ভারতকী উপ রাস্ত্রপতী, শ্রী এম. ভেঙ্কিয়া নাইদুনা ওফিস্তা থৌ পুবা চহি অহুম শুখিবগী মতাংদা ‘কন্নেক্তিং, কম্ম্যুনিকেতিং, চেঞ্জিং’ হায়না মিংথোনবা লাইরিক অমা কেন্দ্রগী ঙাকশেল মন্ত্রী শ্রী রাজনাথ সিংহনা ওগস্ত ১১, ২০২০দা দিল্লীগী উপ-রাস্ত্রপতী নিৱাস্তা ফোঙলগনি।

ওগস্ত ১১দা শ্রী নাইদুনা ওফিস্তা থৌ পুবা চহি অহুম মপুং ফারগনি।

লাইরিক অসিগী ইলেক্ত্রোনিক ভর্জন (ই-বুক) অসি কেন্দ্রগী ইনফোর্মেসন এন্দ বোর্দকাস্তিং মন্ত্রী শ্রী প্রকাশ জাবাদেকরনা লোঞ্চ তৌগনি। লমায় ২৫০ হেন্না য়াওবা লাইরিক অসি ইনফোর্মেসন এন্দ বোর্দকাস্তিং মন্ত্রালয়গী পব্লিকেসন্স দিবিজননা পুথোকপনি।

লাইরিক অসিদা ৱাহৈনা ইদুনা অমদি লাইশিংগী খুত্থাংদা উপ রাস্ত্রপতীনা ভারত অমদু মপাল কৈবাক্তা চৎলুবগী য়াওনা তোঙান তোঙানবা থবক থৌরমশিং য়াওগনি। মসিদা মহাক্না লৌমীশিং, সাইন্তিস্তশিং, দোক্তরশিং, নহাশিং, এদমিনিস্ত্রেতরশিং, ইন্দস্ত্রীগী লুচিংবশিং অমসুং আর্তিস্তশিং অমদি অতোপ্পা কয়াগী ৱারী শাখিবগী মতাংদা য়াওরি।

লাইরিক অসিদা উপ রাস্ত্রপতীনা মপাল লৈবাক্তা চৎলুবা, মালেমগী লুচিংবশিংগা ৱারী শাখিবা অমসুং তোঙান তোঙানবা লৈবাকশিংগী ইন্দিয়ন দাইস্পোরাশিংদা ৱা ঙাংখিবগা মরী লৈনবা থৌরমসু য়াওরি।

শ্রী নাইদুনা রাজ্য সভা মথৌ মপুং ফানা তৌনবা অহোংবা পুরকখিবা অমসুং উপর হাউস্তা মসিনা মরম ওইরগা কান্নবা পুরকখিবা লাইরিক অসিদা পল্লি। অরোইবা পন্দুপ্তা, লাইরিক অসিনা লায়চৎ মনুংদা করম্না মতম মপুং ফানা শীজিন্নদুনা মহাক্কী মরূপশিং, ওজাশিং, থবক কুইনা তৌমিনরক্লবশিং, অরিবা অমদি অনৌবা-খঙন-চান্নবশিং, মরী মতা, এম.পি.শিং, লুচিংবশিং অমদি পাউমীশিং অমসুং অতোপ্পা কয়াগী মরমদা খঙনবা ‘মিসন কন্সেপ্ত’ লৌখৎখিবগী মতাংদা ৱারী লিরি।

মহাক্না তেলিফোনগী থোংদা পার্লিয়ামেন্তকী হাউস অনিমক্কী মুখ্য মন্ত্রীশিং, গভর্নরশিং, তোঙান তোঙানবা রাজনিতীগী দলশিংগী লুচিংবশিং অমসুং রাজ্য সভাগী এম.পি. পুম্নমক্কা ৱারী শাখি।

*****