অরুনাচল প্রদেশকী চুল্ল্যুগী অরাপ্পা ত্রাইবেলগী খুঙ্গং অসিদা খাদি এন্দ ভিলেজ ইন্দস্ত্রীস কম্মিসন (কে.ভি.আই.সি.)না মখোয়গী অহানবা মুগাগী ত্রেনিং কম প্রদক্সন সেন্তর হাংদোকপগা লোয়ননা অথুবদা রাজ্য অসিদা লংচাক চাকপগী অমদি ফী শাবগী মখোলনা নিংলগনি। শেমগৎপা থা তুরক খক্তা ঙাইরিবা সেন্তর অসি সেপ্তেম্বরগী অহানবা চয়োলদা শঙ্গাগনি। কে.ভি.আই.সি.না অমনবা স্কুম অমা শেমশিন শাজিন্নদুনা ত্রেনিং কম প্রদক্সন সেন্তর ওন্থোকখ্রে। স্কুল অসি এরুনাচল প্রদেশকী এজুকেসন বিভাগনা কে.ভি.আই.সি.দা পীখিবনি।

হেন্দলুমশিং, তরেং, সিল্ক রীলিং মেছিনশিং অমসুং রেপিং দ্রমশিং য়াওনা মেছিনরীশিং য়ৌরক্তুনা মেছিনশিং অসি পানখৎপগী থবক কন্না চত্থরি। চুল্ল্যু খুঙ্গংগী মফম অদুগী খুহৈবা ২৫ অহানবা বেচকী ত্রেনিং হৌনবা খনগৎখ্রে।

চহি অসিগী ফেব্রুৱারীদা চুল্ল্যুগী ত্রাইবেল খুঙ্গং অসিদা কে.ভি.আই.সি.গী চ্যেরমেন শ্রী বিনাই কুমার সক্সেনা লাক্লম্বা অদুদগী হৌনা প্রোজেক্ত অসি শেমগৎলকখি। খুঙ্গং অসিদা মুগা পুথোকপা অমসুং অতোপ্পা খুঙ্গংগী ইন্দস্ত্রীশিংগী থবকশিং তৌবা ঙম্বগী থৌনা উবদগী, সক্সেনানা খুদক্তা ত্রেনিং কম প্রদক্সন সেন্তর অসি ইরি মুগা পূথোক্নবা লিংখৎনবা শেল কায়থখি, মসিগী মুগা অসি মফম অদুগী ত্রাইবেলশিংনা নাৎকী ফী ওইনা শীজিন্নৈ। অদুম ওইনমক কোবিদ-১৯গী লোকদাউন্না মরম ওইরগা থবক্কী খোঙজেল তপখি।

হন্দক্তা কে.ভি.আই.সি.না চুল্ল্যূ খুঙ্গংদা অফবা খোয়হী পুথোকপা ঙম্বা খোয়গী উপু ২৫০ য়েন্থোকখি। য়াম্না মমিং লৈরবা তুরিস লাকফম ওইরিবা জিরোগী হায়ৱেদা কি.মি. ৩০ খক্তা ৱাৎলিঙৈদা লৈবা চল্ল্যু অসি য়াম্না ফজবা মহৌশাগী ওইবা মওংদা হিংলিবা খুঙ্গং অমনি।  মসিগী মফম অসি তুরিস্তশিংনা য়াম্না লাইনা চৎপা য়াই মরম অসিনা মফম অসিগী খুৎহৈশিংগী খুদোংচাবা অমা ওইরি।

 “ত্রেনিং কম প্রক্সন সেন্তর অসি অরুনাচল প্রদেশকী ওইনদি ফেসিলিতী অসিগী মখলগী ওইনা অহানবনি অমসুং লমদম অসিদা ফীশা-লোনশাগী থবক্তা খুমাং চাউশিনহল্লগনি। খুৎহৈবশিং ত্রেনিং পীবা অমদি অৱাং নোংপোক রাজ্যশিংগী ওইজরিবা ইরি মুগা পুথোকপদা মতেং পাংবা অসিনা লমদম অসিগী মীয়ামদা থবক পীরগনি অমসুং সস্তেনেবল দিবেলপমেন্ত পুরকপা ঙম্লগনি মসি প্রধান মন্ত্রীগী অত্মানির্ভার ভারতকী ৱাখল্লোন অদু ঙাক্না চৎপনি” হায়না সক্সেনানা ফোঙদোকখি। “কে.ভি.আই.সি.না মখোয়গী প্রদক্তশিং অসি য়োন্নবা মখোয়গী ওনলাইন পোর্তেলদা অখন্নবা পেজ অমসু শেম্লগনি।” হায়না মহাক্না মখা তাখি।

খোঙথাং অসি কান্নবা ওইগনি মরমদি অরুনাচল প্রদেশকী ত্রাইবেল, নুপা অমদি নুপীনা চপ মান্ননা নাৎকী ওইবা ইরি মুগা অমসুং খাদিগী লংজমগী ফীশিং শীজিন্নৈ মসিনা মখোয়গী ত্রাইবেল খুন্নাইগী ওইনা অমত্তনি হায়বগী ৱাখল্লোন অদু মমি তরি। অদুম ওইনমক রাজ্য অসিগী মীয়ামনা অসাম য়াওনা মপালগী কৈথেলশিংদগী মুগা লৈরি।

কে.ভি.আই.সি.না নহা ওইরিবা ত্রাইবেলশিংগী মতম অসিগা চুন্নবা অনৌবা দিজাইন পুথোক্নবা শিল্লোংগী নিফ, জোর্হাৎকী এন.আই.দি.গুম্বা লোয়শঙশিংদা লৈরিবা মীওই অমসুং অরুনাচল প্রদেশকী লোকেল দিজাইনরশিং কৌদুনা দিজাইন তৌবদা য়াওহন্নবা থৌরাং তৌখ্রে।

কে.ভি.আই.সি.না সেন্তর অসি জিরোগী তুরিস লাকফমগা লোয়ননা মরী থম্নবা হোৎনরি অমসুং মসিনা মফম অসিগী খুৎহৈবশিংনা মখোয়গী প্রদক্তশিং য়োন্নবা ফংহনগনি। প্রদক্সন সেন্তর অসিদা কৈথেলগী দিমান্দ ফংহন্নবা খুশু খুলাই লৈহনগনি। অহানবগী ওইনা কে.ভি.আই.সি.না ত্রেনিং অসিদা মচাক মথুম পীগনি অমসুং অনৌবা দিজাইনশিং পুথোকপদা অচংবা মমল অমদি খুশুমল পীগনি।

*******