লৈবাক অসিদা লিমোনগী পোৎথোক হেনগৎহন্নবা জুত কোরপোরেসন ওফ ইন্দিয়া(জে সি আই)গী খুৎথাংদা তেক্সতাইল মিনিস্ত্রিনা লৌমীশিংদা অফবা মখলগী লিমোন মরুশিং ফংহল্লগনি। এগ্রিকলচর অমসুং ফারমর্স ৱেলফিয়ার মিনিস্ত্রিগী মখাদা লৈবা নেসনেল সিদস কোরপোরেসন্না হায়রিবা অফবা মরুশিং অসি জে.সি.আইদা ফংহনগনি। মসিগী মতাংদা ঙসি জে.সি.আই অমসুং নেসনেল সিদস কোরপোরেসন অনিগী মরক্তা এম.ও.য়ু অমা খুৎয়েক পীনখ্রে। ভর্চুএল ওইনা পাংথোকখিবা এম.ও.য়ু খুৎয়েক পীনবা থৌরম অদুদা এগ্রিকলচর অমসুং ফারমর্স ৱেলফিয়ারগী য়ুনিয়ন মিনিস্তর নরেন্দ্র সিংহ তোমার অমসুং তেক্সতাইলগী য়ুনিয়ন মিনিস্তর শ্রীমতি স্মৃতি জুবিন ইরানি শরুক য়াখি। এম.ও.য়ু অসিনা ২০২১-২০২২গী লৌরোক্তা জে.সি.আইগী খুৎথাংদা অফবা লিমোন মরুশিং ফংহনগনি।

লৌমীশিংদা অফবা লিমোন মরু ফংহন্নবা এগ্রিকলচর মিনিস্ত্রি অমসুং তেক্সতাইল মিনিস্ত্রি অনিগী মরক্তা পুন্না থবক তৌমিন্নবদা য়ুনিয়ন তেক্সতাইল মিনিস্তর শ্রীমতি শ্মৃতি জুবিন ইরানিনা থাগৎলদুনা হায়খি, চহি অসিগী ফেবুৱারিদা লাউথোকখিবা নেসনেল তেক্নিকেল তেক্সতাইল মিসনদা লিমোন অমসুং লিমোনগী পোৎথোকশিংগী অখন্নবা ৱাফম য়াওরি। ঈশিং তুংবা মফমশিং অমসুং চীংগী লমদা লম্বী শেম্বা অমসুং শেমগৎ-শাগৎপদা লিমোন মখা থানবা লিমোন শীজিন্নবগী চাং হেনগৎলক্লে। লৈবাক অসিগী ওক্নবা লিমোন পুথোকপগী মথক্তা, লৈবাক অসিনা লিমোন অমসুং লিমোনগী পোৎথোকশিং মপান্দা থাদোকপা অসি মথংগী পান্দমনি।

নেসনেল সিদস কোরপোরেসন অমসুং জুত কোরপোরেসন ওফ ইন্দিয়াগী মরক্তা এম.ও.য়ু খুৎয়েক পীনবা অসি এগ্রিকলচরগী য়ুনিয়ন মিনিস্তর নরেন্দ্র সিংহ তোমারনা থাগৎলি। লৌমীশিংদা অহোংবা মমলদা লিমোন মরু পীনবা নেসনেল সিদ কোরপোরেসনগী থবক অসি মহাক্না থাগৎখি। মহাক্না হায়খি, লৈবাক অসিদা অফবা লিমোন অমসুং লিমোনগী পোৎথোকশিং পুথোকপা অসিনা প্রধান মন্ত্রীগী অত্মানির্ভর ভারত অমগী পান্দম অদু ফংহনবদা মতেং পাংগনি। অকক্নবা মতমগী মনুংদা মপান্দা লিমোন থাদোকপা হেনগৎহন্নবা লম্বী অমা শেমগদবনি।

এম.ও.য়ু অসিগী মখাদা, ২০২১-২২দা জে.আর.ও-২০৪ মখলগী লিমোন মরু কুইন্তল ১০,০০০ জে.সি.আইনা য়েন্থোক্কনি। অহানবা ওইনা ললোন-ইতিক ওইনা লৌমীশিংদা য়োন্নবা এন.এস.সিদগী অফবা মরুশিং জে.সি.আইনা লৈগনি। মসিনা লৌমীগী ইমুং লাখ ৫-৬ কান্নবা ফংহনগনি অমসুং জে.সি.আইগী ইনকম হেনগৎহনগনি। পোৎথোক হেন্না পুথোকপদগী লৌমীশিংগি শেন্থোক হেনগৎতুনা ২০২২দা লৌমীশিংগী শেন্থোক শরুক অনি হেনগৎহনবা হায়বা পান্দম অদু ফংবা ঙমগনি।

জুত কোরপোরেসন ওফ ইন্দিয়া, নেসনেল জুত বোর্দ অমসুং সেন্ত্রেল রিছর্স ইন্সতিতুৎ ফোর জুত এন্দ এল্লাইদ ফাইবরনা অফবা মগুন লৈবা লিমোন পুথোকপা হেনগৎহন্নবা অনৌবা লৌউ-পথাপশিং পুক্নিং থৌগৎলি।

*****