প্রধানমন্ত্রীগী লোইশঙ

পি.এম.না এগ্রিকলচর ইনফ্রাস্ত্রকচর ফন্দগী মখাদা লুপা কোতি লাখ ১গী শেনফম পীবগী ফেসিলিতী অমা লাঊথোকখ্রে

পি.এম.না পি.এম.-কিসানগী মখাদা লৌউবা কোতি ৮.৫গী আধার লিঙ্ক তৌরবা একাউন্ততা দাইরেক্ত বেনেফিৎ ত্রান্সফর ওইনা লুপা কোতি ১৭০০০ হাপখ্রে

সেন্ত্রেল সেক্তর স্কিম্না কেবিনেৎকী অয়াবা ফংলবা নুমিৎ ৩০নিগী মনুংদা এগ্রিকলচর ইনফ্রাস্ত্রকচর ফন্দগী মখাদা লৌউবা সোসাইতী ২২৮০ হেনবগী ওইনা লুপা ১০০০ কোতি কাইথোকখ্রে

লৌউবশিংগী শেন্থোক শরুক অনি ওইহনবগী পান্দমগা মরী লৈননা লৌউবশিংনা হৌজিক ওন্তোপ্রিনর ওইনবা শেম শারেঃ পি.এম.

Posted On: 09 AUG 2020 12:13PM by PIB Imphal

প্রধান মন্ত্রী শ্রী নরেন্দ্র মোদীনা ঙসি লুপা কোতি লাখ ১গী শেনফমগী এগ্রিকলচর ইনফ্রাস্ত্রকচর ফন্দগী মখাদা শেল থাদবগী খুদোংচাবা পীবা অনৌবা সেন্ত্রেল সেক্তর স্কিম অমা হৌদোকখ্রে। স্কিম অসিনা লৌউবশিং, পি.এ.সি.এস.শিং, এফ.পি.ও.শিং অমসুং এগ্রি-ওন্তোপ্রিনরশিংবু কম্ম্যুনিতী ফার্মিং এসেৎ অমসুং পোস্ত-হার্বেস্ত এগ্রিকলচর ইনফ্রাস্ত্রকচরশিংদা তেংবাংগনি। মসিগী এসেৎশিং অসিনা লৌউবশিংদা মখোয়গী পোত্থোকশিংবু মতম কুইনা থম্বা য়াহন্দুনা য়োনবদা, মাংহনদবদা অমসুং প্রোসেসিং অমসুং বেল্যু এদিসন হেনগৎহন্দুনা অহেনবা শেন্থোক লৈহনবদা তেংবাংগনি।

কেবিনেৎনা স্কিম অসিগী অয়াবা পীরবা মতুং নুমিৎ ৩০নিগী মতুংদা ঙসি স্কিম অসিগী ওইনা লৌউবগী সোসাইতী ২২৮০ হেনবদা লুপা কোতি ১০০০গী অহানবা শেনফম পীথখ্রে। থৌরম অসি ভিদিও কনফরেন্সিংগী খুত্থাংদা পাঙথোকখি অমসুং লৌউবা লাখ কয়া, এফ.পি.ও.শিং, কো-ওপরেতিবশিং, পি.এ.সি.এস.শিং অমসুং লৈবাক শিনবা থুংবগী মীয়াম্না শরুক য়াখি।

থৌরম অসিমক্তদা প্রধান মন্ত্রীনা পি.এম.-কিসান স্কিমগী ৬শুবা ইন্সতোলমেন্ত ওইনা লুপা কোতি ১৭০০০গী শেনফম অসি লৌউবা কোতি ৮.৫দা পীখ্রে। শেনফম অসি মখোয়গী আধার লিঙ্ক তৌবা অকাউন্তশিংদা বত্তন অমা ক্লিক তৌদুনা হকথেংননা পীখি। শেনফম অসি পীখিবগা লোয়ননা স্কিম অসিনা দিসেম্বর ১০, ২০১৮দগী হেক হৌরকপদগী লৌউবা কোতি ১০দা লুপা কোতি ৯০০০০গী শেমফম পীখ্রবনি।

প্রাইমরী এগ্রিকলচর ক্রেদিৎ সোসাইতীশিংগা ৱারী শাবা

প্রধান মন্ত্রীনা স্কিম অসিগী অহানবা বেনিফিশরীশিংগী মনুং চল্লিবা করনাতকা, গুজরাত অমসুং মধ্য প্রদেশকী এগ্রিকলচর ক্রেদিৎ সোসাইতী অহুমগা বর্চুএলগী খুত্থাংদা ৱারী শাখি। মীওইশিং অসিনা হৌজিক চত্থরিবা হীরমশিং অমসুং লোনগী শেনফম অসি মতৌ করম্না শিজিন্নগনি হায়বগী মতাংদা অকুপ্পা ৱারী শাখি। সোসাইতীশিং অসিনা মখোয়গী লৌউবা মেম্বরশিংনা মখোয়গী পোত্থোকপু অহেনবা মমলদা য়োনবা য়ানবা গোদাউন শাবা, থাক খায়বা অমসুং অকনবা য়ুনিৎ ওইহন্নবা থৌরাং কয়া য়াৎলি হায়না পাউদমখি।

লৈবাক মীয়ামদা ৱা ঙাংবা

প্রাইমরী এগ্রিকলচর ক্রেদিৎ সোসাইতীশিংদা ৱারী শারবা তুংদা প্রধান মন্ত্রীনা লৈবাক মীয়ামদা ৱা ঙাংবদা স্কিম অসিনা লৌউবশিং অমসুং লৌউ-শিংউগী সেক্তরদা কান্নবা কয়া অমা পীগনি হায়বগী থাজবা লৈ হায়খি। স্কিম অসিনা লৌউবশিং অমসুং লৌউ-শিংউগী সেক্তরশিংদা শেলগী তেংবাং পীদুনা খুমাং চাউশিলহন্দুনা ভারতনা মালেমগী থাক্তা চাংয়েংনবা ঙমহল্লগনি হায়নসু হায়খি।

প্রধান মন্ত্রীনা ৱেয়রহাউজিং, কোল্দ চেন অমসুং ফুদ প্রোসেসিংগুম্বা লৌরোক মতুংগী ফিভম শেন্নবগী ৱারোইশিনগী ওইবা শেল থাদবা য়াবা খুদোংচাবা কয়া অমা লৈ হায়খি অমসুং ওর্গানিক অমসুং ফোর্তিফাইদ চিঞ্জাকশিংগী ওইনা মালেমদা মফম অমা কনবা ঙমগনি হায়নসু মখা তানা হায়খি। মসিগী স্কিম অসিনা স্তার্ত-অপশিংনা খুদোংচাবা কয়া ফংদুনা মখোয়গী থবক চাউথোকহন্নবা খুদোংচাবা কয়া পীগনি অমসুং মসিগী মতুং ইন্না লৈবাক খুদিংগী লৌউবশিংদা য়ৌবা ঙম্বা ইকোসীস্তেম অমসু শেম্লগনি হায়খি।

পি.এম.-কিসান স্কিম অসিবু খোঙজেল য়াঙনা পাঙথোক্লিবা অসিদা অপেনবা ফাওই হায়না প্রধান মন্ত্রীনা হায়খি। প্রোগ্রাম অসি অদুক্কী মতিক চাওই অমসুং ঙসি থাদোক্লিবা শেনফম অসিনা লৈবাক কয়া অমগী অপুনবা মীশিংদগী হেন্না ঐখোয়গী লৌউবশিংনা ফংই হায়না হায়খি। রাজ্য সরকারশিংনা রেজিস্ত্রেসন্দগী হৌদুনা শেল থাদোকপা ফাওবগী থবক কয়া অমা পাঙথোক্তুনা লৌউবশিংদা তেংবাংবগীদমক্তা থাগৎপা ফোঙদোকখি।

লৌউ-শিংউ অমসুং লৌউবশিংগী য়াইফ য়ুম্বালগী কেন্দ্রগী মন্ত্রী শ্রী নরেন্দ্র সিংহ তোমারসু থৌরম অসিদা শরুক য়াখি।

এগ্রিকলচর ইনফ্রাস্ত্রকচর ফন্দ

এগ্রিকলচর ইনফ্রাস্ত্রকচর ফন্দ অসি ইন্তরেস্ত ঙাকপীবা অমসুং ক্রেদিৎ গেরেন্তীগী খুত্থাংদা পাঙথোকপা পোস্ত-হার্বেত ইনফ্রাস্ত্রকচর অমসুং কম্ম্যুনিতী ফার্মিং এসেৎকা চানবা প্রোজেক্তশিংদা শেল থাদনবা অশাংবা মতমগী ওইবা দেৎ ফাইনান্সিং ফেসিলিতী অমনি। স্কিম অসিগী অশাংবা অসি এফ.ৱাই. ২০২০দগী এফ.ৱাই. ২০২৯ (চহি ১০)নি। স্কিম অসিগী মখাদা বেঙ্ক অমসুং শেল-থুমগী ইন্সতিত্যুসনশিংনা লুপা কোতি ২গী শেনফমগী ওইনা সি.জি.তি.এম.এস.ই.গী মখাদা চহিগী ইন্তরেস্ত ৩% ঙাকপীবা অমসুং ক্রেদিৎ গেরেন্তী কবরেজ পীদুনা লুপা কোতি লাখ ১গী লোন পীগনি। বেনিফিশরীশিংগী মনুং চনগদবশিংদি লৌউবশিং, পি.এ.সি.এস., মারকেতিং কো-ওপরেতিব সোসাইতীশিং, এফ.পি.ও.শিং, এস.ঐচ.জি.শিং, জোইন্ত লাইএবিলিতী গ্রুপশিং (জে.এল.জি.), মলতিপর্পজ কো-ওপরেতিব সোসাইতীশিং, এগ্রি-ওন্তোপ্রিনরশিং, স্তার্ত-অপশিং অমসুং কেন্দ্র/রাজ্যগী এজেন্সী নত্ত্রগা লোকেল বোদীনা স্পোন্সর তৌবা পব্লি-প্রাইবেৎ পার্ত্নর্শিপ প্রোজেক্তশিংনি।

পি.এম.-কিসান

পি.এম.-কিসান স্কিম অসি দিসেম্বর ২০১৮দা মশাগী লম লৈজবা লৌউবশিংদা (অকক্নবা মনুং চন্দবা খরা য়াওরগা) মখোয়গী লৌউ-শিংউবগী তঙাই ফদবশিং পীনবা অমসুং ইমুং মনুং পুবা ঙম্নবা হায়দুনা শেল পীবগী তেংবাং ওইনা হৌদোকখিবনি। স্কিম অসিগী মখাদা চহিগী ওইনা মতিক চাবা লৌউবা বেনিফিশরীশিংদা ইন্সতোলমেন্ত অহুম থোক্না লুপা ৬০০০কী তেংবাং পীরি।

লৌউ-শিংউবগী সেক্তরগী অনৌবা য়াওল

হায়রিবা খোঙথাংশিং অসি প্রধান মন্ত্রীগী পাউতাক্কী মতুং ইন্না ভারত সরকারনা শেমদোরকপা পরিং কয়াগী অনৌবা শরুকশিংনি। মসিগী থবকশিং অসিনা লৌউ-শিংউবগী সেক্তরগী অনৌবা য়াওল অমা ভারত্তা পীরগনি অমসুং মসিনা ভারতকী লৌউবশিংগী পুন্সি মহিং অমসুং য়াইফ য়ুম্বালগীদমক্তা অফবা মওং অমা পীগনি হায়বগী সরকারগী খোংফম চেৎপা ফিরেপ্পু মশক থোক্না উৎলি।

***



(Release ID: 1644580) Visitor Counter : 48