প্রধান মন্ত্রী অৱাস য়োজনা(সহর)গী মখাদা ঙসি সেন্ত্রেল সেঙ্কসন্নিং এন্দ মোনিতরিং কমিতিগী ৫১সুবা মীফম পাংথোকখ্রে। মীফম অদুদা রাজ্য/য়ু.তি ১৯ শরুক য়াখি।

মীফম অদু লুচিংখিবা , হাওসিং অমসুং অর্বান এফেয়ার্স মিনিস্ত্রিগী সেক্রেতরি, দুর্গা সনকার মিশ্রানা হায়খি প্রধান মন্ত্রী অৱাস য়োজনা(সহর)গী মখাদা পায়খৎলিবা থবকশিং শিংথানিংঙাইনি। য়ুম লাখ ৬০ শাবা লোইশিন্নবা অমসুং ২০২০গী অরোইবা ফাওবদা লাখ ৮০ শানবা পান্দম অদু ফংনবা থবক পায়ৎনবা ঐনা রাজ্যশিংদা তকশিল্লি।রাজ্যশিং/য়ু.তিশিংনা এ.আর.ঐচ.সি ফজনা পায়খৎকদবনি। এ.আর.ঐচ.সি অসি অওনবা পুরক্নবা স্কিম অমনি। স্কিম অসিনা কান্নবা ফংলিবা মীওইশিংগী পুন্সি মহিং ফগৎহনগনি।

মীফম অসি কোবিদ-১৯ লাইচৎ মনুংদা পাংথোকপা সেন্ত্রেল সেঙ্কসন্নিং এন্দ মোনিতরিং কমিতিগী অহানবা মীফমনি। ‘মী খুদিংমক য়ুম ফংহনবা’ হায়বা পান্দমগা লোয়ননা ২০২২ ফাওবগী মনুংদা ভারতকী সহরদা লৈবা ফংফম থোকপা ফংবা য়ারিবা মীওইশিংদা চেক্কী য়ুম ফংহন্নবা পান্দম অদু সরকারনা মরুওইনা লৌরি হায়বা মীফম অসিনা উৎলে। প্রধান মন্ত্রী অৱাস য়োজনা(সহর)গী মখাদা লৈবাক শীনবা থুংনা অপীবা মতমগী মনুংদা য়ুম শাবা লোইশিন্নবা অমসুং শাবগী থবক য়াংশিন্নবা মিনিস্ত্রিনা অমুক হন্না তকশিনখি।

মীফম অদুদা, য়ুম লাখ ১০.২৮ রোম শানবা শরুক য়ারিবা রাজশিংনা পুখৎলকপা প্রোপোজেল ১৫৮৯ অয়াবা পীখি। হায়রিবা য়ুমশিং অদু কান্নবা ফংগদৌরিবা মীওইশিং অদুনা মাংজিল থাদুনা শাগদবনি।

লম ফংদবা, য়ুম শাবা য়াদবা লম, সহরশিংদা য়ুম হোংখিবা, মীশি-মীনা য়াওবা অসিনচিংবা তোঙান-তোঙানবা থৌদোক কয়ানা মরম ওইদুনা প্রোজেকশিং অমুক হন্না য়েংশিন্নবা ৱাফম কয়া রাজ্যশিংনা পুখৎলকখি।

য়ুম করোর ১.১২ দরকার ওইবগী মনুংদা হৌজিক ফাওদবা প্রধান মন্ত্রী অৱাস য়োজনা(সহর)গী মখাদা অপুনবা য়ুম করোর ১.০৬ শাখ্রে। চাউরাক্না য়ুম লাখ ৬৭ শাবা হৌখ্রে অমসুং য়ুম লাখ ৩৫ হেন্না শাবা লোইদুনা লৈবা হৌখ্রে। মিসন অসিগী মখাদা লুপা করোর লাখ ৬.৩১ থাদখি অমসুং মসিদা য়াওরিবা কেন্দ্রগী মতেং লুপা করোর লাখ ১.৬৭গী মনুংদা লুপা কারোর ৭২৬৪৬ থাদোকখ্রে।

সহরগী লায়রবশিং/শিন্মীশিংগী য়ুম শানবা প্রধান মন্ত্রী অৱাস য়োজনা(সহর)গী সব-স্কিম অমা ওইরিবা এফোরদেবল রেন্তেল হাওসিং কমপ্লেক্সকী মতাংদা মীফম অদুদা রাজ্যশিং/য়ু.তিশিংনা ৱাফম কয়া পুখৎলকখি। স্কিম অসি নিংথিনা পায়খৎনবা স্কিম অসিগী মরমদা খঙনবা অমসুং চুনবা থবকশিং লৌখৎনবা রাজ্যশিং/য়ু.তিশিংদা খঙহনখি। এফোরদেবল রেন্তেল হাওসিং কমপ্লেক্সশিং অসি ‘অত্মানির্ভর ভারত’গী পান্দম ফংনবা অচৌবা খোঙথাং অমনি।

****