শ্রী দুর্গা শঙ্কর মিশ্রা, সেক্রেতরী, হাউসিং অমসুং অর্বান এফিয়র্স মন্ত্রালয়না ঙসি পি.এম. এস.ভি.এ.নিধী স্কিমগী লেত্তর ওব রকমেন্দেসন হৌদোকখ্রে। মসিগী মোদ্যুল অসি আইদেন্তিতী কার্দ (আই.দি.) অমসুং সর্তিফিকেৎ ওব ভেন্দিং লৈজদবা অমসুং স্কিম অসিগী মখাদা কান্নবা ফংবা য়ানবগী লিস্ততা য়াওহৌদ্রবা স্ত্রীৎ ভেন্দরশিংদা কান্নবা পীনবগীদমক শেমখিবনি। মোদ্যুল অসিনা করিগুম্বা কান্নবা লৌবা য়ারবা ভেন্দর অমনা অর্বান লোকেল বোদীদগী দিজিতেল প্রোসেসকী খুথাংদা লেত্তর ওব রিকমেন্দেসন লৌগনি অমসুং রিসিৎ অসি হেক ফংবগা মহাক্না পি.এম. এ.ভি.এ.নিধীগী মখাদা লোন লৌবা য়াগনি।

য়ু.এল.বি.দগী পি.এম. এ.ভি.এ.নিধীগী পোর্তেলগী মখাদা ওনলাইন মোদ্যুলগী খুথাংদা এল.ও.আর. লৌনবগীদমক, ভেন্দর অমনা মখাগী দোক্যুমেন্তশিং অসিগী মনুংদগী অমা হায়বদি (১) অকক্নবা রাজ্য/য়ু.তি.শিংনা লোকদাউন মনুংদা মতেং অমুক্তং ফংখিবগী প্রমান, (২) ভেন্দর অদুনা য়াওরিবা এসোসিএসনগী মেম্বর্শিপকী অকুপা মরোল, নত্ত্রগা (৩) মহাক অসি ভেন্দর অমনি হায়বগী শাখি ওইবা য়াবা অমেক্তা পায়গদবনি। মখা তানা, ভেন্দর অমনা মহাক ভেন্দর অমনি হায়বসি শক্তাক্নবগীদমক অচম্বা চে অমদা এপ্লিকেসন অমা ইদুনা য়ু.এল.বি. তানবা য়াই। য়ু.এল.বি. অসিনা এল.ও.আর.বু নুমিৎ ১৫নিগী মনুংদা পীগদবনি।

এল.ও.আর. পায়রবা ভেন্দর অমদা সর্তিফিকেৎ ওব ভেন্দিং/আই.দি. কার্দ অমা নুমিৎ ৩০নিগী মনুংদা পীগনি। মসিগে প্রোবিজন অসিনা স্কিম অসিবু বেনিফিসরী কয়াদা ফংহনবদা কোমগনি।

পি.এম. এ.ভি.এ.নিধীগী পোর্তেলদা জুলাই ২, ২০২০দা লোনলী এপ্লিকেসন থাজিনবা য়াহনখিবদগী হৌজিকফাওবদা এপ্লিকেসন লাখ ৪.৪৫ হেন্না থাজিল্লকখ্রে অমসুং তোঙান-তোঙানবা রাজ্য অমসুং য়ূ/তি.শিংদা ৮২,০০০ হেন্না কাইথখ্রে। ভেন্দরশিংদা মাইক্রোক্রেদিৎ পীবীবা য়ানবগীদমক মন্ত্রালয় অসিনা মোবাইল এপ অমসু লেন্দিং ইন্সতিত্যুসনশিংগীদমক্তা হাংদোক্তুনা গুগল এপতা ফংহনখ্রে।

পি.এম. এ.ভি.এ.নিধী অসি হাউসিং অমসুং অর্বান এফিয়র্স মন্ত্রালয়না জুন ১, ২০২০দা স্ত্রীৎ ভেন্দরশিংদা কোবিদ-১৯না শাথীনা অৱাবা তাহনবীরবা মখোয়গী পুন্সি মহিংবু অমুক হিংগৎহনবা য়ানবগীদমক পীবা ৱার্কিং কেপিতেলনি। মসিগী স্কিম অসিনা অর্বান এরিয়াশিং অমসুং মসিগী অকোইবদা লৈবা খুঙ্গংগী মফমশিংদা মার্চ ২৪, ২০২০ ফাওবদা ফমখিবা স্ত্রীৎ ভেন্দর লাখ ৫০ হেনবদা ফংহন্নবা পান্দম থম্লি। স্কিম অসিগী মখাদা, ভেন্দরশিংনা লুপা ১০,০০০ ফাওবগী ৱার্কিং কেপিতেল অমা চহী অমগী মনুংদা থাগী ওইনা শিংগৎপা য়ানবগীদমক পীগনি। করিগুম্বা মতম চানা/ঙন্না লোন অসি শিংগৎপা তারবদি, চহীদা ৭%গী শেন্দোইসু কোকপীদুনা দাইরেক্ত বেনিফিৎ ত্রান্সফরগী খুথাংদা ক্বার্তর্লী বেসিস্তা কান্নবা ফংখিবশিংগী বেঙ্ক একাউন্ততা হাপ্পীগনি। লোন অসিবু ঙন্না শিংগৎপদা পেনালতী অমত্তা লৈতে। স্কিম অসিনা দিজিতেল ত্রাঞ্জেক্সনবু থাদা লুপা ১০০গী কেস বেক্কী খুদোংচাবফাওবা পীবীদুনা পুক্নিং থৌগৎলি। ভেন্দরশিংনা ঙন্না নত্ত্রগা মতম চানা লোন শিংগৎপা মতমদা ক্রেদিৎ লিমিৎ হেনগৎহন্দুনা শেন্মিৎলোনগী কৈরাক হেন্না ৱাংনা কাখৎনিংবগী ইথিল পোক্লগনি।

********