দোনরগী রাজ্য মন্ত্রী (মনিংতম্বা), পি.এম.ও, পর্সোনেল, পব্লিক গ্রিভান্সেস,পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা ঙসি লাউথোকখ্র মদুদি য়ু.তি অসিগী জিলা ২০দা গ্রিভান্সেস পোর্তেল অমমম লিংখৎনবা সেন্তরনা জে অমসুং কে সরকার মতেং পাংগনি।

জে অমসুং কেদা হৌজিক লৈরিবা অফবা লৈঙাক অসি হেন্না মপাঙ্গল কনখৎহন্নবা খোঙথাং অমা ওইনা, য়ুনিয়ন তেরিতোরি অসিদা ওনলাইন পব্লিক গ্রিভান্সেস রিদ্রেসেল পোর্তেলশিং মখা তানা পাংথোক চাউথোক্নবা তুংগী থৌরাংগী মতাংদা দোক্তর জিতেন্দ্র সিংহগা জে অমসুং কেগী লেপ্তনেন্ত গভর্নরগা তেলিফোন্দা ৱারী শানখি।

ৱারী শানরবা মতুংদা, দোক্তর জিতেন্দ্রনা খুদক্তা  সেক্রেতরি এ.আর.পি.জি দোক্তর সত্রপতি সিবাজি অমসুং এদিসনেল সেক্রেতরি ভি শ্রীনিবাস য়াওনা পব্লিক গ্রিভান্সেসকী ওফিসারশিংগা মীফম অমা পাংথোকখি।মীয়ামগী অৱাবশিং কোকহন্নবা অমসুং মখোয়গী থোংজিলদা খুদোংচাবশিং ফংহন্নবা জে অমসুং কেগী জিলা খুদিংমক্তা পোর্তেল অমমম লিংখৎনবা থৌরাং অমা শেম্বা লোইরে।  

মসিগী থবক অসি পায়খৎনবা, অৱাবা কোকহনবগী থবকশিং ফগৎহন্নবা অমসুং মতম চঙবা হন্থহন্নবা অরাপ্পদা লৈবা গ্রিভান্সেস ওফিসারশিং মশক খঙদোক্তুনা অৱাজ ই-অৱাম অমুক হিঙ্গৎহন্নবা ভারত সরকারগী এদমিনিস্ত্রেতিপ রিফোর্মস এন্দ পব্লিক গ্রিভান্সেস(এ.আর.পি.জি)দিপার্তমেন্তনা জে অমসুং কে সরকারগা মখা তানা মতেং পাংনবা হেনগৎহন্নবা ৱারেপ লৌরে। য়ুনিয়ন মিনিস্তরনা হায়খি মদুদি লাক্লিবা নুমিৎ খরনি অসিদা জে অমসুং কে সরকারগা থবক তৌমিন্নবা দিপার্তমেন্ত অসিগী ওফিসিএলশিংগী কাংবু অমা শেম্লগনি।

প্রধান মন্ত্রী নরেন্দ্র মোদীগী পান্দম মতুংইন্না জে অমসুং কেদা অরোন-অথুপ লৈতবা, মরম চাবা অমসুং মীয়ামগা লোইনবা নুংঙাইবা লৈঙাক অমা লৈহন্নবা কেন্দ্র সরকারনা পায়খৎলকপা থবকশিংগী মখা তারকপা অসি থৌরাং অসি পায়খৎপনি।

জে অমসুং য়ুনিয়ন তেরিতোরি অমা ওইরবা মতুংদা, অফবা লৈঙাক্কী মতাংদা ভারত সরকারগী এদমিনিস্ত্রেতিপ রিফোর্মস এন্দ পব্লিক গ্রিভান্সেস দিপার্তমেন্তনা শীন্দুনা মরুওইবা কনফরেন্স অনি পাংথোকখ্রে। মখোয়গী মনুংদা ২০১৯গী নবেম্বর ১৫-১৬দা পাংথোকখিবা জে অমসুং কে অমসুং লাদাখতা অফবা লৈঙাক্কী থবকশিংগী রিজনেল কনফরেন্স অমসুং ২০১৯গী নবেম্বর ৩০দগী দিশেম্বর ১ ফাওবা পাংথোকখিবা জল শক্তি অমসুং দিজাস্তর মেনেজমেন্তদা য়ুম্ফম ওইবা এক ভারত-শ্রেস্থা ভারতকী কনফরেন্স য়াওরি।

দিপার্তমেন্তনা শীন্দুনা পাংথোকখিবা কনফরেন্স অনি অদু জে অমসুং কে অমসুং লাদাখ য়ুনিয়ন তেরিতোরিশিং শেম্লবা মতুংদা ভারত সরকারনা অহানবা ওইনা পাংথোকপা মরুওইবা থৌরমশিংনি অমসুং য়ু.তিশিং অসিদা অফবা লৈঙাক পুরক্নবা লম্বী অমা শেমখি।

<><><><><>