ঙসি প্রধান মন্ত্রীনা ভিদিও কনফরেন্সকী খুত্থাংদা ‘কনক্লেভ ওন ত্রান্সফোর্মেস্নেল রিফোর্মস ইন হায়র এজুকেসন অন্দর নেস্নেল এজুকেসন পোলিসী’গী থৌরম হৌদোকপগী ৱারোল পীখ্রে। কনক্লেভ অসি এজুকেসন মন্ত্রালয় অমসুং য়ুনিভর্সিতী গ্রান্তস কম্মিসননা শিনবনি। এজুকেসনগী কেন্দ্রগী মন্ত্রী শ্রী রামেশ পোখ্রিয়ল; কেন্দ্রগী এজুকেসনগী মিনিস্তর ওফ স্তেৎ, শ্রী সঞ্জে ধোত্রে; হায়র এজুকেসনগী সেক্রেতরী, শ্রী অমিৎ খারেসু থৌরম অসিদা শরুক য়াখি। য়ু.জি.সি.গী চ্যেরমেন, শ্রী দি.পি. সিংহ; কম্মিতি ফোর দ্রাফ এন.ই.পি.গী চ্যেরমেন শ্রী কে কসতুরিরঙ্গন অমসুং মীহুৎশিং লোয়ননা মশক নাইরবা একাদমিসিয়ন/সাইন্তিস্তশিং য়াওনা মীহুৎ কয়ানা নেস্নেল এজুকেসন পোলিসীগী তোঙান তোঙানবা লমশিংদা কনক্লেভ অসিদা ৱা ঙাংগনি।

থৌরম অসিদা ৱা ঙাংলদুনা প্রধান মন্ত্রীনা হায় নেস্নেল এজুকেসন পোলিসী অসি চহি ৩-৪ হেন্না কুপ্না খন্নরবা মতুং অমসুং পাউতাক লাখকী মথক্তা লৌরবা মতুংদা  অয়াবা পীখিবনি। লৈবাক অসি শিনবা থুংনা নেস্নেল এজুকেসন পোলিসীগী মতাংদা দেবেৎ অমসুং খন্ন ন্নৈনবা কয়া পাঙথোকখি। জাতিগী কান্নবশিং অমসুং জাতিগী পান্দমশিংদা মীৎয়েং থমদুনা নহাশিং তুংগীদমক শেম-শানবা নেস্নেল এজুকেসন পোলিসীনা পান্দম থম্লি।

শ্রী নরেন্দ্র মোদীনা হায় পোলিসী অসিনা অনৌবা ভারত, ২১শুবা চহিচাগী ভারত, ভারত মপাঙ্গল কনখৎনবা নহাশিংগী এজুকেসন অমসুং স্কিল পীবদা, চাউখৎপগী অনৌবা অৱাংবা থাক্তা পুখৎপা অমসুং মখা তানা ভারতকী প্রজাশিংবু খুদোংচাবা খ্বাইদগী য়াম্না ফংহন্নবা য়ুম্বী ওইরগনি।

প্রধান মন্ত্রীনা হায় চহি কয়া ঐখোয়গী এজুকেসনগী সিস্তেম অসি অহোংবা লৈতনা লৈরি মসিনা অহোনা কয়া লৈহন্দুনা মীয়াম্না দোক্তর, ইঞ্জিনীয়র নত্রগা উকিল অমা ওইহনবা খক্তদা মীৎয়েং থমখি। মহাক্না হায় অপাম্বা, তৌবা ঙম্বা অমসুং মথৌ তারিবা অসিদা য়েংশিল্লুদে।

প্রধান মন্ত্রীনা হায় ঐখোয়গী এজুকেসনদা , এজুকেসনগী ফিলোসোফীদা, এজুকেসনগী কান্নবদা পুক্নিং চংদ্রবদি নহাশিংদা কান্নবা ৱাখল্লোন অমসুং অনৌবা ৱাখল্লোন করম্না খলহনগনি হায়না ৱাহং হংখি। প্রধান মন্ত্রীনা হায় নেস্নেল এজুকেসন পোলিসী অসিনা গুরু রবিন্দ্রনাথকী এজুকেসনদা লৈরম্বা ৱাখল্লোন অদু য়াওরি, মহাক্কী পান্দমদি লৈরিবা মীওইবশিংগী মরক্তা শন্তি লৈনবা হিংমিন্নবনি। মহাক্না হায়, নেস্নেল এজুকেসন পোলিসী অসি মায় পাকপা ঙম্নবা অপুনবগী ওইবা খোঙথাং অমা মথৌ তাই।

মহাক্না হায় পোলিসী অসি ৱাখলদা অচৌবা ৱাহং অনি হংদুনা শেমখিবনি: ঐখোয়গী এজুকেসন সিস্তেম অসিনা ঐখোয়গী নহাশিংদা হৈশিংবা, খঙনিংবা অমসুং কত্থোকপদা য়ুম্ফম ওইবা পুন্সি অমা হিংনবগী ইথিল পীবরা? অমসুং ঐখোয়গী এজুকেসন সিস্তেমনা ঐখোয়গী নহাশিংবু থোগৎপরা, মসিনা লৈবাক অসিদা অফবা খুন্নাই অমা শেমবদা মতেং পাংবরা? মসিনা মহাক্না হায় নেস্নেল এজুকেসন পোলিসী অসিনা হায়রিবা সমস্যাশিং অসি য়েংশিনগনি খনবদা অপেনবা ফোঙদোকখি।

প্রধান মন্ত্রীনা হায় ভারতকী এজুকেসন সিস্তেম অসি মতমগী মতুং ইন্না অহোংবা পুরকপা মথৌ তাই। ৫+৩+৩+৪গী করিকুলম অসিগী অনৌবা মওং অসি মায়কৈ অসিদা চংশিল্লিবা খোঙথাং অমনি হায়না মহাক্না মখা তাখি। মহাক্না হায় ঐখোয়গী মহৈরোয়শিংনা গ্লোবেল সিতিজেনশিং ওইবা ঙম্নবা অমসুং হৌরকফম কাওহল্লোইদবনি।

পি.এম.না হায় অনৌবা এজুকেসন পোলিসী অসিনা ‘করম্না খনগনি’ হায়বদা মীৎয়েং থম্লি। ৱাহং হংবদা য়ুম্ফম ওইবা, খঙনিংবদা য়ুম্ফম ওইবা অমসুং এনালাইসিস্তা য়ুম্ফম ওইবা অঙাংশিংগী মহৈ তম্বগী পাম্বৈশিংদা মীৎয়েং থম্বনা মখোয়না ক্লাসশিংদা হৈনিংবা অমসুং শরুক য়ানিংবা হেনগৎহনগনি হায়না মহাক্না ফোঙদোকখি।

অনৌবা এজুকেসন পোলিসী অসিনা ক্রেদিৎ বেঙ্ক অমা পীরি মসিনা মহৈরোয়শিংনা কোর্স অমা মরক্তা তোকপা য়াহনগনি অমসুং মখোয়না কোসর্শিং অদু অমুক হন্না তমগে খল্লকপা মতমদা মসি মখোয়না তুংদা শীজিন্নবা য়াগনি। মহাক্না হায় ঐখোয়না অনৌবা চহিচা অমদা চংশিল্লি মসিদা মীওই অমনা লেপ্তনা স্কিল হেনগৎহনবা অমসুং মশাদা স্কিল লৈহনবা য়ারগনি।

পি.এম.না হায় লৈবাক অমগী চাউখৎ থৌরাংদা খুন্নাই অসিগী শরুক খুদিংমক্কী থাক অসিনা অচৌবা  থৌদাং অমা লৌরি। মরম অসিনা নেস্নেল এজুকেসন পোলিসী অসিদা মহৈরোয়শিংগী এজুকেসন অমসুং শিন্মীগী থাক্তা মীৎয়েং কয়া চংলি।

পি.এম.না হায় ভারতনা মালেম পুম্বদা তেলেন্ত অমসুং তেক্নোলোজীগী সোলুসনশিং পীবা ঙম্লি অমসুং নেস্নেল এজুকেসন পোলিসী অসিনা থৌদাং অসি লৌদুনা, তেক্নোলোজীদা য়ুম্ফম ওইবা কন্তেন্ত অমসুং কোর্সশিং দিবেলপ তৌনবা পান্দম থম্লি। মহাক্না হায় ভর্চ্যূল লেবশিংগী ৱাখল্লোনশিং অসিনা লেব এক্সপিরিমেন্ত মথৌ তাবা সবজেক্তশিং পাবা থোক্লমদবা মহৈরোয় মিলিয়ন কয়াদা এজুকেসন পীবদা ফগৎহল্লগনি। নেস্নেল এজিকেসন পোলিসী অসিনা লৈবাক অসিগী রিসর্চ অমসুং এজুকেসনগী মরক্তা লৈবা অহোবা অদু মত্থৎপদা মরু ওইবা থৌদাং অমা লৌরগনি।

প্রধান মন্ত্রীনা হায় ক্বালিতী লৈবা এজুকেসনগীদমক থবক তৌরিবা লোয়শঙসা মনা পীবা হেনগৎপগী অপাম্বা ফোঙদোকখি। মসিনা ক্বালিতী লৈহনবদা থৌগৎকনি অমসুং মীপুম খুদিংদা ফগৎনবা মতেং পীগনি। নেস্নেল এজুকেসন পোলিসী লাকপনা এজুকেসনগী ওতোনোমী হেন্না ফগৎলক্লগনি হায়না মহাক্না আশা তৌখি।

লৈবাক অসিগী হান্নগী রাস্ত্রপতী, দা এ.পি.জে. এবদুল কলমনা হায়রম্বা  “এজুকেসনগী মথৌ অসি স্কিল অমসুং মহৈগা লোয়ননা অফবা মীওইবা অমা শেম্বা অসিনি। লৌশিংগী মঙাল ফংলবা মীওইবা অসি ওজাশিংনা শেমগনি।” অদু পল্লদুনা

প্রধান মন্ত্রীনা হায় পোলিসী অসিনা অফবা মহৈ মশিং তাকপী তম্বীবগী  সিস্তেম অমা শেমগনি মসিদা ওজাশিংনা অফবা শিনফমশিং অমসুং অফবা প্রজশিং পুথোকপা ঙমহন্নবা মীৎয়ৈং থম্লি। নেস্নেল এজুকেসন পোলিসী অসিদা ওজাশিং ত্রেনিং পীবদা অচৌবা মীৎয়েং চংলি, মখোয়না লেপ্তনা মখোয়গী স্কিলশিং হেনগৎহল্লি, মসিদা মীৎয়েং কয়া চংলগনি।

.পি.এম.না মীয়ামদা নেস্নেল এজুকেসন পোলিসী অসি ইমপ্লিমেন্ত তৌনবা পুন্না হোৎনসি হায়খি। মহাক্না হায়খি মসিদগী হৌদুনা য়ুনিভর্সিতীশিং, কোলেজশিং, স্কুল এজুকেসন বোর্দশিংগা লোয়ননা তোঙান তোঙানবা রাজ্যশীং, তোঙান তোঙানবা স্তেকহোল্দরশিংগা দাইলোগশিং মথং মথং হৌরগনি। মহাক্না নেস্নেল এজুকেসন পোলিসী অসিগী ৱেবিনার লেপ্তনা তৌদুনা খন্ন-ন্নৈনবা হায়খি। কনক্লেভ অসিদা নেস্নেল এজুকেসন পোলিসী মপুং ফানা ইমপ্লিমেন্ত তৌবগী মতাংদা অফবা পাউতাকশিং, কান্নবা সোলুসনশিং ফংগনি হায়বগী মহাক্না থাজবা থম্লি হায়না ফোঙদোকখি।

হায়র এজুকেসন কনক্লেভদা পি.এম.না থমখিবা ৱারোলগীদমক মসিদা নম্বীয়ু:

https://www.pib.gov.in/PressReleseDetailm.aspx?PRID=1644025#.Xy0RkcP55y4.whatsapp

শরুক য়ারীবা মীওইশিংদা ৱা ঙাংলদুনা শ্রী পোখ্রীয়লনা প্রধান মন্ত্রীবু অনৌবা এজুকেসন পোলিসি ২০২০দা মহাক্কী মীৎয়েং অমসুং ৱাখল্লোনশিং ফোঙদোকপগী অমসুং এজুকেসন্দা ভারত অসি মালেমগী লুচিংবা অমা ওইহনবগী থাগৎপা ফোঙদোকখি। মহাক্না হায় নেস্নেল এজুকেসন পোলিসি অসি ২১শুবা চহিচাগী অহানবা এজুকেসন পোলিসিনি অমসুং ঐখোয়গী লৈবাক্কী চাঊখৎ থৌরাংগী তঙাইফদবশিং ফংহন্নবা পান্দমশিং থম্লি। মহাক্না মখা তারদুনা নেস্নেল্জুকেসন পোলিসি ২০২০দা এজুকেসনগী তোঙান তোঙানবা লম অমমম শেমখ্রে, অদুগা ফঙগদবা পান্দমশিংদি ---- স্কুলগী থাক্তা মপুংফানা লৌশিং অমসুং তম্বা হেনগৎহনবা, হায়র এজুকেসনগী থাক্তা অওনবা অমা, চাউনা অমসুং তোঙান তোঙানবা হীরমশিদা লৌশিং হেনগৎহনবদা মীৎয়েং থম্বা, অরোয়বদা অনৌবা ভারত্তা লৈরিবা মহৈ তম্লিবশিংদা ই-পাউ অমসুং লৌশিং পীথোক পীবদা মতিক চারবা অমসুং মী চিন্দবা এজুকেসনগী ইকোসিস্তেম শাগৎপনি। মহাক্না মখা তারুনা মসি পোলিসি দোক্যুমেন্ত অমখক নত্তে ভারতকী মহৈ তম্লিবশিংগী অপুনবা অমগী অপাম্বশিংগী মমি অমনি।

শ্রী পোখ্রিয়লনা হায় ২১শুবা চহিচা অসি গ্লোবেলাইজেসনগী অমসুং ইন্সতিত্যুসনগী চাংদম্নবা লেপ্পা লৈতনা হেনগৎলক্লিবা মতম অমনি। মহৈ তম্বা, রিসর্স, ইনোবেসন্দা মীয়েং হেন্না চংগদবা মতমনি অমসুং মসিমক চপচানা ভারতকী নেস্নেল এজুকেসন পোলিসি, ২০২০না পাঙথোক্লি। মসিনা ভারত্তা এজুকেসনগী ক্বালিতিদা মীয়েং চংলি অমসুং মসিনা ঐখোয়গী লৈবাক্কী এজুকেসন সিস্তেম্বু লৈবাক্কী অসিগী মহৈরোয়শিংগী খ্বাইদগী এদভান্স অমসুং অনৌবা ওইহন্নবা পান্দম থম্মি। মসিনা ১৯৮৬তা শেমখিবা চহি ৩৪ শুরবা এজুকেসনগী নেস্নেল পোলিসিগী মহুৎ শিনখ্রে অমসুং ভারত অসি মালেমগী লৌশিংগী সুপর্পাৱর ওইনবা স্কুল অমসুং হায়র এজুকেসন সিস্তেমশিংদা অওনবশিং পুরক্নবা লম্বেল শেম্লি।

মীওইববু অৱাংবা থাক্তা পুখৎপগা লোয়ননা সমাজ শেমগৎপদা অমসুং কন্সতিত্যুসনদা য়াওরিবা চাওখৎলবা ভারত অমা পুরক্নবা হায়র এজুকেসন্না য়াম্না মরু ওইবা থৌদাংশিং লৌরি হায়না মন্ত্রীনা ফোঙদোক্লি। ভারতনা লৌশিংগী অমসুং সমাজগী ইকোনোমী অমা ওইনা চংশিল্লিবা অসিদা নহা ওইরিবা ভারত মচাশিংনা হায়র এজুকেসন পাম্নরী। মহাক্না মখাতানা হায় অনৌবা পোলিসি অসিনা ইন্সতিত্যুসন কাংলুপ অহুমগী – রিসর্সতা মীয়েং চংবা য়ুনিভর্সিতিশিং, তাকপী তম্বীবদা মীৎয়েং চংবা য়ুনিভর্সিতীশিং, ওতোনোমস কোলেজশিংগী লম্বেল শেম্লি। মহাক্না মখাতানা হায় মসিগী পোলিসি অসিনা খেন্নবা লৈতবা অমসুং মীপুম খুদিংগী ওইবা অৱাংবা ক্বালিতীগী হায়র এজুকেসন পীনবা সিস্তেম অসি অমুক ফগৎহন্নবা রোদমেপ অমা পীরি।

শরুক য়ারিবা মীওইশিংদা ৱা ঙাংলদুনা শ্রী ধোত্রেনা হায় হায়র এজুকেসন সিস্তেমগী ক্বালিতী অসি স্কুল এজুকেসনগী অফবা ফাউন্দেসন্দা তঙাইফদনা মরী লৈনৈ। মসিগী পোলিসি অসিনা ঐখোয়গী এজুকেসন সিস্তেমদা লৈরম্বা সিলো অমসুং ৱাতর আইদ কম্পার্তমেন্ত কয়া থুগাইখ্রে। মহাক্না মখাতানা হায় হৌজিক একেদেমী অমসুং কো-কর্রীকুলম নত্রগা এক্সত্রা কর্রীকুলমগী মরক্তা খেন্নবা লৈত্রে। স্কুলগী মহৈরোয়শিংনা হীরম খুদিংমক্তা চাঊখৎপা ফংনবা, একেদেমিক্স, শান্ন-খোৎনবা, আর্তস, ম্যুজিক, ভোকেস্নেল স্তদিজদা এক্সপোজরশিং ফঙলগনি। মসিগী এপ্রোচ অসি হায়র এজুকেসন্দসু চত্থগনি। মসিগী পোলিসি অসিদা অওনবা পুরকপা, অহেনবদি নত্তবা, অহোংবশিং পুরক্নবা পান্দম থম্লি। মহাক্না মখা তারদুনা হায় হায়র এজুকেসন পুনশিনবা, মল্তিদিসপ্লিনরী এপ্রোচ, ক্রেদিৎ সিস্তেম, ভোএস্নেল ত্রেনিংগা মেনস্ত্রিম এজুকেসনগা পুনশিনবা, তোক্নিংবা মতমদা তোকপা য়াবা, তেক্নোলোজী লিবেল ওইনা শীজিন্নবা, ক্বালিতীদা মীৎয়েং চংবা, চপ মান্নবা অমসুং পুম্নমক্কী ওইবা, য়াওদবা অসু চেকশিবা রিগুলেসনশিং অসি এজুকেসনগী খ্বাইদগী ফবা ক্বালিতীদা মীৎয়ং চংবগা লোয়ননা মসিগী অওনবা পুরক্লিবা হীরমশিংনি।

থৌরম অদুদা ৱা ঙাংলদুনা শ্রী খারেনা কনক্লেব অদুগী হৌদোকপগী সেসন মনুংদা এন.ই.পি.দা অকুপ্পা ৱারোল উৎপা প্রজেন্তেসন অমা উৎখি। মহাক্না হায় হায়র এজুকেস্নেল ইন্সতিত্যুসনশিং অসিনা হৌরক্লিবা নহাশিংগী ৱাখল্লোনশিং অফবা মওংদা শেমগৎপদা অমসুং রাজ্য অমসুং লৈবাক চাঊখৎহনবদা মতেং পাংবদা অচৌবা থৌদাং লৌরি। মহাক্না মখাতারদুনা হায়র এজুকেসন্দা অনৌবা পেরাদাইমশিং অসি অওনবা ভারতকী অনৌবা অশেংবশিংবাশিংনি হায়না লৌনরিবা অনৌবা এজুকেসন পোলিসিগী ফল অমনি অমসুং এন.ই.পি-২০২০ অসি মপুংফানা ইমপ্লিমেন্ত তৌবগা ভারত অসি অহোংবা মমলদা অফবা এজুকেসন পীবা মালেমগী মহৈ তমফম অমা ওইরগনি। 

হোলিস্তিক, মল্তিদিসপ্লিনরী অমসুং ফ্যুচরিস্তিক এজুকেসন, ক্বালিতী রিসর্স, অমসুং এজুকেসন মপুংফানা ফঙবা ঙম্নবা চান্নবা তেক্নোজী শিজিন্নবগুম্বা নেস্নেল এজুকেসন পোলিসি, ২০২০দা য়াওরিবা এজুকেসনগী কান্নরবা হীরমশিং উৎপা সেসন কয়া কনক্লেব অসিদা পাঙথোকখি। য়ুনিভর্সিতীশিংগী ভাইস-চাঞ্চেলরশিং, ইন্সতিত্যুসনশিংগী দিরেক্তরশিং অমসুং কোলেজশিংগী প্রিন্সিপলশিং অমসুং অতোপ্পা স্তেকহোল্দরশিংনা প্রোগ্রাম অসিদা শরুক য়াখি।

*******