কেন্দ্রগী ফাইনান্স অমসুং কোরপোরেত এফিয়র্সকী মন্ত্রী, শ্রীমতি নির্মলা সিতারামন্না ঙসি ভীদিও কনফরেন্সিংগী খুত্থাংদা নেস্নেল ইনফ্রাস্ত্রকচর পাইপলাইন (এন.আই.পি.) ওনলাইন দাশবোর্দ অসি হৌদোকখি।

ওনলাইন দাশবোর্দ অসি নই দীল্লিদা ইনফ্রাস্ত্রকচর প্রোজেক্তশিংগী মতাংদা ইনফোর্মেশনগীদমক্তা থিরিবা স্তেকহোল্দরশিংগীদমক্তা ৱান স্তোপ সোল্যুশন্নি হায়না খন্নরি। দাশবোর্দ অসি ইন্দিয়া ইনভেস্তমেন্ত গ্রিদ (আই.আই.জি.) (www.indiainvestmentgrid.gov.in) তা হোস্ত তৌখি। আই.আই.জি. অসি লৈবাক অসিদা অপদেত তৌরবা অমসুং রিয়ল তাইম ইনভেস্তমেন্তকী খুদোংচাবা কয়া উৎলিবা অদুগুমলবা ইনতরেক্তিব অমসুং দাইনামিক ওইবা ওনলাইন প্লেতফোর্ম অমনি। 

হৌদোকপগী থৌরম অসি ইনফ্রাস্ত্রকচরদা অৱাংবা থাক্কী তাস্ক ফোর্সকী মেম্বরশিং অমসুং মন্ত্রালয় কয়া অমগী অমসুং সরকারগী দিপার্তমেন্তশিংগী সেক্রেতরীশিংনা শরুক য়াখি।

থৌরম অদুদা ৱাং ঙাংলদুনা, শ্রীমতি সিতারামন্না হায়খি, “এন.আই.পি. অসিনা আত্মা নির্ভর ভারতকী ঐখোয়না উরিবা মঙলান অদুবু হেন্না কনখৎহনগনি। আই.আই.জি.দা এন.আই.পি. প্রোজেক্তশিং লৈবনা অপদেত তৌরবা প্রোজেক্তশিং অদুবু কোম্না য়েংবা য়াহনগনি অমসুং পি.পি.পি. প্রোজেক্তশিংগীদমক্তা ইনভেস্তরশিংগী পুক্নীং চিংশিনগনি। মসি এন.আই.পি. চৎনহনবগী মাইকৈদা চাউরবা খোংথাং অমনি, মসিনা লৈবাক অসিদা ইনফ্রস্ত্রকচর চাউখৎহনবদা ইনোত হাপ্পী”।

ইনন্দিয়া ইনভেস্তমেন্ত গ্রিদ (আই.আই.জি.) (www.indiainvestmentgrid.gov.in), অসি মালেমগী ইনভেস্তর কম্যুনিতীদা বাত্তা লৈরিবা ইনভেস্তমেন্ত তৌবগী খুদোংচাবশিং অদুগী খ্বাইদগি হেন্না ফবা অদু উৎথোক্নবা ইন্তরেক্তিব অমসুং দাইনামিক ওইবা ওনলাইন প্লেতফোর্ম অমনি।ইনভেস্ত ইন্দিয়ানা দিবেলপ তৌবা অমসুং য়েংশিনবা, নেস্নেল ইনভেস্তমেন্ত প্রোমোশন এন্দ ফেসিলিতেশন এজেন্সী, আই.আই.জি. অসিনা ভারত্তা ইনভেস্তমেন্তশিং তৌনবা গেতৱে ওইনা মথৌ তৌরি, অমসুং মসিবু মালেম শিনবা থুংনা ভারতকী মিশনশিং অমসুং এম্বেসীশিংনা পাক-শন্না শিজিন্নরি। আই.আই.জি.না ইনভেস্তরশিংদা অয়াবা পীরিবশিং অদুদি:

• • সেক্তরশিংদা ইনভেস্তমেন্ত তৌবগী খুদোংচাবশিংগীদমক্তা পান-ইন্দিয়া দেতাবেস অমা থিবা
  • অপাম্বা প্রোজেক্তশিংগী প্রোগ্রেস ত্রেক তৌবা অমসুং অপাম্বা অদু উৎপা
  • প্রিজেক্ত প্রোমোতরশিংগা হকথেংননা পাউ ফাওনবা।

২০১৯-২০গী বদজেত স্পীচতা, ফাইনান্সকী মন্ত্রী, শ্রীমতি সিতারামন্না লাক্কদবা চই ৫ অসিদা ইনফ্রস্ত্রকচর প্রোজেক্তশিংগীদমক্তা শিজিন্ননবা লুপা কোতি লাখ ১০০গী শেনফম অমা লাউথোকখ্রে। বদজেত অসি ইকাইখুম্নরবা প্রধান মন্ত্রী, শ্রী নরেন্দ্র মোদিনা ইন্দিপেন্দেন্স দেদা  ৱা ঙাংখিবা অদুগী মতুংদা লাউথোকখিবনি, মআক্না “মোদর্ন ইনফ্রস্ত্রকচর চাউখৎহন্নবগীদমক্তা লুপা কোতি লাখ ১০০গী শেনফম অমা মসিগী মতম অসিগীগীদমক্তা খায়দোক্তুনা থম্লবনি, মসিনা মীওইবগী পুন্সি মহিং ফগৎহনবদা নত্তনা অনৌবা থবক কয়া অমসু ফংহনগনি” হায়না পনখি।।

মসিগী মখাতাবদা অৱাংবা থাক্কী তাস্ক ফোর্স অমনা এফ.ৱাই. ২০২০-২৫গী মনুংদা লুপা কোতি লাখ ১১১গী ওইগদবা ইনফ্রাস্ত্রকচর ইনভেস্তমেন্তগা লোইননা নেস্নেল ইনফ্রস্ত্রকচর পাইপলাইনগী মতাংদা অরোইবা রিপোর্ত অমা থাজিনখি।

এন.আই.পি. অসি লৈবাক শিনবা থুংনা মালেমগী থাক্তা লৈবা ইনফ্রাস্ত্রকচর পীনবা অমসুং প্রজাশিংগীদমক্তা পন্সিগী মগুন হেনগৎহন্নবা খোংথাং অসিনা অসিগুম্বা মখলগী পাইখৎলক্লিবা অহানবা খোংথাংনি। এন.আই.পি. অসিনা প্রোজেক্ত শেম্বদা ফগৎহনগনি,ইনফ্রস্ত্রকচরদা ইনভেস্তমেন্তশিং (দোমেস্তিক অমসুং ফোরেন) চিংশিনগনি, অমসুং এফ.ৱাই. ২০২৫ ফাওবদা $ ত্রিলয়ন ৫গী ইকোনোমী ওইনবগী পান্দম অসিবু ফংহনবদা য়াম্না মরু ওইগনি। ইনফ্রস্ত্রকচরগী অপদেত তৌরবা আর্মোনাইজদ মাস্তর লিস্ততা য়ুমফম ওইবা ইকোনোমিক অমসুং সোসিয়েল ইনফ্রস্ত্রকচর প্রোজেক্তশিং অনিমক এন.আই.পি.গী মনুং চল্লি।

লুপা কোতি লাখ ১১১গী শিজিন্নগদবা অপুনবা শেনফম অসিগী মনুংদা , লুপা কোতি লাখ ৪৪গী প্রোজেক্ত (৪০%) অসি থবক পাইখৎপা হৌরে, লুপা কোতি লাখ ৩৩গী (৩০%)  প্রোজেক্তনা কনসেপচুৱল স্তেজতা লৈ, লুপা কোতি লাখ ২২গী (২০%) প্রোজেক্ত দিবেলপ তৌরি (প্রোজেক্ত মশক খঙদোক্লবা অমসুং দি.পি.আর. শেম্লবা, অদুবু ফন্দশিং লৌথোক্ত্রিবা) অমসুং লেমহৌরিবা লুপা কোতি লাখ ১১গী (১০%) প্রোজেক্তশিংদি খঙদ্রি।  প্রিজেক্তশিংগী মখল পুম্নমক হোজিক্তি এন.আই.পি.দা উবা ফংনবা অমসুং গ্লোবল অমসুং দোমেস্তিক ইনভেস্তরশিংদগী ইনভেস্তশিং চিংশিন্নবা আই.আই.জি.না হোস্ত তৌরগনি।

এন.আই.পি.তাস্ক ফোর্সকী ফানেল রিপোর্তকী ভোল্যুম IIIগী মখাদা লৈবা এন.আই.পি. প্রোজেক্ত দেতাবেস অসি ইনফ্রাস্ত্রকচর সেক্তরশিংদা ইনভেস্তমেন্তশিং তৌনবগীদমক্তা অপদেত তৌরবা প্রোজেক্ত লেভেল ইনফোর্মেশন য়েংবা য়ানবগীদমক্তা আই.আই.জি.দা ফংহল্লে। দিজতেল প্লেতফোর্ম অসিনা প্রোজেক্তশিং হেন্না ফজনা য়েংবা ফংহল্লগনি অমসুং খ্বাইদগী হেন্না ফবা মওংদা প্রোজেক্তশিং অদু উৎথোক্নবা এন.আই.পি.গী মেন্দেতসু ফংলগনি। ইনন্দিয়া ইনভেস্তমেন্ত গ্রিদ (আই.আই.জি.)তা থাগৎলিবা এন.আই.পি. প্রোজেক্ত দেতাবেস অসিনা এন.আই.পি.দা উবা ফংহনগনি অমসুং ওইথোকপা য়াবা ইনভেস্তরশিংনা ফাইনান্সিং তৌবদা মতেং পাংগনি; দোমেস্তিক অমসুং ফোরেন, অপদেত তৌরবা প্রোজেক্তকী থাক্তা লৈবা ইনফোর্মেশন য়েংবা য়াহনগনি। মসিগী মথক্তা, মসি প্রোজেক্ত খুদিংমক্কীদমক্তা এন.আই.পি.গী অহানবা এস্তিমেতশিংগা মরী লৈননা পাইখৎলিবা থবকশিং অমসুং তশেংবা প্রোগ্রেস অদু মোনিতর তৌনবা মরী লৈনবা মন্ত্রলয়শিং/দিপার্তমেন্তশিং অমসুং দি.ই.এ.না মোনিতর তৌনবা অমসুং ইভাল্যুৱেশন তৌনবা তুল অমা ওইনা শিন্ননবনি।

শ্রীমতি সিতারামন্না মরী লৈনবা দিপার্তমেন্তশিং/মন্ত্রালয়শিংদা এন.আই.পি. পোর্তেলদা প্রোজেক্তকী লৈরিবা ফিভম অদু খুদক্তা অপদেত তৌনবা অমসুং মতম পুম্নমক্তা অপদেত তৌদুনা থমগদবনি হায়না হায়খ্রে। মহাক্না মরী লৈনবা দিপার্তমেন্ত/ মন্ত্রলয়শিংদা প্রোজেক্ত অমসুং অহোংবশিং চৎনহল্লিবশিং অদুগী মতাংদা তশেংবা প্রোগ্রেস উৎনবা হায়খ্রে।

**********