জল শক্তি মন্ত্রালয়না অনৌবা থৌওং অমসুং মওং মতৌ য়াওবা ইন্দিয়া ৱাতর রিসোর্স ইনফোর্মেসন সীস্তেম (ইন্দিয়া-দবল্যু.আর.আই.এস.)গী অনৌবা বর্জন অমা লোঞ্চ তৌখ্রে। ৱেব পোর্তেল www.indiawris.gov.in গী খুত্থাংদা মীয়ামদা ফংহনগদবা পোর্তেল অসিদা নোং তাবা, ঈশিংগী থাক অমসুং তুরেলদগী ঈশিং পাথবা, ৱাতর বোদীশিং, লৈনুংদা লৈবা ঈশিংগী থাক, ঈশিং তুংদুনা থমফম, ইভাপোত্রান্সপিরেসন অমসুং লৈহাউদা য়াওবা ঈশিংগী চাংগী ৱারোলশিংগী খুত্থাংদা ঈশিং ফংফম তাকপা অমসুং ৱাতর সিসোর্স প্রোজেক্ত, ৱাতর বোদীশিং, হাইদ্রো-মেৎ দেতা ফংবা অমসুং জি.আই.এস. লেয়র ইদিতিং তৌবগী খুৎলায়শিংগা মরী লৈনবা ৱারোল কয়া য়াওগনি।

ঈশিং অসি পুন্সি অমসুং চাউখৎপদা মরু ওই। ঈশিং থোকফম্বু নীংথিনা শিজিন্নবা অসি মীশিং হেনগৎলক্লিবা, অর্বানাইজেসন তৌরক্লিবা অমসুং মসিগী মরী লৈনবা থবকশিংনা হৌজিক লৈরিবা ঈশিং ফংফমশিংদা অহেনবা অকায়বা পীরক্লিবা অসিগী মতুং ইন্না য়াম্না মরু ওইবনি। সিসোর্স অমগী মতাংদা নীংথিনা থৌরাং য়াৎপদা অকুপ্পা দেতাবেজ অমসুং থাজনিংঙাই ওইবা ৱাফম কয়া অমা তঙাই ফদে। হীরমসিদা তেংবাংনবা হায়দুনা জল শক্তি মন্ত্রালয়না (এম.ও.জি.এস.)না নেস্নেল হাইদ্রোলোজী প্রোজেক্তকী মখাদা জুলাই ২০১৯দা ইন্দিয়া ৱাতর রিসোর্স ইনফোর্মেসন সীস্তেম (ইন্দিয়া-দবল্যু.আর.আই.এস.)গী অহানবা বর্জন পুথোকখি। মসিদগী হৌদুনা অনৌবা থৌওং অমসুং মওং মতৌ কয়া অমা হাপচিল্লে।

ইন্দিয়া-দবল্যু.আর.আই.এস.না হৌজিক সি.দবল্যু.সি., সি.জি.দবল্যু.বি., আই.এম.দি., এন.আর.এস.সি., আন্ধ্র প্রদেশ, উত্তর প্রদেশ অমসুং গুজরাতনচিংবা কেন্দ্র অমসুং রাজ্যগী এজেন্সীশিংদগী চাং নায়না দেতা লৌরি। মসিবু ঈশিং অমসুং লমগী রিসোর্সশিংগা মরী লৈনবা পাক শনবা প্লেৎফোর্ম অমা ওইহন্নবগীদমক্তা অতোপ্পা এজেন্সীশিংদগীসু দেতা লৌদুনা হাপচিল্লি। এম.ও .জে.এস.না ইন্দিয়া-দবল্যু.আর.আই.এস.বু শেন্ননবা অমসুং অপদেৎ তৌনবা হায়দুনা নেস্নেল ৱাতর ইনফোর্মেতিক্স সেন্তর হায়বা দেদিকেতেদ ওইবা লুপ অমসু শেমখ্রে।

হাইদ্রোজেন-মেৎ য়েংশিনবগী দেতাশিং অসি ৱাতর ইনফোর্মেসন মেনেজমেন্ত সীস্তেম (দবল্যু.আই.এম.এস.)তা ইয়ুম্ফম ওই। সেক্যুর ওইবা লোগ-ইন তৌবগী থৌওংগী খুত্থাংদা কেন্দ্র অমসুং রাজ্যগী ঈশিংগী এজেন্সীশিংনা ঈশিংগী থাক (লৈমায়দা লৈবা অমসুং লৈনুংদা লৈবা অনিমক), ঈশিং চেনবা, ঈশিংগী মগুন, সেদিমেন্ত অমসুং অতোপ্পা ক্লিনিকেল পেরামীতরশিংগী দেতা হাপচিনবা, য়েংশিনবা, বেলিদেৎ তৌবা অমসুং শেন্নবা য়াগনি। সীস্তেম অসিদা জি.পি.আর.এস. নত্ত্রগা সেতিলাইৎকী খুত্থাংদা ফংবা তেলিমিত্রী দেতা অমসুং মেনুএল রীদিং ওইনা ফংবা দেতাশিংগী তাইম সেরিজ য়াওরি।

পোর্তেল অসিগী খুত্থাংদা স্তেকহোলদর অমা হেক্তনা শিজিন্নবদা লায়বা মওংদা ৱারোলশিং অসি বিজ্বেলাইজ তৌবা য়াগনি অমসুং ৱারোলশিং অসিবু এক্সেল রিপোর্ত অমসুং গ্রাফকী মংদা দাউনলোদ তৌবসু য়াগনি। সীস্তেম অসিগী মরু ওইবা মথৌদি য়ুজরশিং অমসুং মীয়াম, ৱারেপ লেপ্পা মীওইশিং, ঈশিং শেন্নবশিং, লৌউবা অমসুং অখঙ অহৈশিংদা কেন্দ্র অমসুং রাজ্যগী এজেন্সীশিংদগী লাকপা হাইদ্রো-মেৎ ৱারোলশিং হকথেংননা ফংহনবা, ক্লিক অমদা রীএল তাইম দেতা ফংহনবা, তোঙানবা তঙাই ফদবশিংগী মোদ্যুল মখল কয়া, খ্বাইদগী নৌবা তেক্নোলোজী, লেপ্তনা চাউখৎহনবা অমসুং ফগৎহন্নবগীদমক্তা তঙাই ফদবা ৱারোলশিংবু লাইনা ফংহনবনি।

লৌউবগুম্বা মখল কয়াগী কয়াগী কাংলুপশিংনা হায়রিবা ৱারোলশিং অসিবু শিজিন্নবা য়াগনি অমসুং লৌউবগী য়াইফ য়ুম্বালগী লুপশিংনা নোং তাবা, ঈশিং তুংফমদা ঈশিং লৈবা অমসুং লৈনুংদা ঈশিং লৈবগী মরমদা খংদুনা মখোয়না লৌরোক থাবা অমসুং লৌ খাওবগী থৌওং কয়াগী থৌরাং য়াৎপা য়াগনি অমসুং মতমগী অহোংবা লৈবগী মতুংইন্না লুপশিং অসিনা দেতা অসি ৱেব সাইত্তা লাইনা ফংবনিনা নহাশিংবুসু দেতা অসিবু কান্নবা মওংদা শিজিন্নহন্দুনা থৌশিল কয়া অসিদা শরুক য়াহনবা ঙমগনি। মীওই অমনসু দেতা অসি মশাগী তঙাই ফদবগী মতুং ইন্না মখোয়গী লৈকায়দা ঈশিং ফংবগী ৱারোল, লৈনুংগী ঈশিংগী থাক, অনকপদা লৈবা তুরেলদা লৈবা ঈশিংগী থাক অমসুং মসিগা মান্নবা হীরম কয়াগী ৱারোল খঙনবা শিজিন্নবা য়াগনি। প্লান্নর অমসুং এদমিনিস্ত্রেতরশিংনা মখোয়গী স্তেৎকী দেতাশিং অসি ঈশিং নীংথিনা শিজিন্নবা ঙম্নবা অমসুং ঈশিং ইচাউ থোকপা অমসুং ইকঙ থোকপগী খুদোংচাদবা কয়াবু হন্থহনবদা তেংবাংনবা শিজিন্নবা য়াগনি। দিসিসন সপ্পোর্ত সীস্তেম (দি.এস.এস.)সু শেম্বা য়াগনি। রিসর্চরশিংনা মখোয়গী স্তদীশিংদা তঙাই ফদবা দেতাগী ফ্রিক্বেন্সী অসি লাইনা ফংবনিনা  দেতাশিং অসি  ঈশিংগী মরী লৈনবা স্তদীশিং অমসুং মোদেল্লিং তৌবদা শিজিন্নবা য়াগনি।

*******