দিপার্তমেন্ত ওফ সাইন্স অমসুং তেক্নোলোজিগী সেক্রেতরী, প্রোফেসর অশুতোশ শর্ম্মানা মরুওইবা উৎতুনা হায় মদুদি

 তুংগী ওইরক্কদবা কয়াদা দিজিতেল তেক্নোলোজিদী অওনবা অমা লাক্লগনি অমসুং কোভিদ ১৯ ভাইরসনা হেন্নদুম লৈবাক অসিদা খুদোংচাবা কয়া ফংহন্দুনা ফাজিন্দুনা লৈবগী মহুৎতা অওনবা কয়া পুরক্লি। প্রোফেসর শর্ম্মানা কোভিদ-১৯গী মনুংদা দিজিতেল ত্রন্সফোর্মেসন হায়বা ৱেবিনার অমদা ৱা ঙাংখি।

 “দিজিতেল তেক্নোলোজিশিং অমসুং মেচিন শিজিন্নবা অসিনা লৈবাক অনৌবা থাক অমদা য়ৌবা ঙম্লগনি অমসুং ঐখোয়গী প্রধান মন্ত্রীগী মংলান ‘আত্মানির্ভর ভারত’ থুংহনবা ঙম্লগনি,” প্রোফেসর শর্ম্মানা তাকখি। মহাক্না মখা তারদুনা হায় মদুদি দেতা হায়বসি অনৌবা মন্ত্রনি, অমসুং ঐখোয়না স্তেন্দিং কনফরেন্স ওফ পব্লিক ইন্তরপ্রাইসেস (এস.সি.ও.পি.ই.)না শীল্লিবা দেতা শিজিন্নবদা মরুওইনা লৌদুনা ৱেবিনার অসি চাওখৎহনগদবনি।

প্রোফেসর শর্ম্মানা শন্দোক্না তাক্লদুনা হায়খি মদুদি কোভিদ ১৯গী মমাংদা ঐখোয়গী তুংগী ওইগদবাশিং অসি য়াম্না য়াংনা চৎলম্বনি অদুবু ভাইরস অসিনা পুম্নমক তাইওন্নখ্রে।  মফম খুদিংদা অয়েৎপা ওইদুনা পুন্সি অসি খল্লম্বদগী ৱাংমদা লৈখ্রে। মসিগী চৈথেং অসি মায়কৈ খুদিংদা পীরি – মদুদি থবক শুবা মী, সপ্লাই চেন নত্রগা অতৈ কাংলুপশিং। অদুম ওইনমক হেন্না অয়েৎপা পীরবা অমদি অৱাবা মায়োক্নরিবমখৈ হেন্না চাওনা ফংবা ওই অমসুং মতাং অসিদা ঐখোয় কদায়দা লৈরি অমদি ঐখোয়না কদায় য়ৌনা চৎকদগে হায়বদু খনবা মতমনি।  

মহাক্না ময়েক শেংনা হায়খি মদুদি খুদোংচাবা কয়া অমা দিজিতেল অমসুং সাইবর দিজিতেলগী লমদা থোরক্লি। “ঐখোয়গী লৈরিবা নহাগী শক্তিশিং অসি য়েংলগা, থৌবুশিংনা য়াম্না চাওবা মিয়েং থম্দুনা ব্যুজিনেশ তৌবা অমসুং মীওই কয়া অমা থবক পীবগী খুদোংচাবা কয়া অমা লৈরি” হায়না প্রোফেসর আশুতোশ শর্ম্মানা মখা তাখি।

লায়চৎ অসিনা ব্যুজিনেসকী মফম কয়াদা, তেক্নোলোজি অমসুং দিজিতেলাইজেসনশিংদা অয়েৎপা পীরি। কম্পনিশিংনা মফম কয়াদা দিজিতেল তেক্নোলোজি পোৎ থাদবা হেনগৎলক্লি মসিনা ব্যুজিনেসকী তঙাইফদবশিং ফংহল্লী। (এস.সি.ও.পি.ই.)না ৱেবিনার শিন্দুনা ৱা খন্নখি মদুদি মফম কয়াদা অনৌবা ব্যুজিনেস হাংদোক্তুনা দিজিতেলবু পুখৎনবা হোৎনরি।  

ৱেবিনার অসিদা কোভিদ মনুংদা দিজিতেল ইকোনোমি, মফম খরদা দিজিতেলদা অয়েৎপা অমসুং শাফু পীবা, কোভিদ ১৯গী থীমদা দিজিতেল হৌগৎলকপা হায়বা হিরম য়াওরি।

ৱাঙাংলোইশিং অদুদি এস.এম. ভাইদ্যা, চেয়রমেন, আই.ও.সি. রাকেশ কুমার, সি.এম.দি., এন.এল.সি. এন্দ চেয়রমেন, (এস.সি.ও.পি.ই.), সুশান্ত রাব্রা, পার্তনর, কে.পি.এম.জি. ইন্দিয়া অমসুং মানস মজুমদার,পার্তনর, কে.পি.এম.জি. ইন্দিয়া য়াওরি।

*****