নেস্নেল কেপিতেল রিজনগী হোস্পিতালিতী ইন্দস্ত্রীগী মনিং থুংহল্লিবা মরু ওইবা অমা লাউথোকখিবা অসিদা নেস্নেল কেপিতেল তেরিতরী (এন.সি.তি.) দিল্লীগী লেপ্তনেন্ত গভর্নরনা দিল্লীগী হোতেলশিংদা হোলতেলশিং অমসুং রেস্তোরেন্তশিং হাংনবগী অয়াবা পীখ্রে। কোনুং ওইরিবা সহর অসিদা তুরিজম অমসুং হোস্পিতেলিতীগী থবক থৌরমশিং নৌহৌনা হিংগৎহন্নবা অচৌবা খোঙথাং অমনি।

খন্ন ন্নৈনবা অমা পাঙথোক্তুনা শ্রী প্রহলাদ সিংহ পতেলনা এন.সি.তি.গী লেপ্তনেন্ত গভর্নরদা মহাক্না দিল্লীদা লৈবা হোস্পিতেলিতী ইন্দস্ত্রীগী অপাম্বশিং অসি ফংহন্নবা হোতেল অমসুং রেস্তোরেন্ত চল্লাইবা হৌনবা হায়জখি। মসিগী মমাংদা ৱাফম অসি মহাক্না হোম পুবা মন্ত্রালয়দসু পুখৎখি।

কলচর অমসুং তুরিজমগী কেন্দ্রগী মিনিস্তর ওফ স্তেৎ (ইন্দিপেন্দেন্ত চার্জ), শ্রী প্রহলাদ সিংহ পতেলনা তুরিজম অমসুং হোস্পিতেলিতী ইন্দস্ত্রীগী স্তেকহোল্দরশিংগী মীহুৎশিংগা লোয়ননা লেপ্তনা পাও ফাওন্দুনা দিমান্দ হেনগৎহন্দুনা  মরু ওইনা দোমেস্তিক তুরিজম হৌহনবগী খুত্থাংদা তুরিজমগী শেন্মীৎলোন হীংগৎহন্নবা অমসুং সমস্যশিং কোকহন্নবা হোৎনরি। হৌখিবা চয়োলদা তুরিজম ইন্দস্ত্রীগী তোঙান তোঙানবা শরুকশিংগা লোয়ননা মখোয়না থেংনরিবা অৱাবশিং অদু খঙদোক্নবা মহাক্না মরু ওইবা মীফম কয়া অমা পাঙথোকখি।  মসি তুরিজম ইন্দস্ত্রীগী সমস্যাশিং কোকহন্নবা খোঙথাং অমনি।

দিল্লীদা হোতেলশিং অমসুং রেস্তোরেন্তশিং হাংনবা লাউথোকখিবা অসিবু তরাম্না ওক্লদুনা শ্রী প্রহলাদ সিংহ পতেলনা হোম পুবা মন্ত্রী অমসুং দিল্লীগী লেপ্তনেন্ত গভর্নরবু থাগৎপা ফোঙদোকখি অমসুং মহাক্না হায় “তুরিজম ইন্দস্ত্রীগী খ্বাইদগী চাউবা শরুক অনি মদুদি হোতেলশিং অমসুং রেস্তোরেন্তশিং লৈবাক অসিগী কোনুংদা হাংবা অসিনা দোমেস্তিক ত্রেবেল হেনগৎহনবদা অমসুং হকশেলগী অমদি চেকশিল থৌরাংগী প্রোতোকলশিং ঙাক্তুনা চৎলিবা ইন্দস্ত্রীদা অৱাবা পীরিবা অসি কোকহনবদা মতেং পাংলগনি”

হোম পুবা মন্ত্রালয়না তুরিজম সেক্তরগী হোতেল, রেস্তোরেন্ত অমসুং হোসপিতেলিতী সর্ভিসশিং তাঙ্কক নায়বা মওংদা জুন ৮, ২০২০দগী হৌনবা অয়াবা পীখ্রে। হকশেল অমসুং য়াইফ য়ুম্বাল মন্ত্রালয়না হোতেলশিং, রেস্তোরেন্তশিং অমসুং লৈফম পীরিবা য়ুনিৎশিং চল্লাইবগী এস.ও.পি.শিং/প্রোতোকলশিং থোকখ্রে অমসুং তুরিজম মন্ত্রালয়না হোতেলশিং, রেস্তোরেন্তশিং অমসুং অতোপ্পা লৈফম পীরিবা য়ুনিৎশিংগী চল্লাইনবগী গাইদলাইনশিং শেমদুনা লৈবাক শিনবা থুংনা ফংহনখ্রে।

তুরিজমগী থবক থৌরমশিং অমুক হন্না হীংগৎহন্নবা অতোপ্পা অচৌবা খোঙথাং অমা ওইনা, শ্রী প্রহলাদ সিংহ পতেলনা হোম মন্ত্রালবদা বেঙ্কক্যুৎ হোলশিং অমসুং কফরেন্সকী ফেসিলিতীশিং অসি হৌজিক লৈরিবা চেকশিল থৌরাংগী প্রোতোকলশিং অমসুং সোসিএল দিস্তেন্সিংগী কাঙলোনশিং ঙাক্তুনা মখোয়গী লৈরিবা চাং অদুগী চাদা ৫০ চল্লাইবা য়াহন্নবা হায়জখ্রে, খোঙথাং অসিনা এম.আই.সি.ই. ইন্দস্ত্রী হৌহনবদা মতেং পাংলগনি।

কলচর অমসুং তুরিজমগী কেন্দ্রগী মিনিস্তর ওফ স্তেৎ (ইন্দিপেন্দেন্ত চার্জ)না হৌখিবা চয়োলদা কেন্দ্রগী সিবিল এভিএসন মন্ত্রীগা লোয়ননা এয়র তিকেৎশিং কেন্সেল তৌবগী শেল হন্দোকপগী পোলিসীগী সমস্যাশিং খন্নখি অমসুং হীরম অসিদা ৱারোইশিন খরদি পুরক্লবা য়াই।

ভারত সরকারগী তুরিজম মন্ত্রালয়গী তুরিজম ইন্দস্ত্রী ফগৎহন্নবা লেপ্তনা হোৎনবা ওইনা তোঙান তোঙানবা এম.এস.এম.ই.গী হীরমশিং অমসুং স্কিমশিংদগী ফংলিবা কান্নবা অসিগী ই-পাও অমসুং পাওতাকশিং স্তেকহোল্দরশিংদা ফংহন্নবা পান্দমগা লোয়ননা ওগস্ত ২০, ২০২০ (শগোলশেন)গী পুং ১১-১২ ফাওবা অত্মানির্ভার ভারত –ইসুস কনফ্রন্তিং তুরিজম এন্দ ত্রেবেল ইন্দস্ত্রীগী হীরম অসিদা ৱেবিনার অমা শিল্লি।

ৱেবিনার অসিনা এম.এস.এম.ই. সেক্তর অমসুং মখোয়গী মখাদা লৈরিবশিং, এম.এস.এম.ই.গী রেজিস্ত্রেসনগী প্রোসেস, সর্ভিস সেক্তরী এম.এস.এম.ই. মন্ত্রালয়গী ক্রেদিৎ/ফাইনান্স স্কিমশিং, পব্লিক প্রোক্যুর্মেন্ত পোলিসী অসিনচিংবগা মরী লৈনবা সমস্যশিংদা মীৎয়েং থমগনি।

সেসন অসি এম.এস.এম.ই. মন্ত্রালয়গী এদিস্নেল সেক্রেতরী অমসুং দিবেলপমেন্ত কম্মিস্নর শ্রী দেবেন্দ্র কুমার সিংহনা ময়াই তাংবল লৌগনি।

******