ভারতকী উপ রাস্ত্রপতি শ্রী এম. ভেনকায়া নাইদুনা ঙসি মীয়ামশিংদা লাওথোকতুনা হায়খ্রে মদুদি নিংশিংবা থোকত্রবা মতমদগী লৈরক্লবা রামায়ন ইপিক্তা য়েক্তুনা লৈখ্রবা মসিগী ধর্ম অমদি অচুম্বা চৎপগী পাওজেল অসি মালেম শিনবা থুংনা শন্দোক্কদবনি অমসুং মখোয়গী পুন্সিবু চৎন কাংলোন অসি ইন্দুনা মরেক মহাও থোক্না হিংনবগীদমক।  

ঙসি ফেসবুক অমগী পোস্ততা ‘রিবিল্দিং দ স্রাইন, এনস্রাইনিং দ ভেলু’ হায়বা লোন ১৭কী তাইতল অমদা উপ রাস্ত্রপতিনা অয়োধ্যাদা অগস্ত ৫দগী অমুক হন্না শাবা হৌগদৌরিবা মপু রামগী মন্দিরগীদমক হরাওবা ফোংদোকখ্রে।

মিকুপ অসিবু থৌরম পাংথোকপা ওইনা, উপ রাস্ত্রপতিনা হায় মদুদি মিকুপ অসি রামায়ানগী মগুন অমসুং মসিগী মীয়েং খংলবদি মীয়ামগী নুংগী ওইবা নৌথোকহনগনী। মহাক্না শন্দোক্না তাক্লি মদুদি মসিদা য়াওরিবা অমত্তা ঙাইরবা ইন্দিয়াগী ধর্ম অমসুং অচুম্বা চৎপা হৈনবিগী মীয়েং ।

শ্রী নাইদুনা হায়খি মদুদি থৌদোক অসিনা ঐখোয়না রামায়নবু নিংশিংহল্লী মসিনা নিশিংবা ঙমদ্রবা মতমদগী লৈরক্লবা ইপিক অসিনা ঐখোয়গী ইশা ইশাবু শক তাকচরি। মহাক্না মখা তানা হায়খি মদুদি মপু রাম অসি অমত্তা ঙাইরবা তমজনিঙাই ওইরিবা খুদম অমনি মদুদি পুন্সিদা মীয়ামগা লোয়নবগী মগুন তাকপা।   

চহী লিশিং ২ ফারবা অরিবা ইপিক অসিবু থাগৎলদুনা, মহাক্না হায় মদুদি রামায়নগী মীয়েং অসি মালেমগী ওইনা অমত্তা ওই মসিনা ময়েক শেংনা অতোপ্পা খা নোংপোক থংবা এসিয়াগী লৈবাকশিংদা লৈরিবা চৎনবিগা চুনৈ।  

ভেদিক অমসুং সন্সকৃত স্কোলার পীরদুনা ভাইস প্রসিদেন্ত অরথুর এন্থোনি মেকদোনেলনা হায় মদুদি রামগী ৱাখল্লোল অসি য়ামনা ধর্মগা মরী লৈনদে অমসু কনাগুম্বা অমগী পুন্সিদা শাফু পীদে অমসুং চহী লিশিং ২গী মমাংদগী মীয়াম্না লুপতুনা লাক্লী।

রামায়ননা শৈরেং, প্লেরাইত, জগোইগী, ইশৈগী অমসুং ফোল্ক আর্তিসগী মওংদা ইন্দিয়া খক্তা নত্তনা খা নোংপোক থংবা এসিয়াগী লৈবাকশিংদা হায়বদি জাবা, বালি, মালায়া, বর্মা, থাইলেন্দ, কম্বোদিয়া অমসুং লাওস চিংবা মফমশিংদা মপু রামগী চাওনা মশক থোক্না লৈরি।

মখা তানা উৎলদুনা ইপিক অসিগী মালেমগী ওইবা অপাম্বদা ভাইস প্রসিদেন্তনা পরিং অমা শাংদোক্লদুনা রমায়নগী তোঙান তোঙানবা পন্দুপ কয়া লৈবাক কয়াদা শন্দোক্লি।

“ইপিক অসিবু রসিয়াদা অলেকজেন্দর বারানিকোবনা হন্দোকই অমসুং থেতরগী বর্সননা রসিয়াগী ফাওরবা গেনানি পেচনিকোব পুথোকই” হায়না মহাক্না হায়খি।

অনকোর ৱাতকী রামায়নদা তাখিবা তাংকক অমসুং ইন্দোনেসিয়াদাগী প্রমবানাম মন্দিরদা উৎখিবা ফাওরবা বালেত খুদম পীরদুনা  শ্রী নাইদুনা মালেমদা তারিবা জিওগ্রাফিকেল অমসু্ং ধর্মগী শাফু তাক্লি হায়দুনা উৎলি।

মসি খঙবদা য়াম্না নুঙাই মদুদি রামায়ন অসি অতৈ অতোপ্পা ধর্মশিং হায়বদি বুধিজিম, জাইনিজিম অমসুং সিখিজিমনা অতোপ্পা মওংদা লৌসিল্লী, হায়না মহাক্না ফেসবুক্তা ইরকখি।

রাম মশামক অসি মীওইবা অমনা তমজনিঙাই ওইরবা খ্বাইদগী মগুন য়াওরবা অমনি, হায়না ভাইস প্রসিদেন্তনা হায়খি।

ৱারিশিং অসি লিথোক্লদুনা অমসুং রামগী ইন্দিয়া খোঙচৎ হৌখিবদগী, ঐখোয়না য়াম্না নুঙাইরবা মহাক্কী মপুং ওইরবা মগুনশিং হায়বদি অশেংবা, শান্তি, মতেং পাংবা, কম্পেসন, ৱায়েল, ইনক্লুজন, দিবোসন, কত্থোকপা, এম্পেথি অসি য়াওই হায়না মহাক্না হায়খি।

মহাত্মা গান্ধীনা রাম রাজ্যদা শিজিনরিবা অসিদা নৈনরদুনা, ভাইস প্রসিদেন্তনা শন্দোক্না তাকখি মদুদি রাম রাজ্য অসি তমজনিঙাই ওইবা হায়বদি অশেংবা, ইনক্লুজন, দিবোসন, কত্থোকপা, এম্পেথি অমনি।

মসিনা ঐখোয়গী রাজনিতি, জুদিসিএল অমসুং লৈঙাক্কী সিস্তেমদা মাংজিল থানা মপাঙ্গল কল্লগনি হায়না মহাক্না হায়খি।

**********