য়ুনিয়ন বজেৎ ২০২০-২১দা শেল থুমগী মন্ত্রীনা ‘শঙ্গোম, শা-ঙা য়াওনা পত্থ-পুমথগনবাশিংগী কোল্দ সপ্লাই চেন লৈবাক অসিদা লেপ্তনবা হোৎন্নগনি’ লাউথোকখি। মসিদা ইন্দিয়ন রেলৱেজনা কিসান রেল কৌবা অমা লৈহল্লগনিসু ফোঙদোকখি।

চৎলিবা চহি অসিগী য়ুনিয়ন বজেৎতা শেন থুমগী মন্ত্রীনা লাউথোকখিবগী মতুং ইন্না, ইন্দিয়ন রেলৱেজবা দেবলালিদগী দানাপুর ফাওবগী অহানবা “কিসান রেল” হয়েং ০৭/০৮/২০২০গী পুং ১১ তাবা মতমদা দেবলালিদগী লমথাবা হৌগনি। ত্রেন অসি ভিদিও কনফরেন্সকী থোংদা লৌউ-শিংউ অমসুং লৌমীগী য়াইফ থৌরাং , খুঙ্গং চাউখৎ থৌরাং অমসুং পঞ্চায়তি রাজকী কেন্দ্রগী মন্ত্রী শ্রী নরেন্দ্র সিংহ তোমর অমসুং রেলৱেজ অমসুং কম্মর্স অমসুং ইন্দস্ত্রীগী মন্ত্রী শ্রী পিয়ুশ গোয়লনা লমথাগনি। থৌরম অসিদা মহারাস্ত্রদগী অতোপ্পা মীহুৎশিংনা শরুক য়াগনি। ত্রেন অসি অহানবদা ১০+ ১ ভি.পি.শিংগী কম্পোজিসন্দা চয়োলগী ওইনা চেনগনি। ত্রেন অসিনা পুং ৩১:৪৫ চংদুনা কি.মি.১৫১৯ চেন্দুনা  মথংগী নুমিত্তা দানাপুরদা নুমিদাং পুং ৬:৪৫দা য়ৌগনি।

ত্রেন অসিনা  পত্থ-পুমথগনবা পোত্থোক্কী সপ্লাই চেন লেপ্তনা পীগনি। ২০২২ ফাওবদা ত্রেন অসি লৌমীশিংগী ইনকম শরুক অনি হেনগৎহন্নবা পান্দম অদু মঙফাওনবা খোঙথাং অমনি। ইন্দিয়ন রেলৱেজনা কিসান রেল চেনহন্দুনা লৌমীশিংগী ইনকম শরুক অনি হেনগৎহনবদা মতেং পাংনবা পান্দন থম্লি। অতেনবা মতমগী মনুংদা মনা-মশিংশিং, উহৈশিং অসিগুম্বা পত্থ-পুমথগনবা লৌউ-শিংউগী পোত্থোকশিং কৈথেলদা য়ৌহনবদা ত্রেন অসিনা মতেং পাংলগনি। ফ্রোজন কন্তেনরশিংগা লোয়ননা ত্রেন অসিনা শা-ঙা অমসুং শঙ্গোম য়াওনা পত্থ-পুমথগনবশিংগী লৈবাক অসিদা কোল্দ সপ্লাই চেন অমা থম্নবা হোৎনগনি।

সেন্ত্রেল রালৱেজতা ভুসৱল দিবিজন অসি মরু ওইবা এগ্রো বেক দিবিজন অমা ওইরি। নাসিক অমসুং অকোয়বদা লৈবা লমদমনা মশিং য়াম্লবা অতেকপা মনা-মশিং, উহৈশিং, লৈশিং অমসুং অতোপ্পা পত্থ-পুমথগনবা পোৎশিং, তিলহৌশিং অমসুং অতোপ্পা এগ্রো প্রদক্তশিং পুথোক্লি। হায়রিবা পত্থ-পুমথগনবা পোৎশিং অসি মরু ওইনা পত্না, প্রয়াগরাজ, কাতনি, সত্না অসিনচিংবা মফমশিংদা পুথোক পুশিন তৌরি।

ত্রেন অসিগী নাসিক লম্বী, মনমদ, জালগোন, ভুস্বল, বুর্হনপুর, খান্দৱা, ইতার্সি, জবলপুর, সত্না, কাতনি, মনিকপুর, প্রয়াগরাজ চিওকি, পন্দিৎ দীন্দয়াল উপধ্যা নগর অমসুং বুছরদা লমথুংনবগী মতম পীরি

মরু ওইবা স্তেসন অনিগী লৌবা য়াবা মমলশিং মখাদা পীরি:

তোন অমগী ফ্রাইদ:

মমাংদা ইন্দিয়ন রেলৱেজনা লফোই পুবা অখন্নবা ত্রেনগুম্বা পোৎ অমা খক্তা পুবা ত্রেন চেনখ্রে। অদুবু হন্দক্কী অসিনা পোৎ মখল কয়া পুবা অহানবা ত্রেন ওইরগনি মসিনা কমফোই, লফোই, অঙ্গুর অসিনচিংবা উহৈশিং অমসুং কেপসিকম, কোবীলৈ, দ্রমস্তিক, কোবীফুল, তিলহৌ, মোরোক অসিনচিংবা মনা-মশিংশিং পুগনি। মফম অদুগী লৌমীশিং, লোদরশিং, এ.পি.এম.সি. অমসুং মীপুম খুদিংমক্না মার্কেরিংগী থবক কনশিল্লি। দিমান্দ হেনগৎলক্লি। ত্রেন অসি মীয়াম্না পাম্নগনি অমসুং চুম্নগী ত্রেনগী (পি স্কেল) পর্সেল তারিফকী চাংদা ত্রেন অসিগী পোৎ পুরিবা অসিগী মমল লৌবনা লৌমীশিংদা চাউনা মতেং পাংলগনি

******