নীতি আয়োগকী সি.ই.ও. শ্রী অমিতাভ কান্ত অমসুং নীতি আয়োগকী মেম্বর শ্রী রমেশ চান্দনা ত্রাইবেল এফিয়ার্স মন্ত্রালয় (এম.ও.তি.এ.)না শাবা “ত্রাইবেলশিংবু খুমাং চাউশিলহনবা, ভারতপু শেমদোকপা”গী ওনলাইন পর্ফোর্মেন্স দাশবোর্দ  অসি ওগস্ত ১০, ২০২০দা  লোঞ্চ তৌখ্রে। হায়রিবা অসি এম.ও.তি.এ.গী সি.এস.এস./সি.এস. স্কিমগী থবক থৌরমশিং কয়া নীতি আয়োগনা য়েংশিনবগী মীফমদা লৈবাক চাউখৎপগী হীরমগা মরী লৈনবা, তুং কোইনা চাউখৎপগী পান্দম ফংনবা (এস.দি.জি.), অনৌবা ভারতকী থৌরাং, অমসুং অতোপ্পা পোলিসী কয়া পায়খৎপগা মরী লৈননা লোঞ্চ তৌখিবনি। এস.দি.জি. অসি “ঐখোয়গী মালেম্বু শেমদোকপাঃ ২০৩০ ফাওবগী মনুংদা সস্তেনেবল দিবেলপমেন্ত ফংবা”গী শরুক অমা ওইনা সেপ্তেম্বর ২০১৫দগী শিজিন্নবা হৌবদা য়ানখ্রবনি। নীতি আয়োগ অসি কেন্দ্র সরকারগী থাক্তা লৈহন্দুনা লৈবাক অসিগী এস.দি.জি. ১৭কী থবক থৌরমশিং য়েংশিনবগী থৌদাং শিন্নখ্রবনি। মীফম অসিদা শ্রী দীপক খান্দেকেরমাদেনা লুচিংবা এম.ও.তি.এ.গী ওফিসারশিংনা মসিনা চহি অমগী মনুংদা পায়খৎখিবা ই.-ইনিসিএতিব কয়াগী প্রজেন্তেসন পীখি।

শ্রী অমিতাভ কান্তনা মন্ত্রালয় অসিবু মসিগী স্কিম কয়া দিজিতাইজ তৌবগী অমসুং “ত্রাইবেলশিংবু খুমাং চাউশিলহনবা, ভারতপু শেমদোকপা”গী ওনলাইন পর্ফোর্মেন্স দেসবোর্দপু মসিগা পুন্সিনবগীদমক্তা থাগৎপা ফোঙদোকখি। নীতি আয়োগকী মেম্বর শ্রী রমেশ চান্দনা মন্ত্রালয় অসিনা নীতি আয়োগনা শাবা আউৎপুৎ-আউৎকমগী পান্দম ফংবগীদমক্তসু থাগৎখি।

পর্ফোর্মেন্স দাশবোর্দ অসি হায়রিবা এস.দি.জি.শিং অসি ফংনবা মন্ত্রালয় অসিনা লৌখৎপা স্কিম/থবক ১১গী রীএল তাইম অপদেৎ তৌবা অমসুং অতোপ্পা ৱারোল তাকপা শিজিন্নবা নুংঙাইবা অমসুং অহোঙবা নাইবা ওনলাইনগী প্লেৎফোর্ম অমনি। দেশবোর্দ অসিনা  শোত্থরবা এস.তি. বেনিফিশরী চাউরাক্না লাখ ৩০দা চহি খুদিংগী ওইনা চাউরাক্না লুপা কোতি ২৫০০গী কান্নবা পীবা মন্ত্রালয় অসিগী স্কোলার্শিপ স্কিম ৫গী থবক তৌবগী ৱারোলশিং খোমজিল্লি। দি.বি.তি. মিসনগী ঙাক্লৌ মখাদা মন্ত্রালয় অসিনা “ত্রাইবেলশিংবু আই.তি.না তেংবাংবা স্কোলার্শিপ স্কিমগী খুত্থাংদা মপাঙ্গল হাপ্পা”গী ৬৬শুবা এস.কে.ও.সি.ঐচ.কী মনাসু পীখ্রে হায়না নীতি আয়োগতা পাউদমখি। নীতি আয়োগকী কাঙলোনগী মতুং ইন্না খুন্নাইবু মনুং চলহনবদা মিৎয়েং চংবা কেন্দ্রনা তেংবাংবা স্কিম কয়াবু লৈবাক্কী থাক্তা য়েংশিনবগী থবক পাঙথোকপা মতমদা কে.পি.এম.জি.না ত্রাইবেল এফিয়ার্স মন্ত্রালয়গী দাইরেক্ত বেনেফিৎ ত্রান্সফর (দি.বি.তি.) পোর্তেল অসি সেদ্যুল ত্রাইব মহৈরোয়শিংদা ময়েক লাবা, থাজবা য়াবা অমসুং অফবা মওংদা চাউখৎপা পুরকপদা তেংবাংবা খ্বাইদগী ফবা ই.-গবর্নেন্সকী থৌওংনি হায়না শকখংখি। দাইনামিক দেশবোর্দ অসিনা ত্রাইবেল মহৈরোয় অমগী রাজ্য অমদগী অতোপ্পা রাজ্যশিংদা অমসুং অতোপ্পা লৈবাকশিংদা পাঙথোকপা থৌদাং কয়াগী ৱারোল খোমজিল্লি।

দেশবোর্দ অসিনা এক্লাব্যা মোদেল রেসিদেন্সিএল স্কুলশিং (ই.এম.আর.এস.)গী স্কিমগী মখাদা থবক তৌরিবা স্কুলশিং, শাবা লোয়দ্রিবা স্কুলশিং অমসুং তোঙানবা ই.এম.আর.এস. স্কুলশিংদা তম্লিবা জিলা জিলাগী ওইবা মহৈরোয়শিংগী ৱারোলশিংসু উৎলি। মহৈ তম্বীবা অমসুং হকশেলগী হীরমদা থবক তৌরিবা তোঙান তোঙানবা এন.জি.ও.শিংদসু মন্ত্রালয়না শেল থাদরি। দেশবোর্দ অসিনা জিলাশিংদা লৈবা এন.জি.ও.শিংগী ৱারোলশিং, এন.জি.ও. অমসুং বেনিফিশরীশিংদা শেল থাদখিবগী ৱারোলশিং লৌশিল্লি। স্কিম অমসুং খোঙথাং খুদিংগী জিলাগী থাক্তা লৈবা ৱারোলশিং অসিসু মসিনা খোমজিল্লি। পোস্ত মেত্রিক অমসুং প্রী-মেত্রিক্কী স্কোলার্শিপকুম্বা কেন্দ্রনা চলায়বা স্কিমশিংগী ওইবা দেতাশিং অসিনা রাজ্যশিংনা পীরকই। ত্রাইবেল এফিয়ার্স মন্ত্রালয়না সেদ্যুল ত্রাইবশিংগী য়াইফ য়ুম্বাল অমসুং চাউখৎপা পুরক্নবা মন্ত্রালয় ৪১না মখোয়গী বজেত্তগী অকক্নবা চাদা শেল কায়থরিবা এস.তি.সি. (সেদ্যুল ত্রাব কম্পোনেন্ত) অসিসু য়েংশিল্লি। ইং ২০১৯-২০দা মন্ত্রালয় ৪১না স্কিম ২৭৫ হেনবদা লুপা কোতি ৫১,০০০ কায়থখি। মন্ত্রালয়শিং অসিগী তোঙানবা পেরামীতরশিংদা থবক তৌবগী ৱারোলশিংসু দেশবোর্দ অসিদা য়েংবা য়াগনি। মান্ত্রলয় কয়াগী ই.-ইনিসিএতিব স্কিমশিংগী তোঙান তোঙানবা লিঙ্কশিংসু দেশবোর্দ অসিদা উবা ফংগনি। দেশবোর্দ অসি দিজিতেল ইন্দিয়া ইনিসিএতিবকী শরুক অমা ওইদুনা সেদ্যুল ত্রাইবশিংবু মপাঙ্গল হাপ্নবা থবক থবক কয়া তৌরি অমসুং মসিনা নীংথিনা থবক তৌবা অমসুং ময়েক লাবা পথাপ অমা পুরকপা ঙমগনি। মন্ত্রালয় অসিনা গোইং ওনলাইন এস লীদর (জি.ও.এ.এল.)গী মখাদা ফেসবুক্কা লোয়ননা পাঙথোকমিন্নবা খোঙথাং অমসুং সিক্কল সেল সপ্পোর্ত কোর্নরগী ৱারোলসু উবা ফংগনি। দেশবোর্দ অসি সেন্তর ওফ এক্সসেলেন্স ওফ দেতা এনালাইতিক্স (সেদা) ওরগনাইজেসন্না নেস্নেল ইনফোর্মেতিক্স সেন্তর (এন.আই.সি.)গী মখাদা শেম-শাদুনা দোমেন নেম (http://dashboard.tribal.gov.in) অসিদা চলায়বনি।

*****