“খেল্লো ইন্দিয়া ফিতনেস এসেসমেন্ত ওফ স্কুল গোইং চিন্দ্রেন” হায়বা হিরমদা স্পোর্তস ওথোরিতি ওফ ইন্দিয়ানা সি.আই.এস.সি.ই অমসুং সি.বি.এস.ইগী ইজুকেসন বোর্দশিংগা লোয়ননা সি.আই.এস.সি.ই স্কুলশিংগী ফিজিকেল ইজুকেসন ওজাশিংগী ওনলাইন ত্রেনিং অমা পাংথোক্লগনি।

অগস্ত ৭দগী হৌগদৌরিবা থৌরম অসিদা জোন অনিদা লৈবা সি.আই.এস.সি.ই স্কুল ২৬১৫গী ওজা ৭৫০০ শরুক য়ানবা পান্দম থম্লি। মসিগী পাক-চাউরবা ত্রেনিং অসি স্কুল কারিবা অঙাংশিং হকচাং ফবগী চাং ওন্নবা অমসুং তুংগী অফবা শান্নরোইশিং খঙদোক্নবা শীনবনি।

কোবিদ-১৯ লাইচৎ লাকপদগী স্কুলশিং থিংখিবদগী মসিগী ত্রেনিং অসি পায়খৎপনি অমসুং ভারত শীনবা থুংনা ওনলাইন ক্লাসশিং নৎত্রগা ৱেবিনারগী মওংদা অনৌবা সেসন হৌরে। হৌজিক লৈরিবা ফিবম অসিদা, হান্নগী মওংদা ত্রেন্নরশিং ত্রেনিং পীবা অমসুং স্কুলশিংগী মহৈরোইশিংগী হকচাংগী ফিবম য়েংশিনবগী থবক অঙাংশিং অমসুং ওজাশিং অমুক হন্না স্কুল কাদ্রি ফাওবা পাংথোকখিরোই।

খেলো ইন্দিয়া মোবাইল এপকী খুৎথাংদা খেলো ইন্দিয়া ফিতনেস এসেসমেন্ত পাংথোক্নবা ফিজিকেল ইজুকেসনগী ওজাশিং লৌশিং অমসুং হৈথোই-শিংথোইবা লৈহন্নবা অগস্ত ৭দা তোঙান-তোঙানবা স্কুলশিংগী প্রিন্সিপালশিং নৎত্রগা স্কুলশিংগী মকোকশিং পুক্নিং থৌগৎকনি। সেসন অসিগী মমিং “হোল স্কুল এপ্রোচ তু ফিতনেস” কৌই ।

অগস্ত ১১দগী ১৪ ফাওবদা স্কুলশিংগী ফিজিকেল ইজুকেসনগী ওজাশিংদা মোবাইল এপকী ত্রেনিং অমসুং তেক্নিকেলগী ওইবা থবকশিং তাকপীগনি। স্কুল অঙাংশিংদা খেলো ইন্দিয়া ফিতনেস অমসুং ফিত ইন্দিয়া খঙহন্নবা, কমদৌনা খেলো ইন্দিয়া বেত্তরি তেস্ত পাংথোক্কনি, খেলো ইন্দিয়া এসেসমেন্ত প্রোতোগোলশিং, হৈশিংবা মশক খঙদোকপা, ২০২০-২১গী পান্দমশিংগী মতাংদা ওজাশিংদা খঙহনগনি।

২০১৯দা ওফলাইন অমসুং ওনলাইনদা নেসনেল অমসুং রিজনেল থাক্তা ত্রেন্নর কয়া ত্রেনিং পীখ্রবা খনখৎলবা মাস্তর ত্রেন্নরশিংনা ত্রেনিং পীগনি অমসুং ওজাশিংনা মখোয়গী স্কুলশিং এসেসমেন্ত পাংথোক্কনি।

জুলাই ৩১ ফাওবদা ত্রেন্নরশিংগী ত্রেনিং ২৫৭ লৈবাক শীনবা থুংনা পাংথোকখ্রে , মসিদা লোকদাউন মমাং অমসুং মতুংদা ত্রেন্নর ২৪,৫০০ ত্রেনিং পীখি অমসুং অপুনবা স্কুল ২২,৪৫০ রেজিস্তার তৌরকখি।

****