খুঙ্গং চাউখৎ-থৌরাং মন্ত্রালয়
প্রধান মন্ত্রী গ্রাম সরক য়োজনাগী মখাদা, জম্মু অমসুং কাশমিরদা কি.মি. ১১,৫১৭ শাংবা লম্বী ১৮৫৮ অমসুং থোং ৮৪ শাবা লোয়শিনখ্রে
লদাখতা পি.এম.জি.এস.ৱাই.গী মখাদা কি.মি. ৬৯৯ শাংবা লম্বী ৯৬ অমসুং থোং ২ জুলাই ২০২০ ফাওবদা শাবা লোশিনখ্রে
Posted On:
17 AUG 2020 5:14PM by PIB Imphal
প্রধান মন্ত্রী গ্রাম সরক য়োজনা অসি ভারত সরকারগী অচৌবা প্রোগ্রাম অমনি মসিনা ২০০১গী মীকোক থিবদা য়ুম্ফম ওইরগা লম্বী থোং লৈতবা মফমশিং শম্বী থোং শেম্লি। জে অমসুং কে অমদি লদাক, য়ু.তি.শিং অসিদা লম্বী থোং লৈতবা মফম ২৫০গী মথক্তা প্রোগ্রাম অসিগী মখাদা অয়াবা পীখ্রে। জে অমসুং কেগী য়ু.তি. অসিদা কি.মি. ১৯,২৭৭ শাংবা লম্বী ৩,২৬১ অমসুং থোং ২৪৩গী সেঙ্কসন তৌখ্রে মসিগী মনুংদা কি.মি. ১১,৫১৭ শাংবা লম্বী ১৮৫৮ অমসুং থোং ৮৪ লোয়শিনখ্রে। মসিগা মান্ননা লদাখকাাক্তাান্ননা লদাং ৮৪ লোয়শিনবা ঙআনে; ী কি.মি. ১২০৭ শাংবা লম্বী ১৪২ অমসুং থোং ৩গী সেঙ্কসন তৌখ্রে মসিগী মনুংদা কি.মি. ৬৯৯ শাংবা লম্বী ৯৬ অমসুং থোং ২ জুলাই ২০২০ ফাওবদা শাবা লোশিনখ্রে। জম্মু অমসুং কশমিরগী য়ু.তি.গী লম্বী থোং লৈতবা শেম্নবা অয়াবা পীরবা মফম ২,১৪৯গী লম্বী শেম্নবগী থবক্কী সেঙ্কসন তৌখ্রে, মসিগী মনুংদা মফম ১,৮৫৮দা লম্বী থোং শেমখ্রে। লদাখগী য়ু.তি.গী লম্বী থোং লৈতবা শেম্নবা অয়াবা পীরবা মফম ৬৫গী লম্বী শেম্নবগী থবক্কী সেঙ্কসন তৌখ্রে, মসিগী মনুংদা মফম ৬৪দা জুলাই ২০২০ ফাওবদা লম্বী থোং শেমখ্রে।
ফোরেস্ত বিভাগক্তগী ক্লিয়রেন্স ফংখিদবনা মরম ওইরগা সেঙ্কসন তৌখ্রবা লম্বী শেম্বগী মশিং য়াম্লবা থবকশিং ওগস্ত ২০১৯দগী হৌবা ঙমদনা লাকখি। অদুম ওইনমক লৈঙাক্কী সিস্তেমদা লাকপা অহোংবশিংগা লোয়ননা অসিগুম্বা পন্দুনা লৈরুরবা কেসশিং অসিগী মশিং অয়াম্বগী ৱারোইশিন পুরকপা ঙমখি, অমসুং থবক ফংদুনা হৌখিবা চহি অমা অসিদা থবক হৌখ্রে। হৌখিবা চহি অমা অসিগী মনুংদা লুপা কোতি ৭১৪ হেন্না চংদুনা কি.মি.১,২৯২, শাংবা লম্বীগী মশিং ১৮১ অমসুং থোং ১১ শাবা লোয়খ্রে।
প্রধান মন্ত্রী গ্রাম সরক য়োজনা (পি.এম.জি.এস.ৱাই.)গী মখাদা লৌখৎপা লম্বী শেম্বগী অফবা খুদম ওইনা মখাদা কেস অনি পীরি।
তি.ও.৩দগী স্তোক ফাওবগী ফাওন্নবগী লম্বী শেমগৎপা (পি.এম.জি.এস.ৱাই. লেহ)
অশাংবা: কি.মি. ১১.৭০, সেঙ্কসন তৌখিবা শেল: লুপা লাখ ১২৯৯.৭৮
লেহ জিলাগী স্তোক খুঙ্গংগী শেমগদৌরিবা লম্বী অসি চোগ্লমসর হেমিস রোদদগী কি.মি ২শুবদগী হৌদুনা স্তোক খুঙ্গং ফাওনা অশাংবা কি.মি. ১১.৭০ ওইদুনা ২০০১গী মীকোক থিবগী মতুং ইন্না মীশিং ১৮৫৫দা কান্নবা ফংহল্লি। স্কিম অসি চহি ২০১৮-১৯ (ফেস XII)তা পি.এম.জি.এস.ৱাই.- Iগী মখাদা সেঙ্কসন তৌখিবনি। হান্না লৈরম্বা লম্বী অদু ফীভম শোক্লমখি অমসুং নোংচিং চুবদা চৎপা য়ারমখিদে। লম্বী অসি লেহ জিলা পুম্বদা অহানবা ওইনা প্লাস্তিক ৱেস শীজিন্নদুনা শেমখিবনি। তেক্নোলোজী অসিদা প্লাস্তিক ৱেস্তবু কুপ্না শেগাইরবা মওংদা শীজিন্নৈ মসি শাহল্লবা এগ্রিগেৎকী মথক্তা অশাবা মিক্স প্লান্তদা ইনশিল্লি। প্লাস্তিক অসি মহি লাংথোরক্তুনা এগ্রিগেৎশিংদা অশাবা বিতুমেন তৈশিনদ্রিঙৈদা শাহল্লবা এগ্রিগেৎশিংদা নপশিল্লি। তেক্নোলোজী অসিনা প্লাস্তিক ৱেস্ত হন্থহনগি অমসুং এগ্রিগেৎশিংনা ঈশিং চুপশিনবা হন্থহন্দুনা লম্বীগী পেফমেন্ত স্ত্রকচর অসিসু মপাঙ্গল কনহনগনি। প্রোজেক্ত অসি ২০১৯গী চহিদা হৌখি অমসুং কি.মি. ৭কী অশাংবা অসি বিতুমিনস সর্ফেস লেবেল ফাওবা লোয়শিনখ্রে অমসুং লেমহৌরিবা শরুক অসি হৌজিক থবক চত্থরি অমদি ওক্তোবর ২০২০ ফাওবদা লোয়শিল্লবা য়াই। লম্বী অসি শেমগৎপনা স্তোক্কী খুঙ্গংদা লৈরিবা খুঞ্জাশিংনা খ্বাইদগী নকপা কৈথেলশিংদা নোংচিংগী ফীভম ফত্তবসু চৎপা য়ারগনি মরম অসিনা খুঞ্জাশিংগী শেন্মীলোনগী ফীভমসু ফগৎহনবা ঙম্লগনি। কালেনগী মতমদা রোয়েল পেলেসকী ম্যুজিয়ম, স্তোক মোনাস্ত্রী য়েংনবা অমসুং মরু ওইবা লম কোয়বনা লাকফম ওইরিবা স্তোক কাংগ্রিগী ত্রেক তৌনবগী হৌফম ওইরিবা পোইন্ত অসিদা চৎনবা খুঙ্গং অসিদা মশিং য়াম্লবা লম কোয়বশিংনা চৎলি।
সপ্লাই মোর তি.ও.৩দগী কান্থগলী ফাওবগী লম্বী শেমগৎপা (পি.এম.জি.এস.ৱাই. জম্মু)
অশাংবা: কি.মি. ২৭.৭০, সেঙ্কসন তৌখিবা শেল: লুপা লাখ ২৩৮৯.৩২
লম্বী অসি উদমপুরগী সপ্লাই মোরদগী উদমপুর জিলাগী কান্থগলী খুঙ্গং ফাওবগী লম্বী অসি কি.মি. ২৭ শাংই মসিনা ২০০১গী মীকোক থিবগী মতুং ইন্না মীশিং ১৬০৮দা কান্নবা ফংহল্লি। প্রোজেক্ত অসি চহি ২০১৮-১৯ (ফেস XII)তা পি.এম.জি.এস.ৱাই.- Iগী মখাদা সেঙ্কসন তৌখিবনি। থবক অসি ওক্তোবর ২০১৮দা পীখিবনি। প্রোজেক্ত অসি ২০১৮-১৯দা হেন্না চাউথোকহনখি অদুবু তোঙান তোঙানবা অপনবশিং অমসুং ক্লিয়রেন্সশিংনা মরম ওইরগা থবক থিন্থহনখি। হৌজিক থবক অসি খোঙজেল য়াংনা শুরি অমসুং কি.মি. ১১গী অশাংবা বি.তি. স্তেতস ফাওবা লোয়শিনখ্রে অমসুং লেমহৌরিবা থবক্কী বি.তি. স্তেতস ফাওবা অসি মার্চ ২০২১ ফাওবদা লোয়শিল্লবা য়াই। লম্বী অসি ফগৎহনবা/শেমজিনবনা খুঙ্গং ৫ মমিং ওইনা পল্লবদা দাব্রেহ, ক্রিমাচি, মন্সর, পাথি, কান্থগলীগী প্রজাগী খ্বাইদগী নকপা কৈথেল অমসুং দিস্ত্রিক্ত হেদ-ক্বাতর উদমপুর চৎপগী লম্বী হেন্না ফগৎহল্লগনি।
অসিগুম্বা নোংচিং খায়দনা চৎপা য়াবা লম্বী অসি শাবনা, পনখ্রিবা খুঙ্গংশিংগী খুঞ্জাশিংগী সোসিও-ইকোনোমিক্কী ফীভমশিং শোইদনা ফগৎলগনি অমসুং খুঞ্জাশিংনা স্কুলশিং, হেল্থ সেন্তরশিং অমসুং কৈথেলশিংদা চৎপদা হেন্না খুদোংচারগনি। লম্বী অসিগী মনাক্তা লমকোয়বনা লাকপা মফম খরা লৈ অমসুং কালেনগী মতমদা লমকোয়বা কয়ানা লমকোয়বগী লমথুংফম ওইরিবা পঞ্চারি, স্তোক কানগরী, স্তোক মোনাস্ত্রীগুম্বা উমুং অমসুং চিংয়া তময়ানা কোয়শিল্লিবা অসি য়েংবা লাক্নরি অমসুং ইংথম থাগী মতমদা ঊনা কুপ্পা চীংশাং অমসুং পুক্নিং হুনা ফজরবা দ্রিশা অসিনা মহৌশাগী খ্বাইদগী ফজবা মশক অদু উৎলি। সপ্লাই মোরদগী কান্থগলী ফাওবগী লম্বী অসিনা চহি খুদিংগী লমকোয়বা লাখ কয়া লাক্নরিবা মমিং লৈরবা পিলগ্রিমেস সেন্তর অমগী নোংচিংগী মতমদসু চৎপা য়ারবা লম্বী অমা ওইহল্লি। লম্বীশিং শেমগৎপা অসিগা লোয়ননা লমকোয়বা লাকপগী মশিং অসি হেনগৎহন্দুনা খুঙ্গংগী/ অরাপ্পা মফমশিংগী খুঞ্জাশিংগী পুন্সি মহিং ফগৎহল্লগনি।
******
(Release ID: 1646629)
Visitor Counter : 155