জন্মাস্তমীগী মাংওইন্না উপ-রাস্ত্রপতি এম.ভেনকিয়া নাইদুনা পাউজেল অমদা মীয়াম তরাম্না ওকখ্রে:

মখাগী অসি পাউজেলগী মপুংফাবা ৱারোলনি:

শেংলবা জন্মাস্তমী থৌরমদা ঐখোয়গী লৈবাক্কী মীয়ামদা ঐনা ঐগী য়াইফ-পাউজে পীজরি।

ভাগবান বিষ্ণুগী নিপালসুবা শাইওন ওইনা লাৎলিবা ভাগবান কৃষ্ণ পোকপা নুমিৎ অসিদা জন্মাস্তমী পাংথোক্লি। অঙাং কৃষ্ণনা মখোন হুরানবা, মহাক্কী মরুপশিংগা শান্নবা অমসুং খুঞ্জাশিং লক্নবা অমসুং অকনবা নোংদগী গোকুলা কনখিবা মহাক্কী থৌনা ফবা থবকশিং অমসুং অচৌবা লিন কালিয়া হাৎখিবগী থৌদোকশিং অদু নিংশিংবা থোক্ত্রিঙৈ মতমদগী ঐখোয়গী ৱাখলগা লোয়নদুনা লাক্লি। ফংগদবা ফলগী খন্দনা পুকচেল শেংনা ঐখোয়গী থৌদাংশিং পাংথোক্নবা ভাগবান কৃষ্ণনা ‘ভগবাদ গীতা’দা শন্দোক্না তাকখিবা পাউজেল অদু মীওইবা খুন্নাইগী ইথিল অমা ওইরি।

চহি অসিদা ভারত অমসুং মালেম্না কোবিদ-১৯ লাইচৎকী মায়োক্তা অকনবা লানফম অমা থেংনবদগী, ঐখোয়গী চৎনবীগী কুম্মৈশিং ঐখোয় নমদুনা য়ুমদা পাংথোকহল্লে। মহৌশাদা লৈবাক শীনবা থুংনা হরাও-তয়াম্না পাংথোকপা জন্মাস্তমী চহি অসিগী ওইনা য়াম্না চম্না, মাক্স উপতুনা, মীয়াম থাপ্না লৈদুনা অমসুং লু-নান্না পাংথোক্লগনি।

মসিগী শেংলবা নুমিৎ অসিদা, ঐখোয়গী থৌদাংশিং পাংথোক্নবা অমসুং অচুম্বা লম্বীদা চৎনবা ঐখোয় পুম্নমক ৱাশক লৌরসি। মসিগী কুম্মৈ অসিনা ঐখোয়গী লৈবাক্তা শান্তি, নুংশিনবা, পুন্না হিংমিন্নবা অমসুং নুংঙাই-য়াইফবা পুরকপা ওইরসনু।

************