য়েলহৌঙৈগী আর্কিওলোজিকেলগী মফমশিং অমদি মেদিবেল মোন্যুমেন্তশিংদগী হৌরগা মোদর্ন আর্কিতেককী ফজবশিং য়াওনা গুজরাতকী পুক্নিং হুরবা অমদি  রাজ্য অসিগী মখল কয়াগী য়েলহৌঙৈগী লন উৎলিবা “হেরিতেজ ইন গুজরাত” হায়না মিংথোনবা ভারত সরকারগী তুরিজম মন্ত্রালয়গী দেখো অপনা দেশ ৱেবিনার সিরিজ অসি ওগস্ত ১, ২০২০দা লান্থোকখি।

গুজরাতকী হেরিতেজ তুরিজম এসোসিএসনগী সেক্রেতরী শ্রী রঞ্জিৎ সিংহ পার্মর অমদি ত্রেবেল রাইতর এন্দ ফুদ ক্রিতিককী অইবা শ্রী অনিল মুলচান্দনিনা লান্থোকখিবা ৱেবিনার অসিনা ফজরবা ফোর্তশিং, পেলেসশিং,হবেলিশিং অসিগুম্বা গুজরাতকী মখল কয়াগী তুরিজম প্রদক্তশিং অমসুং হেরিতেজ হোতেলশিং নত্রগা হোমস্তেশিং ওইনা ওন্থোক্লবা অতোপ্পা ইতিহাসিক ওইরবা মফমশিং উৎলি। ভারতকী নোংচুপ থংবা সমুদ্র তোর্বান ওইবগা লোয়ননা গুজরাতকী তোর্বানগী পরিংগী অশাং অসি চাউরাক্না কি.মি. ১৬০০ ওইদুনা য়েলহৌঙৈ মতমদগী হৌদুনা ললোনবশিং, লমকোয়বশিং, মাইগ্রেন্তশিং অমসুং রিজ্যুজীশিং চংলক্লি হায়না থৌরম লান্থোক্লিবশিংনা ফোঙদোকখি অমদি মখোয়না রাজ্য অসিদা লৈরিবা গুজরাতকী উবা ফংলিবা অমসুং ফংখিদ্রবা হেরিতেজশিং লোয়ননা হেরিতেজ হোতেলশিং, হোমস্তেশিং, ম্যুজিয়মশিং লাইফস্তাইল ইভেন্ত ভেন্যুশিং অমসুং ফিলম নমফমশিং অদু তাকখি।  দেখো অপনা দেশ ৱেবিনার সিরিস অসি এক ভারত শ্রেশথা ভারতকী মখাদা ভারতকী জাতি মখল কয়া অসি উৎনবা হোৎনবনি অমসুং মসিনা ভর্চ্যুল প্লেৎফোর্মগী খুত্থাংদা এক ভারত শ্রেশথা ভারতকী ৱাখল্লোন অসি লেপ্তনা শন্দোক্লি।

গুজরাত্তা অরিবা সহরশিংগী লৈরম্বগী মফমশিং, পেলেসশিং, ফোর্তশিং অমসুং তোম কয়া লৈ, মসিনা দাইনাস্তিশিংগী মতিক ময়াই কল্লবা মতমগী খুদম ওইহৌদুনা লৈরি। হৌরকপদগী হৌনা গুজরাতকী লমদমশিং অসি দাইনাস্তী কয়াগী লৈঙাকপশিং, লান্দরকপশিং অমসুং ললোনবা লাকপশিংনা পাল্লম্মি। গুজরাতকী হৌখ্রবা অসি হৌজিক ওইরিবা অসিগী শরুক অমনি, লৈবাক অসিদা লৈরিবা অরিবা অমসুং ইতিহাসতিক ওইরবা মফমশিং অসিনা শাখি ওইরি।

রাজ্য অসিদা ইন্দস ভেলী সিবিলাইজেসনকী অরিবা মফম খরা লৈ মখোয় অদুদি লোথাল, ধোলাবিরা অমসুং গোলাধোরো অসিনি। লোথাল অসি মালেমগী ওইনা খ্বাইদগী অহানবা হীথাংফমশিংগী মরক্তা অমনি হায়না থাজনরি। গুজরাতকী সমুদ্র তোর্বানদা লৈরিবা সহরশিং মরু ওইনা ভারুচ অমসুং খামবৎ অসিনা মৌরিয়া অমসুং গুপ্তা এমপাইয়র মতমদা অমসুং ৱেস্তর্ন সত্রাপকী মতমদগী হৌনা রোবেল সাকা দাইনাস্তিশিংগী হাক্তক্তা হীথাংফম অমসুং ললোন ইতিক তৌফম ওইরম্মি।

১৬০০গী মতমদা দতচ, ফ্রেঞ্চ, ইংলিশ অমসুং প্রোতুগীজ পুম্নমক অসিনা লমদম অসিগী নোংচুপ থংবা তোর্বানদা বেজশিং লিংখৎখি।গুজরাত্তা য়ৌরকখিবা য়ুরোপিয়ন পাৱরশিংগী মরক্তা পোর্তুগলনা অহানবা ওইখি অমসুং বেতল ওফ দিয়ুগী মতুংদা গুজরাতকী তোর্বানদা লৈবা দামন অমসুং দিয়ু লোয়ননা দদ্রা অমসুং নগর হবেলি য়াওনা তোঙান তোঙানবা এনক্লেবশিং লৌশিল্লকখি। এনক্লেবশিং অসি চহি ৪৫০ হেন্না য়ুনিয়ন তেরিতরী অমা খক্কী মখাদা পোর্তুগীজ ইন্দিয়না চল্লাইরমখি মতুংদা লান্মীশিংনা খুদুম চন্দুনা ১৯৬১গী দেসেম্বর ১৯দা রিপব্লিক ওফ ইন্দিয়াদা পুনশিনখি।

ৱেবিনার অসিনা অৱাং থংবা গুজরাতকী আর্কিতেক্কী ওইবা ত্রেলদগী হৌরগা রাজাস্থানগী ঙমখৈ ফাওবা মখল কয়াগী হীরমশিংগী ভর্চ্যুল ওইনা উহন্দুনা ফজরবা স্তেপৱেলশিং, পাৎশিং. লৌ উবগী মওং, রানি কি বাব, পথান, কুমবরিয়া জেন তেমপলশিং উৎখি। রানিকি বাব অসি ১১শুবা চহিচাগী স্তেপৱেল অমনি অমসুং মসি য়ুনেসকোনা ৱর্ল্দ হেরিতেজ অমা ওইনা লাউথোকখ্রে।

আর্কিতেকচরগী হীরমদা ১১ শুবা অমদি ১২শুবা চহিচাদা গুজরাত অসিদা সোলানকি দাইনাস্তী পানখিবগা লোয়ননা মতিক ময়াই লৈরবা মতম অমা ওইখি। দাইনাস্তী অসিগী লৈঙাকপশিংনা ঝিঞ্জৱাদান্দ দাদভোইগী লানবনশিং অমসুং কোনুংশিংগী চংফমদা হক্তুনা থম্বা কয়া লৈরি। লোয়ননা মসিদা লৈবাক অসিগী মমিং লৈরবা হিন্দুগী লায়শঙ খরা লৈরি মখোয় অদুদি সিধাপুগী রুদ্রমলয়া, মোধেরাগী সন তেম্পল, পলিতনা, তঙাংগা, গির্নার, মাউন্ত অবু অমসুং কুমভারিয়াজিগী জেন তেম্পলশিং, মতম অসিগী তোপ তোপ্পা মগুন অসি ঈশিংগী তাফম অমদি থমফমশিংগী মওং মতৌদা উবা ফংলি মখোয় অদুদি বাবস (সিরি থাক নাইবা গুহাশিং), কুন্দস (সিরি থাক নাইবা তেঙ্কশিং) অমসুং তালাউস (পাৎশিং) অসিনি। মখোয় অসি শীজিন্নদুনা লমদম অসিদা ঈশিং তাংবা অসি কোকনবা শাখি। সিরি থাকশিং অসি কুমথবদা গুহা অসিগী নুংগী ফকলাংদা খুৎনা হৈশিংনা ফজবা মওংদা হক্লিবা অদু উবা ফংগনি। মসিদা দুর্গা লাইরেম্বী অমসুং বিশনুগী শকলোনশিং য়াওরি। সিরি থাক নাইবা গুহা অসিগী মনাক্তা সহরাসলিঙ্গা তালাউস লৈ, মসি শিবাগী খুবম্না পুক্নিং হুবা মওংদা কোইশিন্দুনা শাবা খুৎশেমগী পাৎ অমনি।

এহেমদবাদকী ৱাল সিতী অসি সুল্তান অহমদ শাহনা ১৪১১ এ.দি.দা সবরমরি তুরেলী নোংপোক থংবা খোঙবান্দা শারম্বনি, মসি হৌজিক য়ুনেসকো ৱর্ল্দ হেরিতেজ সাইৎ ওইরে।

1. সুল্তানেৎকী মমাং অমসুং সুল্তানেৎকী মতমগী লৈহোরিবশিং অদুদা  য়ুম্ফম ওইরগা মখোয়গী ইতিহাসিক ওইরবা মরু ওইরিবা অর্বান আর্কিওলোজী অসি শেমগৎখি। সুল্তনেৎ মতমগী মোন্যুমেন্তশিং অসিগী আর্কিতেকচরদা ইতিহাসিক ওইরবা সহর অসিগী শকলোন কয়াগী অপুনবা তোপ তোপ্পা মওং অমা উবা ফংঙি। মসিগী হেরিতেজ অসিদা অতোপ্পা ধর্মগী ওইবা শকলোনসু উবা ফংঙি অমদি অরিবা সহর অসিগী উগী আর্কিতেকচরগা লোয়ননা থোইদোক হেন্দোক্না ফজরবা “হবেলিশিং” (য়ুমলোন্নরিবশিং), “পোশিং” (মরু ওইরিবা লম্বীগী চংফমদা লৈরিবা থোংগাল) অমসুং খাদকিস (পোলশিংগী মনুংগী চংফমশিং) অসিনা মরু ওইবা শরুকশিং ওইরি। মসিগীশিং অসিনা মীয়াম পুন্না লৈমিন্নবগী মওং অদু উৎলি, মরমদি মসিনা এহেমদবাদকী অর্বান হেরিতেজকী য়াম্না মরু ওইবা শরুক অমসু ওইরি। হেরিতেজকী মফম অসি ১৯৮০দা পুক্নিং হুনা ফজরবা স্বামিনরায়ন তেম্পল, দোদিয়া হবেলি, ফর্নান্দজ ব্রিদজ, জমা মসজিদ অসিনচিংবা য়াওনা এহমেদবাদতা শেমখি।

গুজরাতকী অতোপ্পা মরুওইবা আর্কিলোজিকেল সাইতশিংদা য়াওরিবদি লোথাল, প্রিন্সলী সিতিজ, শহর মচাশিং, লানবলশিং জেনিজমগী সেক্রেত সম্মিতশিং, দ্বারকাগী রুকমনি তেম্পল, মান্দভি পেলেস, পালিতানা, ধোলাভিরা, দ্বার্কা গোমতি ঘাতশিং, ফজরবা তোর্বানগী তেম্পল সোমনাথ, রাইপিপ্লা,সন্ত্রামপুর, লুনাবেদে, দেভগাধ বারিয়া, ছোতা উদেপুর, জম্বুঘোদানচিংবা রোয়ল পেলেসশিংগী ফরজরবশিং য়েংবা য়ারগদবা হোতেল ওন্থোকখ্রবা বারোদরা অমসুং নোংপোক থংবা গুরাতকী ফজরবশিংনি। স্তেচ্যু ওফ য়ুনিতী, বোতানিকেল গার্দেন, সফারি পার্ক, লক্সমি বিলাস পেলেস, চম্পেনের অসি চিত্থবা য়াবা মফম নত্তে। দতচ ইস্ত ইন্দিয়া কম্পনীনা সুরাত্তা ত্রেদ সেন্তরশিং ওইখি। মফমশিং অসি পার্সি হেরিতেজ, নাবসারি, ফাইয়র তেম্পল অমসুং মখল মথেলগী চীঞ্জাক্কী মওংদা গুজরাতকী হৌজিক লৈরিবা লেগেসিশিংসু য়াওরি। 

ভাইব্রেন্ত গুজরাতনা থাক ৱাংলবা চৎন-লোনচৎশিংগা লোয়ননা মখোয়গী হরাউ কুমহৈ মখল কয়া পাংথোকই অমসুং তোঙান তোঙানবা জাতি অমসুং ধর্মগী কাংলুপশিংগী চৎন-লোনচৎশিং লৈ। মফম অসিদা পাংথোকপা হরাউ কুমহৈশিংদি গনেশ চতুর্থি, নবরাত্রি অমসুং দিৱালি য়াওরি। জানুৱারি ১৪দা পাংথোকপা চহিগী তেলঙ্গা কুমহৈসু য়াওরি। রাবারিসকী এম্বোইদরী, জিওমেত্রিক পেতর্ন অমসুং পতোলা অমসুং দবল ইকৎ প্রোসেসকুম্বা মমিং চৎলবা তেক্সতাইল অসি চিত্থদবা ফৈ।  

প্রজেন্তরশিংনা তোঙান তোঙানবা এয়র্পোর্তশিংগা লোয়ননা তোঙান তোঙানবা হেরিতেজ গেৎৱেশিং সজেস্ত তৌখি:-

হেরিতেজ গেৎৱেজ- এক্স অহমেদবাদ এয়র্পোর্ত

অহমেদবাদ, দান্তা, হিম্মতনগর, বিজয়ানগর, পালনপুর, পোশিনা, খারঘোদা, উতেলিয়া

এক্স বরোদরা এয়র্পোর্ত

বালাসিনোর, বারোদা, কাদৱাল, লুনাৱাদা, সন্ত্রাপুর, চম্পানের, ছোতা উদেপুর, জাম্বুঘোদা, রাজপিপ্লা

এক্স- রাজকোৎ এয়র্পোর্ত

গোন্দাল, রাজকোৎ, মোর্বি, ৱাঙ্কনের, জাম্নগর,মুলি, সেলা

এক্স- ভাবনগর এয়র্পোর্ত

ভাবনগর, পালিতানা

এক্স-ভুজ/কান্দলা

ভুজ, দেভপুর, মান্দবি

প্রজেন্তরশিংনা লমকোইবশিংগী তোঙান তোঙানবা মখলগী হোলিদেশিং সুজেস্ত তৌখি:-

ফোর্ত হোলিদেজ- চম্পানের, রাজকোৎ (খিরাসারা), গন্দাল, ভুজ, অহমেদবাদ

স্তেপৱেল হোলিদেজ- অহমেদবাদ, খারাঘোদা, মুলি, সেলা, ৱাঙ্কনের

আর্কিলোজিকজেল হোলিদেজ- দাইনোসোর (বালাসিনোর, লুনাৱাদা, সন্ত্রামপুর) লোথাল (উতেলিয়া, ভাবনগর), ধোলাবির (ভুজ)

পেলেস হোলিদেজ- বারোদা, বালাসিনোর, লুনাৱাদা, সান্ত্রামুর, ছোতা উদেপুর, জাম্বুঘোদা, রাজপিপ্লা, হিম্মতনগর, পালনপুর।

তেক্সতাইল হোলিদেজ- অহমেদবাদ, বারোদা, চোতা, উদেপুর, জম্বুঘোদা, দান্তা, পোশিনা, ভুজ, দেভপুর, খারাঘোদা, সেলা, জামনগর, মুলিগী অকোয়বদা লৈ।

গোল্ফিং হোলিদেজ- বারোদা, অহমেদবাদ

কলিনরি হোলিদেজ- রোয়ল ফেমিলিগী চাকচা য়ুথক ওইরিবা নৱাবি কুজিন, মারাথা কুজিন, কাথ্যৱারি কুজিন, গুজারাতি কুজিন।  

ফেস্তিবল হোলিদেজ- তার্নেতর, রন উৎসব, রাভেচি, ত্রাইবেল ফেস্তিবেলশিং

ভিন্তেজ কার হোলিদেজ- গোন্দাল, ৱাঙ্কনের, রাজকোৎ

আর্ত & পেন্তিং হোলিদে- বারোদা, অহমেদবাদ, জম্বুঘোদা, রাজপিপ্লা, ভুজ, দেভপুর 

রোয়ল পেলস, হবেলিশিংদগী হিস্তরিক হোমস্তেশিংগী একোমোদেসনগী ফরবা ওপ্সন কয়া লৈ। অহমেদবাদ, বালাসিনোর, বারোদা, কদৱাল, লুনাৱাদা, সান্ত্রমপুর, দান্তা, হিম্মতনগর, বিজয়ানগর, বুজ, দেবপুর, খরাঘোদা, সেলাদা হোমস্তেশিং পীরি।

গুজরাত্তা খোংচৎ অমা চৎনবগী শেম-শাবা মতমদা খনগৎপা য়াবা অরীবা মফমশিংদি;-

সৌরাস্ত্র/কুচ- ভুজ, দেবপুর

বারোদা/সেন্ত্রেল গুজরাত

অহমেদবাদ/ অৱাং থংবা গুজরাত

মরুওইনা পেলস ওফ বারোদরা (বারোদা), ভাবনগর, খিরাসার (রাজকোৎ)নচিংবা গুজারাত পুম্বদা লৈরিবা হেরিতেজগী মফম অয়াম্বা এম.আই.সি.ই., লুহোংবা অমসুং নেস্নেল অমসুং ইন্তরনেস্নেলগী থৌরম কয়াগী মমিং লৈরবা মফমশিংনি। মুম্বাইআ নক্নবা ওইবনা গুজরাতনা ফিল্ম নম্বা, শোর্ত ফিল্মশিং, তি.ভি. সিরিএলশিং, দোক্যুমেন্তরীশিং, রিএল্তী শোশিং, প্রি ৱেদ্দিং শুতশিং, ফেশন শুতশিংগী অফবা খুদোংচশিংসু পীরি।

বেবিনার অদু লোইশিল্লদুনা এদিস্নেল দিরেক্তর জেনেরেল রুপিন্দর ব্রারনা হায় কোয়বা চৎপা অমসুং হেরিতেজ রাজ্যগী তোঙান তোঙানবা চৎনা-লোনচৎ, আর্কিতেকচর অমসুং ক্রুজিনশিং খংবগী মরুওইবশিং ফোঙদোকখি।  

ৱেবিনারশিং অসিগী সেসনশিং মখাদা পীরিবা লিঙ্ক অসিদা ফংগনি

https://www.youtube.com/channel/UCbzIbBmMvtvH7d6Zo_ZEHDA/featured

http://tourism.gov.in/dekho-apna-desh-webinar-ministry-tourism

https://www.incredibleindia.org/content/incredible-india-v2/en/events/dekho-apna-desh.html

ৱেবিনারশিং অসিগী সেসনশিং ভারত সরকারগী তুরিজম মন্ত্রালয়গী সোসিএল মেদিয়া হেন্দল খুদিংমক্তসু ফংগনি।

মেমোরিজ ওফ ১৮৫৭- এ প্রিলুদ তু ইন্দিপেন্দেন্স হায়না কৌবা মথংগী ৱেবিনার অসি ২০২০গী অগস্ত ৮গী অয়ুক পুং ১১দা পাঙথোক্কনি। 

*********