হায়দ্রবাদতা লৈবা পুল্লেলা গোপিচান্দ বেতমিন্তন একাদেমিদা নেসনেল বেতমিন্তন কেম্প শরুক য়াবা লাকখিবা সত্তলর এন সিক্কি রেদ্দী অমসুং ফিজিওথেরাপিস্ত কিরন সি তেস্ত তৌবদা কোবিদ পোজিতিপ ওইরে।সাইনা তঙাইফদনা কোবিদ তেস্ত তৌনবা হায়বদগী কেম্প অদু শরুক য়াবা লাকপা শান্নরোইশিং, কোচশিং অমসুং স্তাফশিং তেস্ত তৌবদা মসি খঙলকপনি।

সিক্কি অমসুং কিরন অনিমক লাইওং উৎতে। মখোয় অনিমক হায়দ্রবাদকী মীওইশিংনি অমসুং মখোয়গী ময়ুমশিংদগী কেম্প য়াওদুনা লাকপনি। চৈরক অসিদা, শেংদোক্নবগীদমক একাদেমী অসি মতম খর থিংলগনি। সিক্কি অমসুং কিরনগা নক্নরম্বশিং খোঙ্গুল লিরে অমসুং আর.তি পি.সি.আর তেস্ত অমুক হন্না পাংথোক্লে।

হায়দ্রবাদতা চীফ নেসনেল বেতমিন্তন কোচ পুল্লেলা গোপিচান্দনা হায়খি, সাইনা তঙাইফদনা কোবিদ তেস্ত তৌনবা হায়বদগী বেতমিন্তন নেসনেল কেম্প অদুদা শান্নরোয়শিং, কোচশিং অমসুং স্তাফশিং তেস্ত তৌবদা কেম্প শরুক য়ারিবা অনি কোবিদ-১৯ পোজিতিপ ওইরম্বনি। চৎন-পথাপশিংগী মতুংইন্না দরকার ওইবা চেকশিন-থৌরাংশিং পায়খৎলে। মরম অদুনা অশোই-অঙাম য়াওদনা ত্রেনিং পাংথোক্নবা শান্নরোইশিং অথুবদা হল্লক্লগনি।

******