স্পোর্তস সাইন্সকী লৌশিং শান্নরোইশিং ত্রেনিং পীবদা শীজিন্ননবা থবক অমা ওইনা স্পোর্তস সাইন্সকী সবজেকশিংদা থা তরুক্কী সর্তিফিকেদ কোর্সশিং পুন্না পাংথোক্নবা এন.এস.এন.আই.এস পতিয়ালা অমসুং সি.এস.এস-এস.আর.আই.ঐচ.ই.আর, চেন্নাইগী মরক্তা মেমোরেন্দম ওফ অন্দর্সতেন্দিং(এম ও য়ু) অমা খুৎয়েক পীনখ্রে। কোর্স অসিনা স্পোর্তস সাইন্সকী লমদা থবক তৌরিবা মতিক চারবা মীওইশিং মখা তানা মখোয়না হৈরিবা লম অদুদা খঙবা ঙম্নবা পান্দম থম্লি। অহানবা ওইনা ওনলাইন্দা স্পোর্তস ফিজিওথেরাপী অমসুং স্পোর্তস ন্যুত্রিসন কোর্সশিং ২০২০গী অগস্ত ৩দগী হাংদোক্লে। হায়রিবা কোর্সশিং অসিনা কমুনিতি কোচশিংগা থবক তৌমিন্নরিবা স্পোর্ত সাইন্সকী লমদা থবক তৌরিবা নহা ওইরিবা মীওইশিং শেমগৎনবা পান্দম থম্লি।

ফিজিওথেরাপী(ওর্থো/স্পোর্তস)দা মাস্তর লোইরবা অমনা ফিজিওথেরাপী কোর্স শরুক য়ানবা অইবা চাংয়েং শরুক য়াবা য়াগনি। ফিজিওথেরাপীদা গ্রেজুয়েদ লোইরবা অদুগা স্পোর্তস ইন্সতিতুৎ নৎত্রগা স্পোর্তস তিম অমদা চহি অহুম থবক তৌরক্লবা মীওইশিংসু শরুক য়াবা য়াগনি। ফুদ অমসুং ন্যুত্রিসন, এপ্লাইদ ন্যুত্রিসন, পব্লিক হেল্থ ন্যুত্রিসন, ক্লিনিকেল ন্যুত্রিসন অমসুং দাইতেতিক্স, ফুদ সাইন্স অমসুং ক্বালিতি কন্ত্রোল নৎত্রগা স্পোর্তস ন্যুত্রিসনদা য়াওনা হিরম অমদা হেক্তা মাস্তর লোইরবা মীওইশিং স্পোর্তস ন্যুত্রিসন কোর্সতা শরুক য়াবা য়াগনি। হায়রিবা মথক্কী সবজেকশিং অসিদা গ্রেজুয়েদ লোইরবা অমসুং মশক খঙলবা স্পোর্তস ইন্সতিতুৎ নৎত্রগা নেসনেল লেবেলগী তিম অমদা চহি অহুম থবক তৌরক্লবা মীওইশিংসু কোর্স অসিদা তম্নবা চাংয়েংদা শরুক য়াবা য়াগনি।

স্পোর্তস ফিজিওথেরাপী অমসুং স্পোর্তস ন্যুত্রিসনগী মরুওইবশিং থা তরুক্কী কোর্স অসিদা ওনলাইনদা তম্বীগনি। কোর্স অসিগী শরুক অমা ওইনা চয়োল অনিগী ফিজিকেল ৱার্কশোপ অমা পাংথোক্কনি, মসি কোবিদ মতুংদা শীনগনি। ওনলাইন কুইজশিং অমসুং অইবা চাংয়েংশিংদা য়ুম্ফম ওইরগা শরুক য়ারিবশিং সর্তিফিকেদ পীনবা এসেসমেন্ত তৌগনি।

কোচশিংদা স্পোর্তস ইজুকেসন তাকপী-তম্বীবদা স্পোর্তস সাইন্স য়াওহনবগী মরুওইবা পল্লদুনা স্পোর্তস ওথোরিতি ওফ ইন্দিয়াগী সেনিয়র ইজুকিউতিপ দিরেক্তর(একাদেমিক্স)কর্নেল আর.এস বিসনোইনা হায়খি, সাইন্তিফিক ওইবা মওংদা ত্রেনিং পীদুনা স্পোর্তস সাইন্সকী অনৌবা কোর্সশিং অসিনা শান্ন-খোৎনবগী থবকশিং ফগৎহন্নবা পান্দম থম্লি। হায়রিবা কোর্সশিং অসি লোইরবা মতুংদা, হায়রিবা শীনফম অসিদা থবক তৌরিবশিংনা অঙাং ওইরিবা শান্নরোয়শিং ত্রেনিং পীরিবা কোচশিংগা লোয়ননা থবক তৌমিন্নগনি। অনিসুবা তাঙ্কক্তা, সাইনা এক্সরসাইজ ফিজিওলোজি, স্পোর্তস বাইওমেকানিক্স, স্ত্রেং অমসুং কন্দিসন্নিং, স্পোর্তস সাইকোলোজিগী কোর্সশিং হৌদোক্কনি।

কোর্স অসিগী করিকুলমগী মতাংদা, সি.এস.এস-এস.আর.আই.ঐচ.ই.আরগী দিরেক্তর প্রোফেসার অরুনমুগামনা হায়খি, স্পোর্তস ফিজিওথেরাপী অমসুং স্পোর্তস ন্যুত্রিসনগী লমদা মালেমগী খ্বাইদগী নৌবা থবকশিং য়াওহন্নবা হায়রিবা কোর্সশিং অসি শেম্লে। স্পোর্তস সাইন্স য়াওহনবা অসিনা মসিগী হিরম অসিদা থবক তৌরিবশিংনা শান্নরোই অমনা দরকার ওইবশিং খঙবা ঙমগনি। মসিগী কোর্স অসিদা ভারত অমসুং মালেমগী খ্বাইদগী ফরবা ওজাশিংনা তাকপী-তম্বীগনি।

কোর্সশিং অসিগী এপ্লিকেসন ফোর্মশিং ওনলাইনদা অগস্ত ৩দগী অগস্ত ১০ ফাওবগী মনুংদা ফংলগনি,  শরুক য়াবা য়ারবা মীওইশিং ২০২০গী অগস্ত ১৬দা ওনলাইন্দা পাংথোক্কদবা অইবা চাংয়েংদা শরুক য়াগনি। ২০২০গী অগস্ত ২৪দগী কোর্স হৌগনি।

************