ফাইনান্স অমসুং কোর্পোরেত এফিয়র্সগী মিনিস্তর ওফ স্তেত শ্রী অনুরাগ থাকুরনা “ইন বোন্দ মেনুফেকচুরিং এন্দ অদর ওপেরেসন” হায়বা ৱেবএক্স থৌরম অমদা ঙসি শরুক য়াখ্রে। থৌরম অসি সেন্ত্রেল বোর্দ ওফ ইন্দাইরেক্ত তেক্সেস এন্দ কস্তমস (সি.বি.আই.সি.), য়ু.এস.-ইন্দিয়া স্ত্রাতেজিক পার্তনরশিপ ফোরুম (য়ু.এস.আই.এস.পি.এফ.) অমসুং মেনুফেকচররস এসোসিএসন ফোর ইন্ফোর্মেসন তেক্নোলোজি (এম.এ.আই.তি) না শিনবনি।

শ্রী থাকুরনা “আত্মানির্ভর ভারত অভিয়ান” অমসুং “মেক ইন ইন্দিয়া”গী হৌজিক ওইরিবা মশকনাইবশিং উৎলি অমসুং পার্তিসিপেন্তশিংদা মতৌ করম্না কস্তমগী সেক্সন ৬৫ স্কীম (ইন বোন্দ মেনুফেকচর এন্দ অদর ওপরেসনস)না করবার তৌবগী খ্বাইদগী ফবা মখলনি অমসুং শিন্দোক শিঞ্জিন য়াবা চ্যেন ওই।   

মিনিস্তর খংহনখ্রে মদুদি মসিগী শেম্দোক্লবা অনৌবা স্কীম অসি মমাং চহীদা হৌদোকখিবনি অমসুং ত্রেদ অমসুং ইন্দস্ত্রীনা থৱায় য়াওনা পায়খৎলক্লিবা অসি থাগৎনিংঙাইনি। মহাক্না তাকখি মদুদি স্কীম অসি স্কীম চবুল অমা তরাম্না ওকপা মদুনা ইন্দিয়াদা শেল থাদবদা শৌগৎপা স্কীমনি অমসুং ‘মেক ইন ইন্দিয়া’ থৌরম্না ব্যুজিনেস তৌবদা হেন্না কান্নবা অমসুং ইন্দিয়ানা মালেমগী মেনুফেকচুরিং হব মফম কয়াদা হায়বদি ইলোত্রোনিক্স, কেমিকেলস অমসুং ফার্মাস্যুতিকেলস, অমসুং  চংদবা য়াদবা থৌওংশিং হায়বদি শেমজিনবা অমসুং নৌথোকহনবদা মতেং পাংই।

শ্রী থাকুরনা মসিগী স্কীম অসি ফংহন্নবা চান্নরবা য়ুনিতশিংদা বার্তোন তৌখ্রে অমসুং মখা তানা হেন্না ফনবা ৱাহৌদোক পীখ্রে। সরকারগী মায়কৈদগী, শ্রী থাকুরনা প্রধান মন্ত্রী শ্রী নরেন্দ্র মোদীগী পান্দম “আত্মানির্ভর ভারত” ফংননবা পুন্না অমসুং চুম্না থবকলোম্দা মাই ওনশিনবনা লৈবাক্কী মিংচৎ পুরকপা ওইগনি।     

মিনিস্তর খংহনখ্রে মদুদি থা খর অসি লায়চৎনা মরম ওইরদুনা মালেমদা ব্যুজিনেস তৌরিবশিংদা ইকোনোমিদা য়াম্না শোকহন্দুনা চাংয়েং অমা ওইরি। ইন্দিয়ন ব্যুজিনেসশিংনা খল্লমবদগী হেন্দোক্না চাওখৎলক্তুনা অচৌবা কান্নবা অমা উৎখ্রে। মসি সরকারনা চহী ৬ অসিদা য়ুমগী ওইবা শেমিৎলোন হেনগৎনবা শেমখিবা হোৎনবদগীনি  অমসুং ইন্দিয়ানা “মেক ইন ইন্দিয়া ইনিসিএতিব”গী মালেমগী ওইবা পোৎ শাবগী পন্থুং থম্লি। পোত্থোক অসিনা মরুওইনা অচৌবা হীদাক, ফার্মাস্যুতিকেল মচাকশিং অমসুং হীদাক্কী ওইবা খুলাইশিং মরাং কাইনা ফংনবা স্কীম অসিনা পান্দম থম্লি। 

শ্রী এম. অজিৎ কুমার, চেয়রমেন, সি.বি.আই.সি., হন্দক্তা সরকারনা কস্তমগী নাকন্দা পুরক্লিবা অহোংবা অদু পুথোক্লি অমসুং সি.বি.আই.সি.না লৌরিবা তেক্সপেয়রশিংগীদমক পীরিবা ফিরেপশিং অদু তাকখি। শ্রী কুমারনা হায় মদুদি

সি.বি.আই.সি.মাঙলোম্দা চংশিল্লি হায়বদি মথন্তা তৌজবা মেচিন, চে য়াওদবা অমসুং মমায় য়াওদবা অনানবা ইকোসিস্তেম। শ্রী কুমারনা অমুকসু উৎলি মদুদি সি.বি.আই.সি ফিরেপশিং অসিনা ব্যুজিনেস তৌবদা লায়থোকহন্দুনা “আত্মানির্ভর ভারত”  অমসুং “মেক ইন ইন্দিয়া” কাপখৎতুনা ইন্দিয়া অসি মালেম্দা মেনুফেকচুরিং হব ওইহল্লগনি।

“ইন বোন্দ মেনুফেকচুরিং” স্কীম পোৎ পুশিল্লকপদা মথৌ তৌরিবা কেপিতেল গুদস লোয়ন-লোয়ননা রো ওইবা পোৎ-চৈশিং নত্ত্রগা বোন্দেদ মেনুফেকচুরিংদী শিজিননবা অসি স্কীম অসিদা চল্লী। শাবা লোইরবা পেৎশিং অসি মপাল লমদা থাদোকখিবা লোইখিবদা ইম্পোর্তকী মথৌ তোক্কনি। অদুম ওইনমক শাবা লোইরবা পেৎশিং অসি দোমেস্তিক মার্কেত্তা য়েন্থোকখ্রবদি ইম্পোর্তকী মথৌ রো মেতরিএলদা পেয়েবল ওই। স্কীম অতৈগা মান্নদবা মওংদা এস.ই.জেত. অমসুং ই.ও.য়ু., হায়বদি য়াম্না চাওনা মপাল লমদা থাদোক্লিবা, হৌজিক ওইরিবা স্কীম অসিনা মপুং ফানা শিজিন্নবা ঙম্নবা পান্দম থম্লি।  স্কীম অসিনা তুংগী মিয়েং অমুকসু থম্লি মদুদি ওফিসিএলশিংগা য়ামদ্রবদা ফিজিকেল ইন্তরফেস তৌদুনা অমসুং স্কীম অসিগী মখাদা য়ুনিৎশিং অসিবু য়েংশিনবা অসিনি।    

সি.বি.আই.সি.গী মেম্বর শ্রী ভিবেক জোহরি, প্রিন্সিপাল চীফ কম্মীস্নর, বেঙ্গলোর; শ্রী দি.পি. নগেন্দ্রা কুমার, শ্রী ভিমল শ্রীভাস্তাবা, কম্মীস্নর কস্তমস, সি.বি.আই.সি. অমসুং শ্রী অমিতেশ ভারত সিংহ, এদিসনেল দি.জি., দি.জি.তি.এস. সি.বি.আই.সি.না পেনেল দিসকসনদা সরকারগী মায়কৈদা শরুক য়ারি। ইন্দস্ত্রী পেনেলদা শরুক য়াখিবাশিংদি:- শ্রী ভিরাত ভাতিয়া, মেনেজিং দাইরেক্তর, এপ্পল ইন্দিয়া, শ্রী অমব্রিস বকায়া, দাইরেক্তর কোর্পোরেত এফিয়র্স, হিউলেত পকার্দ ইন্তরপ্রাইসেস; শ্রী নিতিন কুনকোলিনকর, প্রেসিদেন্ত, এম.এ.আই.তি. অমসুং শ্রীমতি পুজা থাকুর, সি.এফ.ও. অমসুং ইজুক্যুতিব দাইরেক্তর, জি.এস.কে. ফার্মাস্যুতিকেল লিমিতেত।

ব্যুজিনেস অমসুং ইন্দস্ত্রীগী মথক থংবা মেম্বর ৮৫০ হেনবনা মফম কয়াদগী লাক্তুনা পুনবা অৱাংবা থাক্কী থৌরম অদুদা শরুক য়াখি।  

*****