ৱেস্তর্ন এয়র কমান্দ (দবল্যু.এ.সি.)গী লাদাখ সেক্তরদা লৈবা ফোরৱার্দ বেজশিংদা ঙসি চীফ ওফ এয়র স্তাফ, এয়র মার্সল হারজিৎ সিংহ অরোরা পি.ভি.এস.এম এ.ভি.এস.এম এ.দি.সি.না চৎখ্রে।

হায়রিবা বেজশিং অসিদা শেম-শারিবশিং অদু য়েংশিনবগী মথক্তা, চীফ ওফ এয়র স্তাফনা হায়রিবা মফমশিং অসিদা হৌজিক মথৌ পাংথোক্লিবা কম্বেৎ য়ুনিৎশিংগী নোংথক্কী লান্মীশিংগা ৱারি শানখি। মফম অসিদা লৈরিবা ইন্দিয়ান এয়র ফোর্সকী খুৎলায়শিং মথৌ পাংথোক্নবা থৌরাং তৌরিবা অদুগী মতাংদা মঙোন্দা পাউদমখি। পুকচেল শেংনা মখোয়গী মথৌশিং পাংথোক্নবা অমসুং মতম পুম্নমক্তা থেংননবা থৌরাং তৌদুনা লৈনবা নোংথক্কী লান্মীশিং, এন.সি.শিং (ই), দি.এস.সি.গী মীওইশিং অমসুং সিবিলিয়ান স্তাফশিংদা মহাক্না তকশিনখি।

খোঙচৎ অদুদা মহাক্না চিনুক অমসুং লাইত কম্বেৎ হেলিকোপ্তরসু পাইখি।

*****