রেলৱে মন্ত্রালয়

রেলৱেজগী চেকশিন-থৌরাংগীদমক দ্রোন্না য়েংশিনবগী থবক ভারত রেলৱেজনা হৌদোক্লে

দ্রোন শীজিন্নবগী পান্দমদি ফোর্স মশিং হেনগৎহনবা অমসুং সেকুরিতিগী মীওইশিং থবক ফজনা পাংথোক্নবা মতেং পাংবনি

রেলৱেজগী মফমশিং হেন্না ফজনা ঙাক্নবা অমসুং য়েংশিন্নবা সেন্ত্রেল রেলৱেজগী মুম্বাই দিবিজন্না হন্দক নিঞ্জা য়ু.এ.ভি অনি লৈরে

হৌজিক ফাওবদা আর.পি.এফনা দ্রোন ৯ লৈরে

Posted On: 18 AUG 2020 8:08PM by PIB Imphal

থবক তৌনবা মীওই য়াম্না লৈতবা অদুবু লম য়াম্না পাক-চাউনা য়েংশিন্নবা দ্রোন তেক্নোলোজি অসি মরুওইবা অমসুং মমল হোংবা খুৎলায় অমা ওইরে। রেলৱেজ স্তেসনশিং, রেলৱেজ ত্রেকশিং, য়ার্দশিং, ৱাকশোপশিং য়েংশিন্নবা অমসুং ঙাক্নবা ভারত রেলৱেজগী সেন্ত্রেল রেলৱেজগী মুম্বাই দিবিজননা হন্দক নিঞ্জা য়ু.এ.ভি অনি লৈরে।

দ্রোন পাইনবা, য়েংশিন্নবা অমসুং শেম্নবা আর.পি.এফ মুম্বাইগী স্তাফ মরি ত্রেনিং পীখ্রে। হায়রিবা দ্রোনশিং অসি খোঙ্গুল লিবা, ভিদিও স্ত্রিমিং তৌবা ঙমগনি অমসুং ওতোমেতিক ফেল সেফ মোদতা থবক তৌগনি।

রেলৱেজগী চেকশিন-থৌরাংগীদমক দ্রোনশিং শীজিন্ননবা রেলৱেজ প্রোতেক্সন ফোর্স(আর পি এফ)না থৌরাং তৌরে। সাউথ ইস্তর্ন রেলৱেজে, সেন্ত্রেল রেলৱেজ, মোর্দন কোচ ফেক্তরি, রাইবারেলি অমসুং সাউথ ৱেস্তর্ন রেলৱেজনা লুপা লাখ ৩১.৮৭গী দ্রোন ৯ লৈরে।

তুংদা লুপা লাখ ৯৭.৫২গী দ্রোন ১৭ লৈনবা থৌরাং তৌরি। দ্রোন পাইনবা, য়েংশিন্নবা অমসুং শেম্নবা আর.পি.এফকী মীওই ১৯ ত্রেনিং পীখ্রে অমসুং মীওই মরি দ্রোনশিং পাইনবা লাইসেন্স পীরে। অহেনবা আর.পি.এফকী মীওই ৬সু ত্রেনিং পীখ্রে।

দ্রোন শীজিন্নবগী পান্দমদি ফোর্স মশিং হেনগৎহনবা অমসুং সেকুরিতিগী মীওইশিং থবক ফজনা পাংথোক্নবা মতেং পাংবনি। মসিনা রেলৱেজগী লন-থুমশিং, য়ার্দশিং, ৱাকশোপশিং, কার সেদশিং য়েংশিনবদা শীজিন্নগনি। মসিনা রেলৱেজগী মফমশিংদা হুরনবা চঙবা, জুৱার শানবা, অমোৎপা লংশিনবা অমসুং পোৎ-চৈ য়োনবা য়েংশিনবদা শীজিন্নগনি। অশোই-অঙাম থোকহন্দনা ত্রেন চেন্নবা খুদোংথিনিংঙাই ওইবা মফমশিংদগী দেতা খোমগৎপা অমসুং দেতা নৈনবদা দ্রোনশিং শীজিন্নগনি।

খুদোংথিবা থোকপা মফমশিংদা মী কনবা অমসুং শেমজিন-শাজিনবগী থবকশিংদা দ্রোন শীজিন্নবা য়াগনি। রেলৱেজগী লম লৌশিল্লকপা য়েংশিন্নবা রেলৱেজগী লম মেপ লৌবদা দ্রোন অসি শীজিন্নবা য়াগনি। মশিং য়াম্লবা মীওইশিং লাকশিন্নবা থবকশিংদা, মসিনা মী মশিং, থুংলবা য়াবা চাউরাকপা মতম অমসুং মীয়াম তকখাইনবা থবকশিং থৌরাং তৌনবা অমসুং থবক ওইনা পাংথোক্নবা দ্রোনশিং য়াম্না কান্নগনি। কোবিদ-১৯ লোকদাউন মনুংদা লোকদাউন চৎনহন্নবা অমসুং শিন্মীশিং চৎথোক-চৎশিন য়েংশিনবদা দ্রোনশিং শীজিন্নখি।

আর.পি.এফকী মীওই ৮-১০না য়েংশিনবা দরকার ওইবা পাক্লবা মফমশিং দ্রোন কেমেরা অমনা য়েংশিনবা ঙমগনি। রেলৱেজগী লন-থুমশিং, মরুওইবা মফমশিং অমসুং হুরাল-চিন্থিগী থবকশিং য়েংশিন্নবা দ্রোনশিং অসি দিজাইন তৌবনি। দ্রোনশিং অসিনা ‘অতিয়াদ মীৎ-নাকোং’ ওইনা থবক তৌগনি অমসুং মফম শীনবা থুংনা য়েংশিনগনি। করিগুম্বা চিংনবা থবক অমা চৎথবা উরবদি খুদক্তা মীওই অদু ফানবা খ্বাইদগী নকপা আর.পি.এফ পোস্ত অমা দ্রোন্না পাউ পীগনি। হুরানবা অমনা ৱাদিবুন্দর য়ার্দতা খামদুনা লৈবা রেলৱেজ কোচ অমদা হুরান্নবা হোৎনরিঙৈদা দ্রোন্না ফাবগী থৌদোক থোকখ্রে।

**********



(Release ID: 1646899) Visitor Counter : 100