রেনফোল ফোর্কাস্ততা য়ুমফম ওইরগা মখাগী চেকশিন ৱারোলশিং অসি তোঙান তোঙানবা রাজ্যশিংগী সি.দবল্যু.সি.না  থোকখি -  

ওরিশা, আন্ধ্র পরদেশ অমসুং তেলঙ্গনা

লাকদৌরিবা পুং ২৪ অসিগী মনুংদা তেলঙ্গনা, বিদরভা অমসুং ছত্তিসগরদা নোং কন্না অমসুং য়াম্না কন্না চুরবা য়াই লোয়ননা মফম খরদা অকনবা নোং চুরবা য়াই। হৌজিক অকনবা নোং চুবা অসিনা মরম ওইরগা, ছত্তিসগর, মহারাস্ত্র অমসুং তেলঙ্গনাদা নোং চুবনা মরম ওইরগা গোদাবরি তুরেলগী ঈশিং ফজনা চেল্লি। ঙসি অহিং ফাওবদা অন্ধ্র প্রদেশকী গোদাবরি তুরেলগী পোলাবরম প্রোজেক্ত অসিনা ক্যুমেক ৪০০০০ ফংলবা য়াই অমসুং গোদাবি তুরেলগী লক্ষ্মী বেরেজ অসিদা ক্যুমেক ২০০০০রোম ইনফ্লোস লাকপা য়াই অমসুং রেনফোল ফোর্কাস্তকী মতুং ইন্না হেনগৎলবা য়াই হায়না পান্নরি। 

কুপ্না য়েংশিনবা মথৌ তারি। ছত্তিসগরগী দন্তেৱাদা, নরায়নপুর অমসুং বিজাপুর জিলাশিংদা চেল্লিবা ইন্দ্রাৱতী তুরেলগী ইমাই অসি হেনগৎলবা য়ানা লৈ। ওরিশাগী কোরাপুৎ, মলকানগিরী জিলাশিং অমসুং ছত্তিসগরগী সুকমা জিলা অমসুং অন্ধ্ প্রদেশকী ইস্ত গোদাবরি জিলাদা সাবরী তুরেলগী ইমাই অসি লেপ্তনা ৱাংখৎলকপা য়ানা লৈ। বালিমেলা, অপর কোলাব, মচকুন্দ অমসুং অপর ইন্দ্রাৱতী প্রোজেক্তশিংগী ইনফ্লোস অসি হেনগৎলকপা য়াই অদুবু রিজার্বরশিংদা স্তোরেজ অসি ২৫%দগী ৫২% খক ওইবনা ইনফ্লোশিং অসিনা রিজার্বরশিংগী স্তোরেজ হেনগৎহনবদা মতেং ওইরগনি।

তেলঙ্গনাগী জোগুলাম্বা গদ্বাল জিলাগী পি দি জুরালাদা অমসুং অন্ধ্র প্রদেশকী কুরনুলগী স্রিসাইলম দামদা কৃষ্ণ তুরেলদগী অকনা ইনফ্লোশিং লাকপা য়াই। দাম অসি ৬৫% থন্দুনা লৈবনা নুমিৎ ৪দগী ৫ ফাওবগী ইনফ্লোশিংনা স্তোরেজ অসি হেনগৎহল্লবা য়াই। তেলঙ্গনা অমসুং অন্ধ্র প্রদেশকী ৱারঙ্গল, খাম্মম, নালগোন্দা অমসুং কৃষ্ণ জিলাশিংগী কৃষ্ণ তুরেলগী দাউনস্ত্রিমগী মফমশিংদা অকনবা নোং চুবনা মরম ওইরগা, কৃষ্ণ তুরেলগী প্রকাসম বেরেজ অসি মসিগী ফংফম থোকপা ইনফ্লোশিংগী চাংদগী হেন্না চেল্লি অমসুং মরম অসিনা ইনফ্লো ফোর্কাস্তশিং থোকখ্রে।

গুজরাত, মহারাস্ত্র অমসুং গোৱা

লাৱর মাহি, লাৱর নর্মদা, লাৱর তাপি অমসুং দমনগঙ্গাগী অকৎপা মফমশিংগী ঈশিংগী ইমাই ৱাংখৎলকপা য়ানা লৈরি। লাক্কদৌরিবা নুমিৎ ৪-৫নি অসিগী নোংগী ফোর্কাস্তকা মরী লৈননা নর্মদা, তাপি, দমনগঙ্গা তুরেলশিং অসিগী ইমাই লেপ্তনা ৱাংখৎলকপা য়ারি। ফোর্কাস্ত তৌখ্রবা নোংজুগী চাংগী মতুং ইন্না বলসাদ জিলাগী মধুবন দাম অসিদা ইনফ্লোশিং য়াম্না হেনগৎকনি। হৌজিক্কি ওইনা দামগী স্তোরেজ অসি ৬৭.০৯% ওইরি। চেকশিন্না য়েংশিনবা মথৌ তারি অমসুং করিগুম্বা মথৌ তারবদি থাদোক্কনি, য়ুনিয়ন তেরিতরী ওইরিবা দমন য়াওনা দাউনস্ত্রীমদা লৈরিবা জিলাশিং পুম্নমক্তা পাও পীরবা মতুংদা মসি চেকশিন্না তৌগদবনি।

মাহি তুরেলগী কদনা দাম, পনম তুরেলগী পনম দাম, নর্মদা তুরেলগী সর্দর সরোবর দাম, তাপি তুরেলগী উকাই দামগুম্বা লমদম অসিদা লৈরিবা অতোপ্পা দামশিং অসিদা ইনফ্লোশিং হেনগৎপা য়ানা লৈরি। মহারাস্ত্রগী জালগোন জিলাগী হাৎনুর দাম অসিদা ঙসি অহিং ফাওবদা ক্যুমেক ১৫০৫রোমগী ইনফ্লো লৈবা য়াই অমসুং হয়েং অয়ুক ফাওবদা উকাই দামগী ইনফ্লো অসি ক্যূমেক ৩৭০৩ রোম ওইবা য়ারি। মফমশিং অইদা অকনবা নোংগী ফোর্কাস্ত লৈবনা মরম ওইরগা দাউনস্ত্রীমদা লৈরিবা জিলা পুম্নমক্তা মাংজৌননা পাও পীরবা মতুংদা রুল কর্ফশিং অমসুং স্তেন্দর্দ ওপরেতিং প্রোসিদ্যুরশিং (এস.ও.পি.) ঙাক্তুনা খঙহৌদনা ৱাংখৎলক্লিবা ইনফ্লোশিং অসি ফজনা য়েংশিনবা তাই।

নোংজুগী চাং অসি নুমিৎ ১-২ অসিদা কনশিল্লকপা য়ানা লৈবনা তাপি অমসুং তাদ্রিগী মরক্তা লৈরিবা মহারাস্ত্র অমসুং গোৱাগী ৱেস্ত কোস্তকী নোংচুপ লোমদা চেল্লিবা তুরেলশিংগী ইমাইশিং ৱাংখৎলকপা য়ারি। মফমশিং অসি ঈশিং থুমজিনখিবা য়ানা লৈবনা মফমশিং অসিদা চেল্লিবা লম্বী অমসুং রেলগী থোংশিংদা মথৌ তাবা চেকশিল থৌরাংশিং লৌখৎকনি। খুদোংথিবা অমত্তা থোক্তনবা লম্বী অমসুং রেল ত্রাফিক চেকশিন্না শেন্নগনি।

রাজাস্থান অমসুং মধ্য প্রদেশ

লাক্কদৌরিবা নুমিৎ ৩-৪ অসিদা ইস্ত রাজাস্থান অমসুং ৱেস্ত মধ্য প্রদেশতা নোং কনা অমদি য়াম্না কন্না চুবগী ফোর্কাস্ত লৈবনা মরম ওইরগা চাম্বল, মাহি, সবরমতি, কালিসিন্ধ, বনস (নোংপোক অমসুং নোংচুপ্পা চেল্লিবা) অসিগুম্বা তুরেলশিংগী ঈশিংগী ইমাইশিং ৱাংখৎলবা য়াই। তুরেলশিং অসিগী অয়াম্বা দামশিং অসিদা স্তোএজ ৩৫তগী ৭০% ফাওবগী মরক্তা লৈবনা ফীভম অসিদা চেকশিন্না য়েংশিনবা মথৌ তাই। মথৌ তারবদি থাদোক্কনি অসুবু মসি তৌবদা মরী লৈনবা দাউনস্ত্রীম জিলাশিং অমসুং তুরেল মপানদা লৈবা রাজ্যশিংদা মাংজৌননা পাও পীগদবনি। পঞ্চনা দামদা ইনফ্লোশিং হেনগৎপা হৌখ্রে অমসুং পার্ৱন পোকঅপ ৱিয়রদা থ্রেশহোল্দ লিমিৎ য়ৌখ্রে। রাজাস্থানগী রিজার্বরশিং অসিদা ইনফ্লো ফোর্কাস্ত পীখ্রে।

হিমাচল প্রদেশ, পঞ্জাব, হরিয়ানা, উত্তরাখন্দ, উত্তর প্রদেশ

লাক্কদৌরিবা নুমিৎ ২দগী ৩ ফাওবা রাজ্যশিং অসিদা নোং কনা অমদি য়াম্না কন্না চুবগী ফোর্কাস্ত লৈবনা মরম ওইরগা সুৎলেজ, রবি,বীস, ঘাগর, য়মুনা, ভাগিরথি, অলাকনন্দা, গঙ্গা, রামগঙ্গা, সর্দা, সর্জু অমসুং ঘাঘ্রা অসিগুম্বা তুরেলশিংগী ঈশিংগী ইমাইশিং ৱাংখৎলবা য়াই। নোং ক্লাউদ বরস্তকা মরী লৈননা রাজ্যশিং অসিগী চিংগী জিলাশিংদা ফ্লাশ ফল্দ থোক্লবা য়ানা লৈরি। রাজ্যশিং অসিগী অৱাংবা চিংশাংদা চিংনীঙখাইবা য়াবনা মরম ওইরগা থোক্লকপা য়াবা চিংনীংখাইবশিং অমসুং তুরেল ফুনজিনখিবা য়াবা মফমশিংদা মথৌ তাবা চেকশিল থৌরাং লৌখৎকদবনি।

কর্নাতকা অমসুং তামিল নাদু

মমাংদা নোং কনা চুখিবদগী ইনফ্লোশিংগী লেপ্তবনা মরম ওইরগা কাভেরী খোঙনুংগী দামশিং অয়াম্বগী স্তোরেজ অসি ৯০-৯৭% য়ৌরে। মফম অসিদা নোং চুরবদি তুরেল খোঙনুংশিংগী ইচেল হেনগৎপদা মতেং পাংশিনগনি। রিজার্বর মপুং ফানা চল্লাইনবা কুপ্না য়েংশিনবা তাই অমসুং  দাউনস্ত্রীম জিলাশিং অমসুং তুরেল মপানদা লৈবা রাজ্যশিংদা মাংজৌননা পাও পীগদবনি। কাবিনি অমসুং কৃষ্ণ রাজা সগরদগী থাদোরকপা অসিনা তুরেলদা চেন্দুনা মেতুর দামগী ইনফ্লোশিং লাক্কদৌরিবা নুমিৎ৩-৪ অসিদা তপথরবা য়াই।

কৃষ্ণ খোঙনুংগী অয়াম্বা দামশিংগী স্তোরেজ অসি ৮৬%দগী ৯৭% ফাওবদা লৈরি। গাতপ্রভা তুরেলগী হিদকল দাম অসি মশাগী চাংগী ৯৭% থনখ্রে অমসুং লাক্কদৌরিবা নুমিৎ ২-৩ অসিদা মধ্য, মহারাস্ত্রদা অকনবা নোংগী ফোর্কাস্ত লৈবনা মরম ওইরগা ইনফ্লোশিং হেনগৎলকপা অসি য়েংশিনবা তাই। মধ্য মহারাস্ত্র, হিদকল অমসুং মলাপ্রভাদা অকনবা নোং চুবনা মরম ওইরগা ইনফ্লোশিং কনখৎলক্লি।

কৃষ্ণ তুরেলগী অপস্ত্রীমগী মফমশিংদগী তুরেলগী ইচেল কনবনা অলমত্তি দাম অমসুং নরায়ানপুর দামদা অকনবা ইনফ্লোশিং লাক্লি অমসুং দামশিং অসি ৯০%দগী ৯২% ফাওবা থন্দুনা লৈবনা দাম অনিমক্তগী অহেনবা ঈশিং থাদোক্লি। মধ্য মহারাস্ত্রাদা লাক্কদৌরিবা নুমিৎ ৪-৫ অসিদা অকনবা নোং চুগনি হায়না ফোর্কাস্ত পীরি। মসিনা মরম ওইরগা অলমত্তি দামগী অপস্ত্রীমগী অপর কৃষ্ণ খোঙনুংদা ঈশিংগী ইমাইশিং ৱাংখৎলকপা য়ানা লৈরি।

লাক্কদৌরিবা নুমিৎ ২-৩ অসিদা ইনফ্লোশিং হেনগৎলকপা বানা লৈবনা কুপ্না য়েংশিনবা মথৌ তারি। রুল কর্ফশিং অমসুং স্তেন্দর্দ ওপরেতিং প্রোসিদ্যুরশিংগী মতুং ইন্না রিজার্বরশিং অসিদগী ঈশিং থাদোক্কনি।

বিহার, ঝার্খন্দ অমসুং গঞ্জেতিক ৱেস্ত বেঙ্গল

বিহারদা অয়াম্বা তুরেলশিং খুদোংথিনীংঙাই অমসুং ঈশিং ইচাওগী থাক্কতগী হেন্না চেল্লি অদুবু হন্থরক্লি। ফীভম অসিদা নুমিৎ ৩-৫ ফাওবা লৈখিগনি।

******