ভারতকী উপ রাস্ত্রপতি, শ্রী ভেনকায়া নাইদুনা ঙসি ঐখোয়গী চানবা চিঞ্জাক, লৌউ-শিংউ অমসুং ত্রেদ পোলিশীশিং অদু মতমগী মতুং ইনন্না তত্তনা য়েংশিনবগী মথৌ তাই হায়না পনখি। ন্যুত্রিশন-সেন্সিতিব ওইবা চিঞ্জাক্তা ওইনা লৌউ-শিংউবগী মরু ওইবা মিৎয়েং অদু থম্নবা হায়নসু মহাক্না হায়খি।

এম.এস. স্বমিনাথন ফাউন্দেশন (এম.এস.এস.আর.এফ.)না শিনখিবা ভর্চুৱল কন্সলতেশন ‘সাইন্স ফোর রিজিলিয়েন্ত ফুদ, ন্যুত্রিশন এন্দ লাইবলিহুদস’ হৌদোক্লদুনা, উপ রাস্ত্রপতিনা মচি ওইদবা চিঞ্জাক্কা মরী লৈনবা শোকহল্লিবশিং অদুদা পুক্নীং চিংশিনখি অমসুং অন্দরন্যুত্রিশন অমসুং ওবেসিতী হায়রিবা অনিমক অসি নন-কম্যুনিকেবল দিজিজশিংগীদমক্তা ওইনা  খুদোংথিনীংঙাই ওইবা মচাক অমনি হায়না মহাক্না হায়খি।

হাইলী প্রোসেসদ ফুদশিংদা ইনভেস্ত তৌবগী মহুত্তা, ফুদ প্রোদক্তশিংগী ন্যুত্রশনেল ভেল্যু মাংহন্দনা থম্নবা ঐখোয়না হেন্না ফগৎলবা স্তোরেজ, প্রোসেসিং অমসুং প্রিজার্বেশন ইনভেস্তমেন্তশিং হেনগৎকদবনি হায়না মহাক্না তাকখি।

প্রোফ. এম.এস. স্বমিনাথনবু ভিজনরী সাইন্তিস্ত অমসুং ভারতকী গ্রীন রিভোল্যুশনগী আর্কিতেক্ত অমা ওইনা থাগৎলদুনা, উপ রাস্ত্রপতিনা এগ্রিকলচরেল অমসুং রুরেল দেবেলপমেন্তকীদমক্তা এম.এস.এস.আর.এফ.না মোদর্ন সাইন্স অমসুং তেক্নোলোজী শিজিন্নবদা খোংজেল য়ংখৎহন্নবা পান্দম থম্লি হায়না মহাক্না হরাওবা ফোংদোকখি।

মহাক্না মরু ওইনা এম.এস.এস.আর.এফ.পু মখোয়গী প্রো-পুৱর, প্রো-ৱিমেন অমসুং প্রো নেচর ওইবা খোংথাং অসিগীদমক্তা থাগৎখি অমসুং ফুদ সেক্যুরিতী অমসুং ন্যুত্রিশন ফগৎহন্নবা অনৌবা পোরমশিং য়াৎপদা অমসুং থৌওংশিংদা অহোংবা অমা পুরকপদা মসিগী ভর্চুৱল কন্সলতেশন অসিনা মতেং পাংগনি হায়বগী থাজবা ফোংদোকখি।

তেক্নোলোজীগী খুত্থাংদা লৌমীশিংবু মতেং পাংবগীদমক্তা দা. স্বামিনাথনদা মহাক্কী ইকাইখুম্নবা অমসুং তৌবীমল খঙবা ফোংদোক্লদুনা, উপ রাস্ত্রপতিনা দা, স্বামিনাথনগী হৌদোরকপা ৱাফম অদুবু মহাক্না নীংথিনা খঙঙি অমসুং পার্লিয়ামেন্ত য়াওনা থাক খুদিংমক্তা হায়রিবশিং অসিগী মতাংদা কন্না হোৎনগনি হায়না মহাক্না হায়খি।

শ্রী নাইদুনা দা. স্বামিনাথনগী নুপীশিংদা লমগী হক পীনবা হৌদোকখিবা ৱাফম অদুবু য়ানীংখি। “লমগী হক, পতাশিং অমসুং অতোপ্পা লন-থুম, মাল-চাং পুম্নমক নুপা অঞসুং নুপীগী মীংদা পুন্না লৈগদবনি”, হায়না মহাক্না হায়খি। 

এস.দি.জি.গী পান্দমশিংগী মতাংদা ৱা ঙাংলদুনা, উপ রাস্ত্রপতিনা হায়খি মদুদি' হৌজিক ফাওবদা চাউখৎলক্লিবা অসিগী স্তোক অসি লৌবগী মতম ওইরে । ‘জিরো হঙ্গর’ অমসুং ‘গুদ হেল্থ অমসুং ৱেলবীং’গী পান্দমশিং অসি ফংবদা ঐখোয়না খদাই ফাওবা য়ৌরবগে হায়না মহাক্না হংখি।

হৌখিবা চহি খরা অসিদা মালেম অসিদা অরাম-খৌরাংবদগী অৱাবা মায়োক্নরিবা মীশিংগী মশিং তপ্না-তপ্না হেনগৎলক্লি হায়না তাকপা য়ু.এন.গী রিপোর্ত অমা পল্লদুনা, শ্রী নাইদুনা হায়খি মদুদি ২০১৯দা মালেম অসিদা মীওই মিলিয়ন ৭৫০ ময়া নক্না অৱাংবা থাক্কী ফুদ ইনসেক্যুরিতীগী ময়োক্নখি।

মালেমদা খন্থনীংঙাই ওইবা অরাম-খৌরাংবগী ফিভমশিং অসিদা পুক্নীং চিংশিল্লদুনা, উপ রাস্ত্রপতিনা, মরু ওইনা তোপ-তোপ্পা মওংদা থবকশিং তৌবা অমসুং হেন্না য়াংনা পাংথোকপগী মথৌ তাবা অদুগী মতাংদা হায়খি।

ঐখোয়না নেস্নেল, রিজনেল অমসুং মালেমগী থাক্তা য়াংনা, মিৎয়েং থমদুনা অমসুং পুন্না থবক পাইখৎমিন্নবা মথৌ তাই হায়না মহাক্না হায়খি।

ভারতনা অরাম-খৌরাংবা, অন্দরনোরিশমেন্ত, ইনফেন্ত মোর্তেলিতী হন্থহনবদা শিংথানীংঙাই ওইবা থবক কয়া অমা পাইখৎলি ভারত সরকারনা লৈবাক অসিদা হেল্থ অমসুং ন্যুত্রীশন প্রব্লেমশিং অসি ময়াক্ননবদা খ্বাইদগী হেন্না মরু ওইবা পী হায়না শ্রী নাইদুনা অপেনবা ফোংদোকখি

মসিগী মতাংদা সরকারগী প্রোগ্রাম কয়া অমা পল্লদুনা, হনদক্তা লাউথোকখিবা এজুকেশন পোলিশী অসিদা স্কুল কারিবা অঙাংশিংদা ন্যুত্রিসিয়স ওইবা ব্রেকফাস্ত পীনবা প্রোভিজনগী মতাংদা উপ রাস্ত্রপতিনা হরাওবা ফোংদোকখি।

মীওইবগী পুন্সি অমসুং হিংনবগী পাম্বৈশিংদা কোবিদকী লাইচৎ অসিনা শোকহনবগী মতাংদা পল্লদুনা অরাম খৌরাংবা অমসুং অন্দরনোরিশমেন্তকী মায়োক্নরিবা অৱাবা অসি কোরোনাগী লাইচৎ অসিনা মরম ওইরগা মালেমগী ওইবা ইকোনোমিক স্লোদাউন অসিনা  হেন্না ফিভম শোকচল্লকপা য়াই হায়না শ্রী নাইদুনা হায়খি।

লোকদাউন মতমগী মনুংদা লৈরিবা শিংনবশিং অমসুং অথিংবশিং অসি মরকসিদা শিংথানীংঙাই ওইবা মওংদা য়াম্লবা মশিংগী হৱাই-চেংৱাইশিংগী পোত্থোক পুথোকপগীদমক্তা ভারতকী লৌমীশিংবু শ্রী নাইদুনা থাগৎখি। “মখোয়না অসুম্না তৌবা ঙম্লিবসি মখোয়গী থবক্তা খোয়জংবা, হোৎনজমন অমসুং নেতিব নোলেদজকী মরম্ননি” হায়না মহাক্না হায়খি।

হকচাং ফনা লৈবা, সোসিয়েল্লি কনেক্তেদ ওইবা অমসুং শেম-শাদুনা লৈবা মীওইশিংনা খুদোংথিবা থৌদোক অসিবু নীংথিনা মায়োক্নবা ঙম্মি হায়না পল্লদুনা, মপাঙ্গল কনবা কম্যুনিতীশিং অথুবা মতমদা শেমগৎপা অসি তঙাইফদনা মথৌ তাই হায়না হায়খি। পোলিসী মেকরশিং অমসুং পোলিতিসিয়ানশিংনা পোপ্যুলেশন প্লান্নিংদসু মিৎয়েং থমগদবনি হায়না মহাক্না হায়খি।

মীঔইবা খুনাইগী য়াইফনবা অমসুং অরাম-খৌরাংবা হন্থহন্নবগীদমক্তা চাউখৎলবা সাইন্তিফিক নোলেজ শিজিন্নবগী তঙাইফদবা অদু পল্লদুনা শ্রী নাইদুনা হায়রিবা অসিবু ইন্দিজেনস কম্যুনিতীশিংগী ত্রেদিস্নেল নোলেজশিংগা পুন্সিন্নবা তঙাইফদে হায়খি।

হায়রিবা হিরম অসিদা খোংজেল য়াংনা খুমাং চাউশিনহন্নবা অমসুং তুং কোইনগী ওইবা মওংদা মাইপাক্নবগীদমক্তা পব্লিক, সিভিল সোসাইতী, পঞ্চায়তি রাজ ইন্সতিত্যুশনশিং অমসুং সরকারশিংনা পুন্সিন্নদুনা লৈং মান্ননা থবক তৌনবগীদমক্তা উপ রাস্ত্রপতিনা হায়খ্রে।

মীপুম খুদিংমক্তা চানবা চিঞ্জাক অমসুং ন্যুত্রিশশনগী সেক্যুরিতী লৈহন্নবগীদমক্তা , শ্রী নাইদুনা  লৌউ-শিংউ অসিবু হেন্না কনবা অমসুং হেন্না শেন্দোং লৈবা অমা ওইহন্নবগীদমক্তা হায়খ্রে। মহাক্না মরু ওইনা মহৈ-মরোং লোক্ত্রিঙৈগী মমাং অমসুং মতুংদা অমাং-অতা থোকপা হন্থহনবা অমসুং মার্কেত ইনফ্রস্ত্রকচর ফগৎহনবগী মথৌ তাবগী মতাংদসু পনখি। লৌমীশিংনা মখোয়গী পোত্থোকশিং অদু মখোয়গী ফার্মশিংগী থোঙ্গালদগী মার্কেত্তা চুনবা মমলদা য়ৌহনবা ঙমগদবনি হায়না মহাক্না হায়খি।

মহাক্না পোলিসী মেকরশিংবু ইরিগেশন ইনফ্রস্ত্রকচরদা ইনভেস্তমেন্ত তৌনবা থৌগৎপা অমসুং ন্যুত্রিশন লৈবা চিঞ্জাকশিং পুথোকপা হেনগৎহন্নবা অমসুং মখোয়গী মমল হন্থহনবদা মতেং পাংনবা আর. & দি.দা মিৎয়েং থম্বা পাম্লি।

এন্তিসিপেতরী রিসর্চ তৌবগী মরু ওইবা অদু পল্লদুনা, উপ রাস্ত্রপতিনা হায়খি মদুদি মাংজৌননা ৱার্নিং তৌবা অসিনা হন্দক্কী লোকস্ত এতেকশিং অদুগী মনুংদা লৌমীশিংদা কান্নবা ফংখি। অসিগুম্বা মাংজৌননা ৱারনিং তৌবা অসি মহৌশাগী ওইবা খুদোংথিবা থৌদোকশিং খুদম ওইনা ঈশিং-ঈচাউশিংগীদমক্তসু খঙহন্নবা হায়খ্রে।

অথিংবা, অপনবা লৈত্রবা তেক্নোলোজী ত্রান্সফর অমসুং লৌমীশিংগী এজুকেসনগীদমক্তা হায়রদুনা, শ্রী নাইদুনা ঐখোয়গী লেবোরেতরীশিংনা তঙাইফদনা ঐখোয়গী ফার্মশীং অমসুং লৌবুকশিংগা অচেৎপা মরী থমগদবনি হায়না হায়খি।

শ্রী নাইদুনা লৌমীশিংগা পাউ ফাওনদুনা লৈনবা অমসুং লৌমীশিং অদুগী মহৈ-মরোংশিং অদু মাইপাক্না লোক্নবা মতম চানা পাউতাক অমসুং মরু ওইবা ইনপুতশিং পীনবা সাইন্তিস্তনা আই.সি.তি.বু খ্বাইদগী হেন্না ফবা মওংদা শিজিন্নহনবা পাম্লি।

ভারত অসি লৌউ-শিংউদা চৎনবীগী ওইবা লৌশিংগী লনগী পুক্কৈনি হায়না পল্লদুনা, শ্রী নাইদুনা লৌউ-শিংউদা অনৌবা তেক্নোলোজীগা লোইননা হায়রিবা তেক্নিকশিং অসিগী খ্বাইদগী হেনবশিং অদু পুন্সিন্নবা অঙম্বা হোৎনগদবনি হায়না হায়খি।

লৌমীশিংগী ইনকম শরুক অনি থোক্না হেনগৎহন্নবগীদমক্তা সরকারনা পাইখৎলিবা অনৌবা খোংথাংশিং অদুগী মশিং অদু খঙহল্লদুনা, উপ রাস্ত্রপতিনা আশা তৌরি মদুদি হায়রিবা কনফরেন্স অসিনা পোলিশীশিং পাইখৎপগী থৌওংদা চংগদবা ইনোৎ হাপ্তুনা নেস্নেল পোলিশীশিং হেন্না মপাঙ্গল কলহনবদা মতেং পাংগনি।

দা. এম.এস. স্বামিনাথন, প্রোফ. কে. ৱিজায়ারাঘৱন অমসুং ভারত অমসুং মপান লমগী  সাইন্তিস্তশিং অমসুং রিসর্চরশিংনা ওনলাইন কন্সলতেশন অসিদা য়াওখি।

মখাগী অসিনা ঙাংখিবা ৱা অদুগী মপুংফাবা ৱারোলনি:

এম.এস. স্বামিনাথন ফাউন্দেশন্না শিনবা ভর্চুৱল কন্সলতেশন ‘সাইন্স ফোর রিজিলিয়েন্ত ফুদ, ন্যুত্রিশন অমসুং লাইবলিহুদস’ অসি হোদোক্নবা ঙসি নখোয় ময়ামগী মরক্তা য়াওবদা ঐহাক্না য়াম্না পেঞ্জৈ।

ঐহাক্না থাক য়াম্না ৱাংনা থমজবা প্রোফেসর এম.এস. স্বামিনাথন, ভিজনরী সাইন্তিস্ত, জেনেতিসিস্ত, ইন্তরনেস্নেল এদমিনিস্ত্রতর অমসুং ভারতকী গ্রীন রিভোল্যুশনগী আর্কিতেক্না ঙসি ঐখোয়গী মরক্তা তিনবা অসিদা ঐহাক য়াম্না হরাওজৈ।

প্রোফেসর এম.এস. স্বামিনাথন্না লিংখৎপা এম.এস.এস.আর.এফ.না  মীওইবগী পুন্সি অমসুং কম্যুনিতীশিংগী হিংনবগী শেন্দান লম্বীশিং ফগৎহন্নবা এগ্রিকলচরেল অমসুং রুরেল দিবেলপমেন্তকীদমক্তা মোদর্ন সাইন্স এন্দ তেক্নোলোজীগী শিজিন্নবা হেনগৎহন্নবা পান্দম থম্লি হায়বসি য়াম্না হরাওনীংঙাইনি।

ঐহাক্না অখন্ননা এম.এস.এস.আর.এফ.পু  প্রো-পুৱর, প্রো-ৱিমেন অমসুং প্রো-নেচরগী খোংথাং অসি পুক্নীং-হকচাং য়াওনা ইনবগীদমক্তা থাগৎলি।

ভর্চুৱল কন্সলতেশন ‘সাইন্স ফোর রেজিলিয়েন্ত ফুদ, ন্যুত্রিশন এন্দ লাইবলিহুদস’ অসি ফুদ সেক্যুরিতী অমসুং ন্যুত্রিশন ফগৎহন্নবা অনৌবা স্ত্রেতেজীশিং অমসুং প্রক্তিসশিংদা অহোবা পুরকপদা তুং কোইনা চত্থখিগনি হায়বা ঐহাক্না থাজৈ।

ঐগী নুংশিজরবা ইচে-ইচলশিং অমসুং ইচিল-ইনাওশিং,

২০১৫দা, মালেম অসিনা সস্তেন্নেবল দিবেলপমেন্ত গোলশিং (এস.দি.জি.শিং)গী  ভিজনরী ফ্রেমৱার্ক অসি শিজিন্নখি।

গ্লোবল কম্যুনিতীনা কনা অমত্তা মনিংদা থনমদনবা ৱাশক লৌখি।

২০৩০ য়ৌগদবা চহি তরা ৱাৎলিঙৈশিদা, হৌজিক ফাওবদা খুমাং চাউখৎখিবশিং অদুগী স্তোক অদুগী মতম ওইরে। ‘জিরো হঙ্গর’ অমসুং ‘গুদ হেল্থ অমসুং ৱেলবীং’গী পান্দমশিং অসি ফংবদা ঐখোয়না খদাই ফাওবা য়ৌরবগে ?

 ‘দ স্তেত ওফ ফুদ সেক্যুরিতী এন্দ ন্যুত্রিশন ইন দ ৱার্লদ-২০২০’ হায়বা য়ুনাইতেদ নেসন্সকী রিপোর্ত অসিনা ২০১৪দগী মালেম অসিদা অরাম-খৌরাংবদগী অৱাবা ময়োক্নরিবা মীশিংগী মশিং অসি তপ্না-তপ্না হেনগৎলক্লি হায়বা তাক্লি।

খ্বাইদগী নৌবা এস্তিমেতশিংগী মতুং ইন্না ২০১৯দা মালেমগী মীশিংগী চাদা ৯.৭, নত্রগা মীওই মিলিয়ন ৭৫০ ময়া নক্না ফুদ ইনসেক্যরিতীগী অৱাংবা থাক্তা মায়োক্নখি হায়বা তাকখি।

রিপোর্ত অসিনা ২০১৯দা মালেম অসিদা চাউরাক্না মীওই মিলিয়ন ৬৯০দি অন্দরনোরিশ ওইবা থেংনখি।

মালেমগী ওইনা ২০১৯দা  মিলিয়ন ৫ নত্রগা ৪৭গী মখাদা অঙাং চাদা ৬.৯দি মাংহনবনা শোকহল্লি অমসুং হায়রিবা চাউবা থিল্লবা অঙাং ১০গী মনুংদা ৯দি অফ্রকা নত্রগা এসিয়াদা লৈ।

মসি শেং অফবা পাউ নত্তে।

মসিনা তাকপদি ঐখোয়গী লম্বি অসি চুমদ্রি। ঐখোয়না খরা হেন্না টৌবা মথৌ তারি।

ঐখোয়না থবক অসি তোপ-তোপ্পা মওংদা অমসুং খরা য়াংনা তৌবা মথৌ তাই।

ঐখোয়না নেস্নেল, রিজনেল অমসুং মালেমগী থাক্তা য়াম্না য়াংনা, মিৎয়েং থমদুনা অমসুং পুন্না থবক পাইখৎপা মথৌ তাই।

ভারতনা চহি খরাসিদা অরাম-খৌরাংবা, অন্দরনোরিশমেন্ত, ইনফেন্ত মোর্তেলিতী অমসুং স্তন্তিং অমসুং অঙাংশিংগী মরক্তা ৱেস্তিং লৈবা হন্থনবা শিংথাংনীংঙাই ওইবা খোংথাং কয়া পাইখৎখি।

ভারত সরকারনা হেল্থ অমসুং ন্যুত্রিশনগী অৱাবশিং মায়োক্নবদা খ্বাইদগী মরু ওইবা পী। হন্দক্তা পাইখৎখিবা অনৌবা খোংথাংশিং অসিগী মনুংদা প্রধান মন্ত্রী মাত্রু ৱন্দনা য়োজনা (পি.এম.এম.ভি.ৱাই.) হৌদোকখিবসু য়াওরি হায়রিবা অসিনা নুপী লাখ ৯৮.১৬ হেন্না কান্নবা ফংহনখি, পোশান অভিয়ান, রিয়ল তাইম, ফ্রন্তলাইন ৱার্কররশিংগীদমক্তা ওইবা  আধার লিঙ্ক তৌবা বেনিফিসরী লেভেল মোনিতরিং অমসুং পর্ফোর্মেন্সতা য়ুমফম ওইবা জোইন্ত ইন্সেন্তিবশিং।  পান ইন্দিয়ানা দাইরিয়া ঙাকথোক্নবা রোতা ভাইরস ভেক্সিনেশন হৌদোকখিবা অসিসু অতোপ্পা অনৌবা খোংথাং অমনি। হন্দক্তা লাউথোকখিবা এজুকেশন পোলিসী অসিদা স্কুলগী অঙাংশিংদা ন্যুত্রিসিয়স ওইবা ব্রেকফাস্ত পীনবগী প্রোভিজন য়াওরি।

অদুবু তৌগদবা থবক য়াম্না লৈরি।

মরু ওইনা লাইচৎ অসিগী মতাংদা, অরাম-খৌরাংবা অমসুং অন্দরনোরিশমেন্তকী অৱাবা অসি হীংনবগী লম্বি লৈরক্তবা অমসুং মালেমগী ওইনা ইকোনোমিকস্লোদাউন অসিনা মরম ওইরগা হেন্না শোকচল্লকপা য়াই।

ঐখোয়না ফুদ ইনসেকভুরিতীদা হন্দক হেনগৎলকপা অসি নুঙাইনদবগী মশিং হেনগৎলকপা অসিনা মরু ওইনা থোকহনবনি হায়বা খঙগদবনি, হায়রিবশিং অসি অনম্বনা ক্লাইমেতকা মরী লেননা থোক্লকপা  থৌদোকশিংনা থোকহল্লি, নেচরেল রিসোর্সশিং হন্থরকপা অমসুং ঈশিং ফংদবনা থোকহল্লি। শান্তি লৈবা মফমশিংদসু ফুদ সেক্যুরিতী অসি ইকোনোমিক স্লোদাউন অসিনা মরম ওইরগা হন্থরক্লে, মসিনা লাইরবশিংগীদমক্তা চান-থক্নবশিং ফংনবা হোৎনবদা অৱাবা অমা ওইহল্লি।

শিংনবশিং অসি মায়োক্নবা ঙম্লবা, মপাঙ্গল কনবা কম্যুনিতীশিং ইনভেস্ত তৌবা হায়বসি ঙসিদি য়াম্না য়াংনা মথৌ তারে।

ঐখোয়না মপাঙ্গল কনবা মীওইশিং, ইমুংশিংগা লোইনা লোইননা ম্যুনিতীশিং শেমগৎপা তঙাইফদে। হকচাং ফবা, সোসিয়েল্লি কনেক্তেদ ওইবা, শেম-শাদুনা লৈরবা মীওইশিং অদুনা মায়োক্নবদা, লাকশিনবদা অমসুং খুদোংথিবশিংদগী ফগৎলকপা হেন্না ঙম্মি।

মীওইবা খুনাই অসিনা হৌখিবা চহি খরা অসিদা সাইন্সতা য়াম্না চাউনা খুমাং চাউশিনখি। হায়রিবা নোলেজশিং অসি প্রোএক্তিবলী এদাপ্ত তৌগদবনি অমসুং ইন্দিজেনস কম্যুনিতীশিংগী ত্রেদিশনেল নোলেজকা পুন্সিনগদবনি। ঐখোয়না হায়রিবা সাইন্তিফিক নোলেজশিং অসি মীওইবগী য়াইফনবা, মপাঙ্গল কনখৎনবা অমসুং অরাম-খৌরাংবা অমসুং ন্যুত্রিশনেল দিফিসিয়েন্সীশিং হন্থহন্নবগীদমক্তা শিজিন্নগদবনি।

মথৌ তারিবা অসি পব্লিক, সিভিল সোসাইতি, পঞ্চায়তি রাজ ইন্সতিত্যুশনশিং অমসুং রাজ্যশিং অমসুং কেন্দ্রগী সরকারশিংনা পুন্না লেং মান্ননা থবক তৌবদু খক্তনি। ইন্তরনেস্নেল কোওপরেশন্না চাউকৎপগী খৌংজেল য়াংখৎহনবদা অমসুং তুং কোইনা মাই পাকপদা মতেং পাংগনি।

ঐগী নুংশিজরবা ইচে-ইচলশিং অমসুং ইচিল-ইনাওশিং,

করিগুম্বা ঐখোয়না মিলিয়নশিংদা চানা-থক্নবা অমসুং ন্যুত্রিশনগী সেক্যুরিতী শোইদনা ফংহনগে হায়রবদি, লৌউ-শিংউ অসিবু হেন্না ফবা, মপঙ্গল কলহনবা, শেনদোং লৈবা অমসুং পোত্থোক লৈবা অমা ওইহনবা হায়বসি তঙাইফদনা মথৌ তাই।

মহৈ-মরোং লোক্ত্রঙৈগী মমাং অমসুং মতুংদা মাংবশিং অদু হন্থহনগদবনি।

মার্কেত ইনফ্রস্ত্রকচর অমসুং নেস্নেল রোদ অমসুং ত্রান্সপোর্তেশন নেতৱার্ক অসি ফগৎহনগদবনি। লৌমীশিংনা মখোয়গী পোত্থোকশিং অদু মখোয়গী ফার্মশিংগী থোঙ্গালশিংদগী মার্কেতশিংদা চুনবা মমলদা য়ৌহনবা ঙমহনগদবনি।

ঐখোয়না হাইলী প্রোসেস ফুদশিংদা ইনভেস্ত তৌবগী মহুত্তা ফগৎলবা স্তোরেজ, প্রোসেসিং অমসুং ফুদ প্রোদক্তশিংগি ন্যুত্রিশনেল ভেল্যু মাংহনদনা থম্নবা প্রিজার্ভেশনদা ইনভেস্ত তৌবা হেনগৎহনগদবনি।

মতমগা চুনবা মওংদা ফুদ, এগ্রিকলচর অমসুং ত্রেদ পোলিশিশিং অদু তোইনা য়েংশিনগদবনি অমসুং অপদেত তৌগদবনি।

ঐখোয়না এগ্রিকলচরেল প্রায়োরিতীশিং অদু ন্যুত্রিশন-সেন্সিতিব ফুদতা খরা হেন্না মাই  ওনসিনগদবনি।

পুৱর দাইত ক্বালিতীগা মরী লৈনবা হকচাংদা শোকহনবা অসি য়ামনা মরু ওই।

ফত্তবা ক্বালিতীগী দাইতশিংঅসিনা মালন্যুত্রিশনগী চৈথেং কয়া অমা খুদম ওইনা স্তন্তিং, ৱেস্তিং, মাইক্রোন্যুত্রিয়েন্ত দিফিসিয়েন্সীশিং, ওভরৱৈত অমসুং ওবেসিতী থোকহনবদা মরু ওইবা শরুক ওইরি। ঙল্লিঙৈ মতমদা অন্দরন্যুত্রিশন লৈবা অমসুং ওভরৱৈত অমসুং ওবেসিতী অসিনা এন.সি.দি.শিংগীদমক্তা য়াম্না খুদোংথিনীংঙাইগী মচাক অমা ওইহল্লি।

ঐখোয়গী পোলিশীশিংনা ইরিগেশন ইনফ্রস্ত্রকচরদা ইনভেস্তমেন্ত তৌবদা য়োকখৎকদবনি। মসিগা লোইননা নেস্নেল ফুদ অমসুং এগ্রিকলচরেল স্ত্রতজীশিং অমসুং প্রোগ্রামশিংনা ন্যুত্রিসিয়স ফুদশিংগী পোত্থোক হেনগৎহনবদা অমসুং শেল চংবা হন্থহনবদা মতেং পাংনবা রিসর্চ অমসুং দিবেলপমেন্ত (আর. অমসুং দি.)দা ইনভেস্তমেন্ত তৌবা হেনগৎহনগদবনি।

এন্তিসিপেতরী রিসর্চ অসিগী মতাংদা ফংগদবা ময়াম লৈরি, হায়রিবা অসিদা ঐখোয়না থোক্ত্রিঙৈদা থোক্তনবা থবক পাইখৎপা ঙমগনি। খুঙ্গংশিংদা লৈরিবা লৌমীশিংনা মাংজৌননা ৱারনিং তৌবদগী কান্নবা ফংখি, মসি ঐখোয়না হৌজিক থেংনরিবা লোকস্ত এত্তেকশিং অসিদগী খঙবা ঙম্মি।অসিগুম্বা মাংজৌননা ৱার্নিং তৌবা অসি মহৌসাগী খুদোংথিবশিং খুদম ওইনা লৌমীশিংদা কঙহনবগী খুত্থাংদা ঈশিং-ঈচাউশিংদসু হায়রিবশিং পাংধোক্লি।

এন্তিসিপেতরী রিসর্চ, পার্তিসিপেতরি রিসর্চ অমসুং ত্রান্সলেশনেল রিসর্চ (থিয়োরেতিকেল নো হাউবু ফীলদ লেভেল দু হাউদা ওন্থোকপা)শিং অসি লোইনা মরু ওই। ঐখোয়গী লেবোরেতরীশিংনা ঐখোয়গী ফার্মশিং অমসুং ফীল্দশিং অচেতপা মরী থমগদবনি অমসুং তেক্নোলোজী ত্রানস্ফর অমসুং লৌমীগী এজুকেশন অসি অথিংবা অপনবা লৈতনা  পাংথোক্কদবনি।

ঐখোয়না লৌমীশিংদা মখোয়গী মহৈ মরোংশিং অদু মাইপাক্না লোক্নবা মতম চানা পাউতাক ফংবা ঙম্নবা  অমসুং মরু ওইবা ইনপুতশিং ফংবা ঙম্নবা, লৌমীশিং অসিগা মরী থম্নবা ইনফোর্মেশন অমসুং কম্যুনিকেশন তেক্নোলোজী অসি খ্বাইদগী হেন্না ফবা মওংদা শিজিন্নগদবনি।

ভারত অসি লৌউ-শিংউগী মতাংদা ওইরবদি চৎনবীগী ওইবা লৌশিংগী ওইনদি লনগী পুক্কৈনি। অরিবা লৌশিংশিং অসি ইন্থোকপগী মহুত্তা ঐখোয়না হায়রিবা তেক্নিকশিং অসি মোদর্ন তেক্নোলোজীগা লোইননা লৌউ-শিংউদা খ্বাইদগি হেন্না ফবা মওংদা পুন্সিন্নবা অঙম্বা হোৎনগদবনি।

সরকারনা চহি ২০২২ ফাওবদা লৌমীশিংগী ইনকম অদু শরুক অনি থোক্না হেনগৎহনবগী পান্দম থম্লি। মখোয়না মসিগী চাউরবা পান্দম অসিবু ফংবদা মতেং পাংগদবা পাম্বৈ কয়া অমা হনদক্‌তা লাউথোকখ্রে।

মোদেল কনত্রক্ত ফার্মিং এক্ত শন্দোক্তুনা রাজ্য সরকারশিংগী খুত্থাংদা কন্ত্রেক্ত ফার্মিং  থৌগৎপা, গ্রামিন হাতশিংগী অপ-গ্রদেশন তৌবা, ই-নাম, লৌমীশিংদা সোইল হেল্থ কার্দশিং য়েন্থোকপা, প্রধান মন্ত্রী কৃষি সঞ্চায়ী য়োজনা (পি.এম.কে.এস.ৱাই.) “পর দ্রোপ মোর দ্রোপ”, প্রধান মন্ত্রী ফসল বিমা য়োজনা (পি.এম.এফ.বি.ৱাই.), কিসান ক্রেদিত কার্দ (কে.সি.সি.) হায়রিবশিং অসি লৌমীশিংগী পুন্সিশিং ফগৎহন্নবা সরকারনামাইপাক্না পাইখৎখিবা থৌশিলশিং আদুগী মরক্তগী খরনি।

মসিগী কনফরেন্স অসিনা নেস্নরল পোলিশীশিংবু হেন্না মপাঙ্গল কনবা অমসুং খোংজেল য়াংখৎহনগদবা মমল য়াম্লবা লৌশিং কয়া অমা পীবদা  চিংনবা লৈতনা মতেং পাংগনি। মসিনা পোলিসী ইমপ্লিমেন্ত তৌবগী থৌওংদা মথৌ তাবা ইনোত হাপ্পীগনি হায়না ঐনা আশা তৌই।

মতম চানা পাংথোক্লিবা কনফরেন্স অসিনা ঐখোয়গী লৈবাক অসিগী তুংদা লাক্কদবা মতমশিং শেম্নবা লুচিংবা অমা ওইনা লমজিং লমতাকপীগনি অমসুং ফুদ সেক্যুরিতী খক্তা নত্তনা নভুত্রিশন সেক্যুরিতী অমসুং স্তেবল ওইবা, কানগদবা হিংনবগী লম্বি পীবা ঙমগনি হায়বা থাজৈ।

ঐনা কনফরেন্স অসিবু মাইপাকপা ওইরসনু হায়না য়াইফ পাউজেল পীরি।

থাগৎচরি!

জয় হিন্দ!

*****