নহারোল অমসুং শান্ন-খোৎনবগী মন্ত্রালয়

মীওই খুদিংমক হকচাং ফহন্নবা লৈবাক শীনবা থুংনা পায়খৎপা ফিত ইন্দিয়া য়ুথ ক্লবশিং য়ুথ এফেয়ার্স অমসুং স্পোর্তসকী য়ুনিয়ন মিনিস্তর কিরেন রিজিজুনা হৌদোকখ্রে

Posted On: 15 AUG 2020 4:17PM by PIB Imphal

ঙসি লৈবাক অসিগী ৭৩সুবা নিংতম্বা নুমিৎ থৌরমদা লৈবাক শীনবা থুংনা পায়খৎপা ফিত ইন্দিয়া য়ুথ ক্লবশিং য়ুথ এফেয়ার্স অমসুং স্পোর্তসকী য়ুনিয়ন মিনিস্তর কিরেন রিজিজুনা হৌদোকখ্রে। প্রধান মন্ত্রীনা হৌদোকপা ফিত ইন্দিয়া মুভমেন্তগী শরুক অমা ওইরিবা ফিত ইন্দিয়া য়ুথ ক্লব অসিনা হকচাং ফনা লৈনবগী মতাংদা লৈবাক শীনবা থুংনা মীয়াম পাকশন্না খঙহন্নবা নহারোলশিংগী থৌনা শীজিন্নগনি।

ফিত ইন্দিয়া য়ুথ ক্লব অসিনা দিস্ত্রিক য়ুনিত অমগী মখাদা লৈবাক অসিগী ব্লোগ খুদিংমক্তা ফিত ইন্দিয়া য়ুথ ক্লব অমা রেজিস্তার তৌনবা নেহরু য়ুব কেন্দ্র সঙ্গথান অমসুং নেসনেল সর্বিস স্কিমনা স্কাউদস অমসুং গাইদস, এন.সি.সি অমসুং অতোপ্পা নহারোলশিংগী লুপশিংগী ভোলুন্তিয়ার লাখ ৭৫ হেন্না পুনশিনগনি অমসুং ক্লবকী মেম্বর অমনা লৈকায় অমগী মীয়াম নোংমগী মনুংদা য়ামদ্রবদা মিনিত ৩০দগী মিনিত ৬০ ফাওবা শাজেল তৌনবা পুক্নিং থৌগৎকনি। মসিগী মথক্তা, থা অহুম খুদিংগী লৈকায়গী ওইবা হকচাং ফনা লৈনবা থৌরম অমা পাংথোক্নবা ক্লবশিংনা স্কুলশিং অমসুং লৈকাই অদুগী লুপশিংদা পুক্নিং থৌগৎকনি।

থবক অসিগী মতাংদা য়ুনিয়ন মিনিস্তরনা হায়খি, মশা ফবা নাগরিক খক্তনা মহাক্কী লৈবাক্কী থবক তৌবা ঙমগনি অমসুং দরকার ওইরকপা মতমদা মরুপ-মপাংশিংগী মতেং পাংবা ঙমগনি। হৌজিক ভারতকী অপুনবা মীশিং বিল্লিয়ন ১.৩নি অমসুং ঐখোয়না নহারোল ভোলুন্তিয়র লাখ ৭৫ হান্নদগী লৈরে অমসুং অথুবদা করোর ১ অমা য়ৌরগনি। চাংনাইনা শাজেল তৌনবা ভোলুন্তিয়ার করোর ১না য়ামদ্রবদা ভারতকী মফম কয়াদা লৈরিবা মীওই করোর ৩০ পুক্নিং থৌগৎকনি হায়না ঐনা থাজবা থম্লি। মতমগী মতুংইন্না, ভোলুন্তিয়রশিং অমসুং ফিত ইন্দিয়া মুভমেন্ত শরুক য়ানবা পুক্নিং থৌগৎলবা মীওইশিং মশিং হেনগৎলক্কনি অমসুং অথুবদা ঐখোয়না ভারতমচা খুদিংমক পাউ ফাওনবা ঙমগনি।

ফিত ইন্দিয়া য়ুথ ক্লবশিংনা অহানবা ওইনা পায়খৎকদবা থবকশিংগী মনুংদা অমদি ওগস্ত ১৫দগী হৌরগা ওক্তোবর ২ ফাওবা পাংথোক্কদৌরিবা ফিত ইন্দিয়া ফ্রিদম রন মীয়াম শরুক য়াহনবনি অমসুং থৌরম অসিদা শরুক য়ারিবশিংনা মখোয়না ঙমজবা চাংদা চেনবা য়াই অমসুং মখোয়না অপাম্বা লম্বীশিংদা চেনবা য়াই। শক্নাইরবা শান্নরোইশিং, কোরপোরেত লুচিংবশিং, য়ুনিফোর্মগী মীওইশিং, স্কুলগী মহৈরোয়শিংনা সোসিএল মেদিয়াদা থাগৎলে অমসুং মখোয়গী নিংতম্বা নুমিৎকী লমজেলশিংগী ফোতোশিং অমসুং ভিদিওশিং #Run4India অমসুং #NewIndiaFitIndia গা লোয়ন্না থাগৎলে।

ওগস্ত ২৯দা ফিত ইন্দিয়া মুভমেন্ত চহি অমা মপুংফারগনি। মমাং চহিদা পাংথোকখিবা থৌরম কয়াগুম, ফিত ইন্দিয়া ফ্রিদম রন লৈবাক অসিগী মীওই কাংলুপ কয়ানা পাম্নরে। সি.আই.এস.এফ, আই.তি.বি.পি, বি.এস.এফ, সি.বি.এস.ই স্কুলশিং, সি.আই.সি.এস. ই স্কুলশিং , এন.এস.এস অমসুং এন.ৱাই.কে ভোলুন্তিয়ারশিং লমজেল অসি ফজনা শরুক য়ারে।

*******



(Release ID: 1646129) Visitor Counter : 47