এপ্রিল ১১, ২০২০দগী হৌদুনা ওগস্ত ৮, ২০২০ ফাওবা লোকস্ত সর্কল ওফিসরশিং (এল.সি.ও.শিং)না  রাজাস্থান, মধ্য প্রদেশ, পঞ্জাব, গুজরাত, উত্তর প্রদেশ অমসুং হরিয়ানা স্তেৎশিং অসিগী লম হেক্তর ২,৫৮,৪০৬দা লোকস্ত কন্ত্রোল ওপরেসন চত্থখ্রে। ওগস্ত ৯, ২০২০ ফাওবদা রাজাস্থান, মধ্য প্রদেশ, পঞ্জাব, গুজরাত, উত্তর প্রদে, মহারাস্ত্র, ছত্তিসগর, হরিয়ানা, উত্তরাখন্দ অমসুং বিহার রাজ্যশিংগী রাজ্য সরকারনা লম হেক্তর ২,৬৪,৪৯১দা লোকস্ত কন্ত্রোল ওপরেসন চত্থখ্রে।

ঙরাং অয়ুক অমদি  নুমিদাংগী মতমদা রাজাস্থানগী জিলা ০৭ মদুদি বার্মর, জোধপুর, বিকানের, চুরু, নাগোর, হনুমানগর অমসুং স্রিগঙ্গানগর হায়রিবশিংগী মফম ৪৬তা অমসুং গুজরাতকী কৎচ জিলাগী মফম ১দা এল.সি.ও.শিংনা শঙ্গু ওইনা শান্না পাইরকপশিং অমসুং হোপরশিংগী মা্য়োক্তা কন্ত্রোল ওপরেসনশিং চত্থখি।

হৌজিক্কী ওইনা রাজাস্থান অমসুং গুজরাতকী রাজ্যশিংদা স্প্রে য়াওবা গারীগা লোয়ননা কন্ত্রোল তীম ১০৪ মথৌ তৌরি অমসুং কেন্দ্র সরকারগী পর্সনেল ২০০ হেন্না লোকস্ত কন্ত্রোল ওপরেসনশিংদা শীজিন্নরি। মখা তানা, রাজাস্থানগী বার্মর, জেসলমের, বিকানের, নাগোর অমসুং ফালোদিদা  লৈবা অৱাংবা উ-পাম্বীশিং অমসুং মী চংবদা খুদোংচাদবা মফমশিংদা তিলহীদাকশিং কাপথোক্তুনা কৌজেং মপুং ফানা লাকশিন্নবা দ্রোন ১৫ মথৌ তৌহল্লি। হোপর কন্ত্রোলদসু দ্রোনশিং শীজিন্নরি। মথৌ তাবগী মতুং ইন্না রাজাস্থানগী সেদ্যুল দেজর্ত এরিয়াদা বেল হেলিকোপ্তর অমা শীজিন্নখ্রে। ইন্দিয়ন এয়র ফোর্সনসু এম.আই.-১৭ হেলিকোপ্তর শীজিন্নদুনা এন্তি-লোকস্ত ওপরেসনশিংগী চাংয়েংশিং তৌখ্রে।

গুজরাত, উত্তর প্রদেশ, মধ্য প্রদেশ, মহারাস্ত্র, ছত্তিসগর, বিহার অমসুং হরিয়ানাদা মহৈ মরোং থোইদোক্না অমাং অতা থোকপগী পাউ লৈতে। অদুম ওইনমক রাজাস্থানগী জিলা খরদা মহৈ-মরোং খরা অমাং অতা থোকপগী পাউ লাক্লি।

ঙরাং (০৯.০৮.২০২০)দা রাজাস্থানগী বার্মর, জোধপুর, বিকানের, চুরু, নাগোর, হনুমানগর অমসুং স্রিগঙ্গানগরগী জিলাশিংদা অমসুং গুজরাতকী কৎচ জিলাদা মপুং ফাদ্রিবা লৈ মচুগী কৌজেং অমসুং মপুং ফারবা হঙ্গাম মপালগী কৌজেংগী শঙ্গু লৈবা উখি।

ফুদ এন্দ এগ্রিকলচর ওর্গনাইজেসনগী ওগস্ত ৭, ২০২০গী লোকস্ত স্তেতস অপদেৎকী মতুং ইন্না, মরুভুমীগী শান্না পায়বা ঙম্বা কৌজেং শঙ্গুশিংনা হোর্ন ওফ এফ্রিকা অমসুং য়েমেনগী লৈবাক কয়াদা লেপ্তনা চংশিল্লক্লি অমসুং ইন্দো-পাকিস্তান ঙমখৈগী নাকল অনিমক্তা কালেনগী মরুম কোকপগী থবক চত্থরি।

খা-নোংচুপ এসিয়াগী লৈবাকশিংগী (অফঘানিস্তান, ভারত, ইরান অমসুং পাকিস্তান) দেজর্ত লোকস্তকী চয়োলগী ওইবা ভর্চ্যুল মীফম এফ.এ.ও.না শীল্লি। হৌজিক ফাওবদা খা-নোংচুপ এসিয়াগী লৈবাকশিংগী ভর্চ্যুল মীফম ১৫ পাঙথোকখ্রে।

*******