ঙাকশেলগী পোৎলম পুথোকপদা মীপাল তাংদনবা হোৎনবদা মপাঙ্গল পীনবগীদমক 'আত্মনির্ভর ভারত পেকেজ'গী মখাদা তোঙান-তোঙানবা ৱাফম কয়া লাউথোকখ্রে। অদুগুম্বা ফ্রেমৱার্কশিং অদুবু থবক ওইনা পায়খৎনবগীদমক অমসুং ভারতপু মালেমগী দিফেন্স অমসুং এরোস্পেসকী হীরমদা মকোক চিংলিবা লৈবাকশিংগী মরক্তা চন্নবগীদমক ঙাকশেল মন্ত্রালয়না দ্রাফ দিফেন্স প্রদক্সন অমসুং এক্সপোর্ত প্রোমোসন পোলিসী ২০২০ (দি.পি.ই.পি.পি. ২০২০) অমা শেমখ্রে।  দি.পি.ই.পি.পি. ২০২০ অসিনা লৈবাক অসিনা মীপাল তাংদনবা অমসুং মপালদা থাদোক্নবগী ঙাকশেলগী খুজু খুৎলাইশিং পুথোকপদা মীৎয়েং থমদুনা, শেমশাদুনা অমসুং মপুং ফানা মপাঙ্গল পীনবগী ঙাকশেল মন্ত্রালয়না পুথোকপা মপুং ফাবা দোকুমেন্ত অমনি হায়না লৌরি।

পোলিসী অসিনা মখাগী পন্থুং অমসুং পান্দমশিং অসি পীরিঃ

১. এরোস্পেস অমসুং দিফেন্সকী পোৎলম অমসুং সর্বিসশিংদা ২০২৫ ফাওবদা লুপা কোতি ৩৫,০০০ (য়ু.এস. বিল্লিয়ন ৫) য়াওনা তর্নওবর লুপা কোতি ১,৭৫,০০ ফংনবা হোৎনবা।

২. এরোস্পেস অমসুং নেভেল সিপ বিলদিং ইন্দস্ত্রী য়াওনা অফবা পোত্থোকশিংগা লোইননা দাইনামিক ওইবা, মপাঙ্গল কনবা অমসুং চাংদম্ননিংঙাই ওইরবা দিফেন্স ইন্দস্ত্রী অমা শাগৎপা।

৩. মপান্দগী পুশিল্লকপদা শাইদাংবা হন্থনবগীদমক অমসুং "মেক ইন ইন্দিয়া"গী খোংথাং মাংজিল থানা পুখৎনবগীদমক লমদম অসিগী ওইবা দিজাইন্দা শেমগৎ শাগৎপা।

৪. দিফেন্সকী খুজু খুৎলাইশিং মপান্দা থাদোকপা অমসুং মালেমগী দিফেন্স ভেল্যু চেনগী শরুক অমা ওইনবা হোৎনবা।

৫. আর.এন্দ.দি.বু পুক্নিং থৌগৎনবগীদমক, অনৌবা পুথোক্লকপশিংবু মনা পীনবা, ভারতকী আই.পি.গী মপু শেমগৎপা, অমসুং মপাঙ্গল লৈরবা অমসুং মীপাল তাংদবা দিফেন্স ইন্দস্ত্রী অমা শেমগৎপা।

পোলিসী অসিনা মখাগী মীৎয়েং থম্লিবশিং অসিগী মখাদা তোঙান তোঙানবা খোংথাং কয়া অমসু পুথোক্লিঃ

১. প্রোক্যুরমেন্ত রিফোর্ম

২. ইন্দিজিনাইজেসন অমসুং এম.এস.এম.ই./স্তার্ত অপশিংবু চিংখৎপীবা

৩. রিসোর্স এলোকেসন ওপতিমাইজ তৌবা

৪. ইনভেস্তমেন্ত প্রোমোসন, এফ.দি.আই. অমসুং ইজ ওব দুইং বিজিনেস

৫. ইন্নোভেসন অমসুং আর.এন্দ দি.

৬. দি.পি.এস.য়ু. অমসুং ও.এফ.বি.

৭. ক্বালিতী এজুরেন্স অমসুং তেস্তিং ইনফ্রাস্ত্রকচর

৮. এক্সপোর্ত প্রোমোসন

দ্রাফ দি.পি.ই.পি.পি. ২০২০ অসি মীয়ামগা তাথোক-তাশিন তৌনবগীদমক অমসুং স্তেকহোল্দরশিংদগী অহেনবা/কম্মেন্তশিং হাপচিন্নবগীদমক  https://ddpmod.gov.in/dpepp অমসুং https://www.makeinindiadefence.gov.in/admin/webroot/writereaddata/upload/recentactivity/Draft_DPEPP_03.08.2020.pdf দগী য়েংবা য়াগনি। অফংবা কম্মেন্তশিংদা য়ুম্ফম ওইদুনা, পোলিসী অসি ঙাকশেল মন্ত্রালয়না লাউথোক্কনি।

            দ্রাফ দি.পি.ই.পি.পি. ২০২০গী মতাংদা লাকপা অহেনবা/কম্মেন্তশিং অসি ওগস্ত ১৭, ২০২০ ফাওবদা dirpnc-ddp[at]nic[dot]in দা থাজিনবা য়াগনি।

*****