল অমদা সাউথ ৱেস্তর্ন রেলৱেজদা মিতর ৬৭০ শাংবা অনৌবা থোং অসিনা ইলেক্ত্রিসিতী পুথোকপগী মমল অদু হন্থহল্লদুনা এন.তি.পি.সি. কুদগীদা কান্নহল্লগনি অমসুং মসিগা লোয়ননা লৈরিবা ইনফ্রাস্ত্রকচর অসিদগী রেলৱেজগী অহেনবা পোৎচাকশিং পুথোক-পুশিন তৌবদা মতেং ওইহল্লগনি। মসিদা নত্তনা দবল লাইন লৈবনা মরম ওইদুনা মহারাস্ত্রগী সোলাপুরদগী কর্নাতকাগী গদগফাওবগী খোংচৎকী অচংবা মতম অসি হন্থরগনি, পেসেঞ্রশিংগী অচংবা মতম হন্থরগনি। 

এন.তি.পি.সি.না মহারস্ত্রগী হোতগীদগী কর্নাতকাগী কুতগী (কি.মি. ১৩৪)ফাওবগী লৈরিবা ত্রেকশিং অসি দবল লাইন ওইহনবদা মতেং পাংখ্রে অমসুং ভীমা তুরেলদা শারিবা থোং অনিসি সাবদা মতেং পীখ্রে।

হৌজিক-হৌজিক লম্বি অসিদা থোং অমা চহি ৫০দগী হেন্না অরিবা ওইবনা  লম্বি অসিদা অরুম্বা পোৎ পুবা য়াদ্রে, মরম অসিনা ত্রাফিক অয়াম্বা গুন্তাকলদগী বেল্লরী-গদগক্কা লম্বিরোমদা থৈদোকহল্লি। এন.তি.পি.সি.না হৌজিক সাউথ ৱেস্তর্ন রেলৱেজগী অরোইবা অয়াবা অসি ফংবা ঙাইরি অমসুং অয়াবা অসি হেক ফংবগা মাগী থবক পাংথোকহনবা হৌরগনি।

******