নেসনেল ফুদ সেকুরিতি এক্ত, ২০১৩(নফসা)না ২০১১গী মীকোক থিবা মতুংইন্না লৈবাক অসিগী অপুনবা মীশিংগী শরুক অহুম থোকপগী শরুক অনি , হায়বদি অন্তয়োদয়া অন্না য়োজনা(এ এ ৱাই) অমসুং প্রাইয়োরিতি হাওসহোল্দ(পি ঐচ ঐচ)গী মনুং চনবা মীওই করোর ৮১.০৯ রোমদা সবসিদি ফজনা পীরবা চেঙ/গেহু য়েন্থোকখ্রে। নফসানা খুঙ্গংগী মীশিংগী চাদা ৬৭ অমসুং সহরগী মীশিংগী চাদা ৫০ রোম কোনশিল্লি। মসিদা য়ুম্ফম ওইরগা, লৈবাক অসিগী অপুনবা মীশিংগী চাদা ৬৭ রোম নফসাগী চেঙ ফংলে। নফসাগী কান্নবা ফংগদবা মীওইশিং মশক খঙদোকপগী থৌদাং রাজ্য/য়ু.তি সরকারশিংগীনি।

রাজ্যশিং/য়ু.তি সরকারশিংনা মখোয়গী মথৌ তৌদ্রবা/শীজিন্নদ্রবা/শাশিন্নবা রেসন কার্দশিং পায়ববা মীওইশিং ককথৎলবা মতুংদা মখোয়গী ফংলিবা বেনিফিসরি মশিং অদুগী মনুংদা অনৌবা বেনিফিসরি হাপচিনবগী থবক নফসাগী মখাদা হৌজিক চৎথরি। ২০১৩-১৮গী মনুংদা রাজ্য সরকারশিংনা অসিগুম্বা রেসন কার্দ করোর ৩ হেন্না লৌথোক্লবা মতুংদা অনৌবা অমসুং অশেংবা বিনিফিসরিশিং হাপচিনখ্রে।

২০২০গী মার্চতগী কোবিদ-১৯ মনুংদা উত্তর প্রদেস, বিহারগুম্বা রাজ্যশিংদা নফসাগী মখাদা অনৌবা বেনিফিসরি লাখ ৬০.৭ রোম হাপচিল্লে, মসিগী মখোয়গী ফংলিবা মশিং অদুগী মনুংদনি। অহেনবা বেনিফিসিরশিং অসিসু প্রধান মন্ত্রী গরিব কলয়ান অন্না য়োজনাগী কান্নবশিং ফংগনি।

নফসা চৎনবা হৌরকপদগী রাজ্যশিং/য়ু.তিশিংগী বেনিফিসরি করোর ৮০ হেনবদা ফুদ অমসুং পব্লিক দিস্ত্রিবুসন দিপার্তমেন্তনা লেপ্তনা চেঙ পীদুনা লাক্লি।

নফসাগী মখাদা মীয়ামগী অৱাবশিং কোকহন্নবা রাজ্যশিং/য়ু.তিশিংনা তোল-ফ্রি নম্বর/ওনলাইন গ্রিভান্সেস রিদ্রেসেলগী থবকশিং পায়খৎলে। নফসাগী মখাদা বেনিফসরিশিং চুম্না চেঙ ফংনবা দিস্ত্রিক গ্রিভান্স রিদ্রেসেল ওফিসারশিং, ভিজিলেন্স কমিতিশিং অমসুং স্তেৎ ফুদ কমিসনশিং লৈরে। অসিগুম্বা থবকশিং অসিনা তশেংনা ফংফম থোকপা মীওইশিং/ইমুংশিংগী অনৌবা রেসন কার্দশিং শেম্বদা থেংনরিবা অৱাবশিং কোকহনগনি।

অনৌবা রেসন কার্দ পীবদা রাজ্যশিংনা থেংনরিবা অৱাবশিং কোকহন্নবা থৌরাংশিং মরাংকাইনা লৈরে। পাউতাকশিং পীদুনা অমসুং মীফমশিং পাংথোক্তুনা অনৌবা অমসুং তশেংনা ফংফম থোকপা মীওইশিং নফসাগী মখাদা হাপচিনবদা থেংনরিবা খুদোংচাদবশিং কোকহন্নবা দিপার্তমেন্তনা থবক পায়খৎলে।

কোবিদ-১৯ লাইচৎ মনুংদা বেনিফিসরিশিংদা চেঙ মরাংকাইনা ফংহন্নবা দিপার্তমেন্তনা এফ.সি.আই অমসুং রাজ্য সরকারশিংগা খুৎশম্নদুনা নফসা অমসুং পিএম-জি কে এ ৱাইগী মখাদা থাগী ফংফম থোকপা (থাগী মেত্রিক তন লাখ ৮৩)অদুগী মথক্তা শরুক অনি হেনগৎনা পীরে।

নফসা অমসুং পিএম-জি কে এ ৱাইগী মখাদা ২০২০গী এপ্রিলদগী বেনিফিসরি চাদা ৯৪ রোমদা চেঙ পীখ্রে । দালবার্গ, মাইক্রোসেব কন্সলতিংনা লনাই ওইনা থিজিনবদা নফসা অমসুং পিএম-জি কে এ ৱাইগী মখাদা চেঙ য়েন্থোকপগী থবক অসিদা বেনিফিসরিশিংগী মরক্তগী চাদা ৯৪না অপেনবা ফোংদোকখি। মখাদা দিপার্তমেন্তনা রাজ্য/য়ু.তি ২৭দা মোনিতরিং ইন্সতিতুসন ২৬না ২০১৮-২০গী ওইনা নফসাগী পায়খৎলিবা থবকশিং অসি থিজিনখি অমসুং মদুদগী ফংলবা রিপোর্তশিং অদু মরী লৈনবা রাজ্যশিংদা ফংহনখি।

নফসাগী মখাদা অহেনবা মীওই হাপচিন্নবা রাজ্য/য়ু.তি সরকার অমতনা হায়রক্ত্রে, মখা তানা অত্মানির্ভর ভারত স্কিমগী মখাদা শিন্মীশিংদা লেম্না চেঙ য়েন্থোক্লে।

*****