জল শক্তি মন্ত্রালয়

কেন্দ্রগী জল শক্তি মন্ত্রীনা তামিল নাদুগী মুখ্য মন্ত্রীগা লোয়ননা জল জীবন মিসন ইমপ্লিমেন্ত তৌরিবা অসি য়েংশিনখ্রে

তামিল নাদুদা খুঙ্গংগী য়ুমথোং ২০%দা তোতি ঈশিং ফংলি অমদি য়ুমথোং লাখ ১০০দা ফঙ্কস্নেল হাউসহোল্দ তেপ কেন্নেক্সনশিং ফংহল্লগনি

Posted On: 18 AUG 2020 7:01PM by PIB Imphal

কেন্দ্রগী জল শক্তি মন্ত্রী শ্রী গজেন্দ্র সিংহ শেখাৱৎনা তামিল নাদুগী মুখ্য মন্ত্রী শ্রী ইদপ্পাদি কে পলানিস্বামিগা লোয়ননা রাজ্য অসিদা জল জীবন মিসন ইমপ্লিমেন্ত তৌবগী মতাংদা ঙসি ভিদিও কনফরেন্সকী খুত্থাংদা য়েংশিনখ্রে। জল জীবন মিসন (জে.জে.এম.) অসি রাজ্যশিংগা লোয়ননা লৈবাক অসিগী খুঙ্গংগী য়ুমথোং খুদিংমক্তা থক্নবা ঈশিং ফংহন্নবা ইমপ্লিমেন্ত তৌরি। মিসন অসিগী পান্দমদি মফম পুম্নমক য়ৌহনবনি মদুদি খুঙ্গংদা লৈরিবা ইমুং খুদিংমক্না মখোয়গী য়ুমদা থক্নবা ঈশিং ফংহনবনি।

জল জীবন মিসন্না খুঙ্গংগী য়ুমথোং খুদিংদা চাং নায়না অমসুং মতম শাংনা থক্নবা ঈশিং মরাং কায়না (@ নোংমদা মীওই অমদা লিতর ৫৫গী চাংদা) অমসুং অফবা ক্বালিতী ফংহন্নবা পান্দম থম্লি। খুঙ্গংগী মফমশিংদা য়ুমথোংদা তোতি ঈশিং ফংহন্নবগী প্রোবিজন অসিনা নুপী মরু ওইনা নুপীমচাশিংগী ‘অৱাবা’ কোকহনবদা মতেং পাংলগনি। মসিনা খুঙ্গংগী মফমশিংদা লৈরিবা মীওইশিংগী 'ইজ ওফ লিবিং' হনগৎহল্লগনি।

তামিল নাদুনা ২০২৪ ফাওবদা রাজ্য অসিগী খুঙ্গংগী য়ুমথোং খুদিংদা তোতি ঈশিং ১০০% ফংহন্নবা পান্দম থম্লি। হৌজিক ফাওবদা তামিল নাদুগী খুঙ্গংগী য়ুমথোং লাখ ১২৬.৮৯গী মনুংদা লাখ ২৫.৯৮ লাখ (২০.৪৫%)দা তোতি ঈশিং ফংহনখ্রে। তোতি ঈশিং ফংহনবা রাজ্য অসিনা লৈবাক পুম্বগী ওইনা ১৭শুবদা লৈরি। ২০২০-২১দাতামিল নাদুনা য়ুমথোং লাখ ৩৩.৯৪দা তোতি ঈশিং ফংহন্নবা থৌরাং তৌরি।

কেন্দ্রগী মন্ত্রীনা মুখ্য মন্ত্রীগা লোয়ননা রাজ্য অসিদা ওইরিবা মিসন অসিগী থবক থৌরমগী মতাংদা কুপ্না খন্নখ্রে। খুঙ্গংগী মফমশিংগী ইমুং খুদিংদা অককনবা মতমগী মনুংদা য়ুমথোংদা তোতি ঈশিং ফংহন্ননবা রাজ্য অসিদা মিসন অসি ইমপ্লিমেন্ত তৌবগী থবক কনশিন্নবা মুখ্য মন্ত্রীনা থাজবা পীখ্রে।

খুঙ্গংগী মীয়ামগী পুন্সিশিং ফগৎহনবদা মিসন অসিনা পীরিবা কান্নবা অসি পল্লদুনা কেন্দ্রগী মন্ত্রীনা খুঙ্গং ১২,৫২৩দা হৌজিক লৈরিবা ৱাতর সপ্লাই স্কিমশিং ফগৎহনবা অমসুং শেমজিনবদা মীৎয়েং থম্নবা হায়খি অমসুং খুঙ্গংশিং অসিগী লেমহৌরিবা য়ুমথোংশিংনা লাক্লিবা থা ৪-৬ ফাওবদা তোতি ঈশিং ফংহন্নবা থবক অসি কেম্পেন মোদতা শুবা হৌনবা হায়খ্রে। রাজ্য অসিগী হৌজিক পাইপ তিংদুনা লৈরবা ৱাতর সপ্লাই স্কিম অসিনা য়ুমথোং লাখ ৫৫-৬০দা তোতি ঈশিং ফংহনবা ঙমগনি। রাজ্যনা হৌজিক লৈরিবা ৱাতর সপ্লাই স্কিমশিং অসি মথৌ ফজনা তৌবরা হায়না মীৎয়েং চংদুনা য়ুমথোংশিং সর্ভিস লেপ্তনা ফংহন্নবা মখা তানা হায়খি, মসিগীদমক চাং ফজনা ওন্নবা অমসুং য়েংশিন্নবা সিস্তেম অমা থমদুনা ৱাতর সপ্লাইগী ক্বালিতী, পীরিবা চাং অমসুং চাং নায়না ফংহন্নবা য়েংশিনগনি।

দিসেম্বর ২০২০ ফাওবদা রাজ্য অসিগী ফ্লোরাইদনা শোকহল্লবা মফম ২৩৬তা অফবা থক্নবা ঈশিং ফংহন্নবা প্রোগ্রাম অসি চাং নায়না য়েংশিন্নবা মুখ্য মন্ত্রীনা হায়খি। জে.ই./এ.ই.এস.না শোকহল্লবা জিলা তরুক্কী খুঙ্গং ২,৬৭৯ লোয়ননা রামনাথপুরম অমসুং ভিরুধনগরগী এস্পিরেস্নেল দিস্ত্রিক্ত অনিগী খুঙ্গং ৮৭৯দা ৱাতর সপ্লাইগী পাইপ তিংদুনা ঈশিং ফংহন্নবা হায়খি।

কেন্দ্রগী সরকারনা রাজ্য অসিনা পান্দম ফংবা ঙম্নবা তেংবাং পুম্নমক পীনবা হোৎনরিবা অসি মন্ত্রী শ্রী শেখাৱতনা নীংশিংখি। জল জীবন মিসনগী ফন্দশিং অসি ফংহল্লিবা তোতি ঈশিং অমসুং লৈরিবা কেন্দ্রগী ফন্দ অমসুং রাজ্যগী মেচিং সিয়র শীজিন্নবগী ফলশিংদা য়ুম্ফম ওইরগা ভারত সরকারনা পীথরি। জল শক্তিগী মন্ত্রীনা তামিল নাদুগী মুখ্য মন্ত্রীদা রাজ্য অসি ‘এফ.ঐচ.তি.সি. ১০০%’ পীবা ঙম্বা রাজ্য অমা ওইনবা অঙম্বা মতেং পীগনি হায়না থাজবা পীখ্রে।

২০২০-২১দা কোতি ৯২১.৯৯ এলোকেৎ তৌখি অমসুং রাজ্যগী সিয়র য়াওরগা লুপা কোতি ২,১০৮.০৭ ফংহল্লগনি। রাজ্য অসিদা থবক শুবগী অমসুং শেল ফজনা শীজিন্নবগী মতুং ইন্না অহেনবা এলোকেসনসু ফংহনগনি। তামিল নাদুদা ১৫শুবা ফাইনান্স কম্মিসন গ্রান্তশিংগী মখাদা পি.আর.আই.শিংদা লুপা কোতি ৩,৬০৭ এলোকেৎ তৌখ্রে অমসুং মসিগী ৫০%দি ৱাতর সপ্লাই অমসুং সেনিতেসনদা শোইদনা শীজিন্নগদবনি, শ্রী শেখাৱতনা মুখ্য মন্ত্রীদা ফন্দ অসি খুঙ্গংগী ৱাতর সপ্লাই, গ্রে-ৱাতর ত্রীৎমেন্ত অমসুং অমুক হন্না শীজিন্ননবা অমসুং খ্বাইদগী মরু ওইনা সর্ভিস ফংহন্ননবা ৱাতর সপ্লাই স্কিমশিং অসি মতম শাংনা চল্লাইনবা অমসুং য়েংশিনবদা শীজিন্ননবা হায়খি।নবা, চল্লাইনবা মেন্ত অমসুং  ফন্দ, প্নমক প amasung makhoigi sel thumgi phibamda hakthengnana akaiba ama piriba thouramshinggএম.জি.এন.আর.ই.জি.এস., জে.জে.এম, স্বাচ ভারত মিসন (জি), দিস্ত্রিক্ত মিনরেল দিবেলপমেন্ত ফন্দ, পঞ্চায়তি রাজ ইন্সতিত্যুসনশিং (পি.আর.আই.শিং)গী ১৫শুবা ফাইনান্স কম্মিসন গ্রান্তশিং, সি.এস.আর. ফন্দ অসিনচিংবা তোঙান তোঙানবা মখলগী ফন্দিং অসিদগী লাক্লিবা ফন্দশিং পুনশিন্নদুনা ৱাতর রিসোর্সশিং, ৱাতর সপ্লাই, গ্রে ৱাতর ত্রীৎমেন্ত অমসুং অমুক হন্না শীজিন্ননবা, চল্লাইনবা অমসুং য়েংশিন্নবা হেগৎহন্নবা রিসোর্সশিং মপুং ফানা খুঙ্গংগী থাক্তা শীজিন্ননবা মীৎয়েং থম্লি।

কেন্দ্রগী মন্ত্রীনা ভিলেজ এক্সন প্লান (ভি.এ.পি.) লোয়ননা ভিলেজ ৱাতর অমসুং সেনেতেসন কম্মিতিশিং অসি গ্রাম পঞ্চায়ৎকী সব-কম্মিতি ওইনা নুপী মীহুৎ য়ামদ্রবদা ৫০% হাপতুনা শেম্নবা পুক্নিং চিংশিনখি, মসিনা খুঙ্গংগী ৱাতর সপ্লাই ইনফ্রাস্ত্রকচরগী প্লান তৌবা, দিজাইন তৌবা, ইমপ্লিমেন্ত তৌবা অমসুং চল্লাইবা অমদি য়েংশিনবদা থৌদাং লৌহনগনি। খুঙ্গং পুম্নমক্না ভিলেজ এক্সন প্লান (ভি.এ.পি.) শেমগদবনি, মসিদা তঙাই ফদনা য়াওগদবশিংদি থক্নবা ঈশিংগী লাকফমশিং ফগৎহনবা, ৱাতর সপ্লাই, গ্রে-ৱাতর মেনেজমেন্ত অমসুং চল্লাইবা অমদি য়েংশিনবগী মচাকশিং অসিনি। রাজ্য অসিদা ফিল্দ তেস্ত কিৎশিং শীজিন্ননবা খুঙ্গংগী মীওই ৫ মরু ওইনা নুপীশিংবু ত্রেনিং পীনবা খঙহনখ্রে মসিনা ঈশিং অসি মফম অসিদা তেস্ত তৌজবা য়ারগনি। রাজ্য অসিদা ৱাতর রিসোর্স মেনেজমেন্তগী মতাংদা থেংনরিবা সমস্যশিং অমসুং কাবেরী তুরেল অসি মোৎশিনবা হন্থহন্নাসু কুপ্না খন্নখি।



(Release ID: 1646964) Visitor Counter : 14