রোদ ত্রান্সপোর্ত, হাইৱেজ অমসুং এম.এস.এম.ই.গী কেন্দ্র মন্ত্রী শ্রী নিতিন গদকরীনা ঙসি বিহারদা ভিদিও কনফরেন্সকী থোংদা  গঙ্গাগী মথক্তা শাবা মহাত্মা গান্ধীগী অপস্ত্রীম কেরিএজ থোং শঙ্গাখ্রে।  থৌরম অসি বিহারগী মুখ্য মন্ত্রী শ্রী নিতিশ কুমারনা ময়াই তাংবল লৌখি। কেন্দ্র মন্ত্রী শ্রী রাম বিলাস পাসৱান অমসুং শ্রী রবিশঙ্কর প্রসাদ, রাজ্য মন্ত্রী জেনরেল(রিতায়র্দ) ভি.কে.সিংহ, শ্রী অশ্বানী চৌবে অমসুং শ্রী নিত্যনন্দ রায়, উপ-মুখ্য মন্ত্রী শ্রী সুশিল কুমার মৌদী, আর.সি.দি.গী রাজ্য মন্ত্রী শ্রী নন্দ কিসোর য়াদব, সংসদকী মীহুৎ শ্রী রাজিব প্রতাপ, শ্রী রাম কৃপাল য়াদব, শ্রী পশুপতী কুমার পারস অমসুং শ্রীমতী বীনা দেবী, কেন্দ্র সরকার অমসুং রাজ্য সরকারগী মকোক থোংবা ওফিসরশিং য়াওখি।.

কিলোমিতর ৫.৫ শাংবা লেন মরীগী থোং অসি পত্না অমসুং হাজিপুরগী মরক্তা লৈবা এন.ঐচ.-১৯দা লৈ। মসি লুপা কোতী ১৭৮২ চংনা শাখি। মসিদা হান্না লৈরিবা অরিবা থোংগী মপুং ফাবা স্ত্রকচর অসিদা অনৌবা স্তীলগী দেক সুপরস্ত্রকচরনা মহুৎ শিঞ্জিনবগী থবক য়াওরি।  থোং অসি শেম্বগী থবক অসি জুন ২০১৭দা হৌখি। থোং অসি শরুক অনি থোক্না লোইশিন্নবা মতম য়াৎলি। অপস্ত্রীম লেন অসি জুলাই ২০২০দা শেম্বা লোইশিনখি। মসিগী মতুং তারকপদা দাউনস্ত্রীম লেন অসিগী থবক হৌগনি অমসুং ২০২১ ফাওবদা লোইশিনগনি। অনৌবা স্তীলগী সুপরস্ত্রকচর অসি স্তীল মেত্রিক ৬৬০০রোম পীথদুনা অরিবা কায়থরক্লবা মপুং ওইবা সুপরস্ত্রকচরগী মহুৎ শিঞ্জিনখি।  মসিগী অনৌবা মখলগী থবক অসি ভারত্তা অহানবা ওইনা পাংথোকপা হৌবনি। হাজিপুর, ছপ্রা, মুজ্জাফরপুর, সমস্তিপুর, দরভঙ্গা, মধুবনী, সিতামরী, সিৱান য়াওনা অৱাং থংবা জীলাশিং অমসুং নোংপোক থংবা য়ু.পি.না বেনিফিসিয়রী জীলাশিংনি।  খা-থংবা মায়কৈদা-পত্না, আরা, অর্ৱল, জহানাবাদ, নালন্দা, গয়া, ঔরঙ্গবাদ অমসুং ঝারখন্দ য়াওরি।

মসি অনৌবা তেক্নোলোজী শিজিন্নদুনা লৈরিবা স্ত্রকচর অসি ফগৎহন্নবা তৌবা খ্বাইদগী ইহান হানবা থোংনি হায়না থৌরম অসিদা ৱা ঙাংলদুনা শ্রী গদকরীনা হায়খি। মসি ইঞ্জীনিয়রিং মার্বল অমনি হায়রদুনা মসি সিভিল ইঞ্জীনিয়র তম্লিবা মহৈরোইশিংগী ওইনা অফবা কেস স্তদি অমা ওইবা য়াগনি হায়না মহাক্না ফোংদোকখি।

মসিগী মখাদা জহাজশিং ফাওদোক-ফাওজিন তৌবা য়ানা পাকথোক-চাওথোক্তুনা কিলোমিতর ৫ শাংবা পত্নাদা লৈবা অনৌবা থোং অসি মহাক্না লাওথোকখি।  মসিগী তেন্দর অসি মথংগী থাদা থোক্লগনি অদুগা মদুগী মতুংদা য়াম্না থুনা থবক হৌরগনি হায়না মহাক্না হায়খি। মসিদা লুপা কোতী ৩,০০০মুক চংগনি।  মন্ত্রীনা নোংচুপ বঙ্গালগী প্রয়াগরাজ অমসুং হলদিয়াগী মরক্তা চেনবা গঙ্গা তুরেলদা শোইদবা মওংদা মিতর অহুম লুবা নেস্নেল ৱাতরৱেজ নেতৱর্ককী মংলান অমা শাগৎখিবা অদু নিংশিংখি। প্রয়াগরাজ অমসুং বনারসকী মরক্তা লৈখোম কোৎখৎপগী থবক লৌইসিনখ্রে হায়না মহাক্না হায়খি। অনিশুবা তাঙ্কক্তা দেল্লী অমসুং প্রয়াগরাজগী মরক্তা পায়খৎকদবা মিতর অমা শাংবা দ্রাফ শেমখ্রে। তাঙ্কক অসিগী ওইনা হান্ননা লুপা কোতী ১২,০০০ চংগদবা দি.পি.আর. অসি ৱর্ল্দ বেঙ্কতা পীশিনখ্রে হায়না মহাক্না পাউদমখি।  দিল্লী অমসুং হল্দিয়াগী মরক্তা শাগদবা ঈশিংগী লম্বি শাবগী মংলান অসি য়াম্না থুনা মহৈ য়াল্লগনি হায়না মহাক্না ফোংদোকখি।

শ্রী গদকরীনা বিহারগী রাজনিতীগী লুচিংবশিংদা তুরেলদা চত্থোক-চৎশিন তৌবগী থবক পায়খৎপা অসি হেন্না অহোংবা অমদি অকোয়বগা চুশিন্নবা মওং অমা ওইবনা অচৌবা মওং অমদা পায়খৎনবা হায়খ্রে। শেল-থুমগী থবকশিংগী ওইনা তুরেলদা চত্থোক-চৎশিন তৌবনা সরকারশিং অমসুং বিজিনেস কম্যুনিতীশিংনা চৎনবা য়াবা মমলদা লায়না থবক পাংথোকপা য়াগনি হায়না মহাক্না ফোংদোকখি। মসিনা শেন্মিৎলোন অসি মন্দীদগী মপান থোকহল্লকপদা মতেং পাংগনি হায়না মহাক্না হায়খি।

বিহারদা থবক চত্থগদৌরিবা লুপা কোতী ১০,০০০গী মথক্তা চংগদবা থোং শাবগী থবক অসিনা রাজ্য অসিদা থবক ফংবগী মওং অসি হোংহল্লগনি। য়াম্লবা মীওই কাংলুপ কয়াগী লাইরবা, থবক ফংদবগী অমসুং চাক লাম্বা নংহল্লিবা অসি কোকহন্নবা ইন্দস্ত্রীগী মওংদা ওইরকপা অসি তৌহল্লোইদবনি হায়না মহাক্না হায়খি।  অশেংবা চাওখৎপা হায়বসি লাইরবা অমসুং থবক ফংদবা মীওইশিং অসি শেন্মিৎলোনগী থবকশিংগী মেনস্ত্রীমদা পুরক্লবকান্দদা ফংবা ঙমগনি হায়না মহাক্না হায়খি। হাইৱেজগা কোন্ননা কলা হৈবা অমসুং খুৎ-শা হৈবা কয়া অমা শিজিন্নদুনা অমদি এম.এস.এম.ই. ক্লস্তরদগী ফীশা-লোনশা তৌবা কয়া অমা ফগৎহন্নবা ৱাফম পুথোকখি।  নুংঙাইবা, খুঞ্জাও-লৈচাওবা, নিংবা থুংবা অমসুং খুৎকন-পাঙ্গনবা অসি লৈবাক অমা চাওখৎহন্নবগী য়াংলেন শরুনি হায়না মহাক্না হায়খি।

মুখ্য মন্ত্রী শ্রী নিতিশ কুমারনা মহাক্কী ৱা ঙাংবদা হৌখিবা চহিদা রাজ্য অসিগীদমক্তা চাওখৎপা পুরক্নবগী পেকেজ কয়া অমা লাওথোকপীখিবগীদমক্তা প্রধান মন্ত্রীনা হোৎনবিখিবশিং অদু তরাম্না ওকখি। রাজ্য অসিদা হাইৱেশিং অমসুং থোং কয়া অমা থুনা য়াংনা লোইশিনবিবগীদমক্তা শ্রী গদকরীবু থাগৎপা ফোংদোকখি।  অদুগা মহাক্না লৈরিবা বিক্রমশিলা থোংদা খম্ব্রাংননা অতোপ্পা লেন ২ নত্রগা ৪গী থোং শানবগী ৱা খন্নবিনবা মন্ত্রীদা হায়জখি। মহাক্না বক্সর অমসুং বনারসকী মরক্তা চুমদ্রিংগী ওইবা লম্বি অমা লৈহনবগী মথৌ তাবা অদুসু খংহনখি।  মুখ্য মন্ত্রীনা ত্রাফিক লৈতবা অপনবা য়াওদনবা এন.ঐচ. অসিগী অপাকপা অসি চাং নাইহনবগী মথৌ তাবা অসিসু পুথোক্তুনা হায়খি।

মুখ্য মন্ত্রীনা এম.এস.এম.ই.গী সেক্তরদা শ্রী নিতিন গদকরীনা থম্বিখিবা ৱাফম অদু তরাম্না ওকখি অমসুং ময়ুম-ময়ুমদা হল্লকপা মাইগ্রেন্ত লেবরশিংদা থবক ফংহন্নবগী খুদোং চাবা ফংহন্নবা সরকারনা কন্না হোৎনরি হায়না পোংদোকখি। বিহার অসি মতম পুম্নমক্তা এম.এস.এম.ই. ফগৎহনবদা মমাং থারি হায়না হায়খি অমসুং রাজ্য অসিদা মী কুংনা তারিবা অসি য়েংলগা হিরম অসিদা কেন্দ্রগী মতেং অসি হেনগৎহন্নবসু হায়জখি। রাজ্য অসিদা লৈরিবা মীশিং অসিগী পর কেপিতা ইনকম অসি হেনগৎহন্নবা তৌবা য়াবা খুদিংমক তৌগনি হায়না শ্রী নিতিন গদকরীনা হায়খি।

কেন্দ্র মন্ত্রী শ্রী রাম বিলাস পাসৱান্না মহাক্কী হাজিপুরদা ১৯৭৭দগী তুরেল লান্থোক্নবা শুপ্নতগী স্ত্রীমর অমখক্তমক লৈরমখিবা অদু নিংশিংদুনা পনখি। স্ত্রীমর অদু ঙাইবদা অমদি তুরেল অদু লান্থোক্নবা ঙাইবদা নুমিৎ চুপ্পা অমা কোন্নরমখিবা অদু নিংশিংলি হায়না মহাক্না হায়খি। মহাক্না ৱাফম অসি সংসদকী থৌরম কয়াদা কয়ারক হন্না পুখৎখি হায়না মহাক্না হায়কখি।

কেন্দ্র মন্ত্রী শ্রী রবিশঙ্কর প্রসাদনা মসি বিহারগী ওইনা পুৱারিগী ওইবা নুমিৎ অমা হায়না কৌখি। অসিগুম্বা ময়াম্না খংনরবা থবক অসি করিগুম্বা কোবিদকী মতম ওইরমদবা তারগদি মীওই লাক্ষ কয়ানা শাক্ষি ওইহৌরগদবা থৌরম অমা ওইরমদবনি হায়না মহাক্না হায়খি।  মহাক্না পত্নাগী মনাক্তা লৈবা গহ্গা তুরেলগী মথক্তা লৈবা ভক্তিয়ারপুরগী কালা দিয়ারাদা থোং অমা শানবা হায়জখি। 

বিহারগী উপ-মুখ্য মন্ত্রী শ্রী সুশিল কুমার মৌদীনা মসি হৌখিবা চহিদা পি.এম.না লাওথোকখিবা লুপা কোতী ১,২৫,০০০গী প্রোজেক্কী শরুক অমনি হায়না ফোংদোকখি।  মসিগী মখাদা বিহারদা লম্বি শেম্বদা লুপা কোতী ৫৩,০০০ রোম চংখ্রে হায়না হায়খি।  মখোয়না ২০০৫দা পাৱর পায়খিবা মতমদা রাজ্য অসিদা থোং মরীখক্তমক লৈরমখিবা মতম অদু নিংশিংখি, সরকারনা অহেনবা থোং ১৪ শারি অমসুং য়াম্না থুনা রাজ্য অসিদা থোং ১৮ লৈরগনি হায়না ফোংদোকখি।

রোদ ত্রান্সপোর্ত অমসুং হাইৱেজগী কেন্দ্র মন্ত্রী জেনরেল(রিতায়র্দ) ভি.কে. সিংহনা শাবগী প্রোজেক অসি থুনা য়াংশিলহনবা অসিগীদমক ক্রেদিৎপুম্বা শ্রী গদকরীদা পীখি। অহানবা তাঙ্কক অসি ঙসি লোইশিল্লে অদুগা মথংগী তাঙ্কক অদু থা ১৮গী মনুংদা মপুং ফাহনগনি হায়না মহাক্না হায়খি। লুপা কোতী ৩০,০০০ চংগদবা এন.ঐচ.কী প্রোজেক অসি পায়খত্তুনা রাজ্য অসিগী ওইবা পুম্নমক্তা খুমাং চাওসিলহল্লগনি হায়না মন্ত্রীনা ফোংদোকখি। বিহারদা লম লৌশিনবগী থবক্তা হান্ননা লুপা কোতী ৩,৮০০ লৌমীশিংগী একাউন্তা হাপখ্রে।

বিহারগী এন.ঐচ. অসি ২০১৪দা কিলোমিতর ৪৫৫৪ ওইরম্বা অদুগী অপুনবা অশাংবা অসি কিলোমিতর ৫৩০১নি।  অনৌবা এন.ঐচ. অসিদা কিলোমিতর ৭৪৭ শাংবা হেনগৎহনখ্রে। হৌজিক বিহার অসি মপুং ওইনা চাওখৎহন্নবা লুপা কোতী ২৭২৭০রোমগী ওইবা হাইৱেশিং অমসুং থোংশিংগী তোহান-তোঙানবা স্কীমশিং থবক চত্থরি। মন্ত্রালয় অসিনা নেস্নেল হাইৱে অসি শেমগৎপদা লৌশিনখিবা লমশিংগী  কম্পেন্সেসন ওইনা লৌমীশিংদা লুপা কোতী ১০,০০০দগী হেন্না সেঙ্কসন তৌখ্রে। 

মসিগী মনুংদা নেস্নেল হাইৱে অসি শেমগৎপদা লৌশিনখিবা লমশিংগী  কম্পেন্সেসন ওইনা লৌমীশিংদা চাওরাক্না লুপা কোতী ৬৮০০রোম চুমদ্রিং হাপখ্রে।  বিহারদা এন.ঐচ. স্ক্বার কিলোমিতরগী দেন্সিতী অসি কিলোমিতর ৫৭.০৬ হেনগৎখিদুনা তোঙান-তোঙানবা রাজ্যশিংগা মান্নখ্রে।  

গঙ্গা তুরেল অমসুং অতৈ তুরেলশিংনা বিহার অসি তোঙান-তোঙানবা শরুকশিং ওইনা খাইদোকখিবনা বিহারদা চাওখৎপা পুরক্নবগীদমক্তা অচৌবা থোং য়াম্না মথৌ তাখি। মসিগী মতুং ইন্না মন্ত্রালয় অসিনা সেঙ্কসন তৌদুনা গঙ্গা অমসুং কোসীদা বক্সর থোং(বক্সর), অনৌবা গঙ্গা থোং(পত্না), বিক্রমশিলা থোং(ভগলপুর), কোসী থোং(মাধেপুর-ভগলপুর) অমসুং সাহিবগঞ্জ থোং(কাতিহার-সাহিবগঞ্জ) কৌবা অচৌবা থোং মঙা শাবগী পায়খৎখ্রে।

বিহারদা অচৌবা থোংগী প্রোজেকশিং

(A ) পত্নাদা অনৌবা গঙ্গা থোং

• শাংদোকখিবা- পত্না অমসুং হাজিপুরগী মরক্তা লৈবা এন.ঐচ.-১৯গী কি.মি. ০ দগী কি.মি. ১৪.৫০০
• থোং অসিগী অশাংবা - কি.মি. ৫.৬৩৪
• অপুনা প্রোজেক্কী অশাংবা -কি.মি. ১৪.৫০
• কেরিএজৱে – লেন মরীগী থোং
• সেঙ্কসন তৌখিবা/ পীখিবা মমল – লুপা কৌতী ২৯২৬.৪২
• শমজিন্নহল্লিবা – হাজিপুরদগী পত্নাফাওবা
• থবক হৌখিবা তাং – বিদিংদা লৈরি
• মপুং ফানা লোইশিনবগী তাং – থা ৪২ চংনা শাবা
• ত্রাফিক্কী ভোল্যুম – চাওরাক্না পি.সি.য়ু. ৭৬০০০
• থোং অসিগা অখন্নবা মওংশিং – মসি ভারত্তা ইহান হান্না পায়খৎখিবা খ্বাইদগী য়াম্বা অহেনবা দোজ ওইবা অহেনবা দোজগী থোং মশিং ২২গী মিতর ২৪২ পাকথোক-চাওথোকপনি।
• থোং অসিগী কান্নবশিং – অৱাং বিহার অমসুং খা বিহার শমজিন্নহনবা

• - বেনিফিসিয়রী জীলাশিং– (অৱাং থংবা নাকল) হাজিপুর, ছপ্রা, মুজ্জাফরপুর, সমস্তিপুর, দরভঙ্গা, সিতামরী, সিৱান মসুং নোংপোক থংবা য়ু.পি.
• খা থংবা নাকল- পত্না, আরা, অর্ৱল, জহানাবাদ, নালন্দা, গয়া, ঔরঙ্গাবাদ অমসুং ঝারখন্দ

 (B) কোসী থোং  

• শাংদোকখিবা- বিরপুর অমসুং বিহপুরগী মরক্তা লৈবা এন.ঐচ.-১০৬গী কি.মি. ১০৬তগী কি.মি.
• থোং অসিগী অশাংবা - কি.মি. ৬.৯৩০
• অপুনা প্রোজেক্কী অশাংবা -কি.মি. ৩০
• কেরিএজৱে – খোং লম্বিগা কোন্ননা লেন মরীগী থোং
• সেঙ্কসন তৌখিবা/ পীখিবা মমল – লুপা কৌতী ১৪৭৮.৪০
• শমজিন্নহল্লিবা – মাধেপুরদা বিহপুরদগী ফুলাওতফাওবা
• থবক হৌখিবা তাং – বিদিংদা লৈরি
• মপুং ফানা লোইশিনবগী তাং – থা ৪২ চংনা শাবা
• ত্রাফিক্কী ভোল্যুম – চাওরাক্না পি.সি.য়ু. ৭৬০০০

থোং অসিগী অখন্নবা মওংশিং- বিরপুরদগী বিহপুরফাওবা শম্নবা এন.ঐচ. ১০৬কী কি.মি. ১০৬ দগী কি.মি. ১৩৬ শাংনা শম্নবগী অৱাৎপা অমা লৈ। থোং অসি শাদুনা নেপাল, নোংচুপ বঙ্গাল অমসুং বিহারগী অৱাং-নোংপোকথংবগা বিহার অমসুং ঝারখন্দগী খাথংবা শরুক্কা শমজিন্নহল্লকপা য়াই।

(C) বিক্রমশিলা থোং

• শাংদোকহনখিবা- ভগলপুর নৌগাছিয়াগী এন.ঐচ. -১৩১ বি.দা কি.মি. ৮.০৮০দগী কি.মি.১৪.৩০৯ ফাওবা থোংগী অশাংবা- কি.মি.৫.৬৩৪
• অপুনবা প্রোজেক্কী অশাংবা- কি.মি.৬.৩০
• কেরিএজৱে -- লেন মরীগী থোং
• সেঙ্কসন/ পীখিবা মমল- লুপা কোতী ১১১০.২৩
• শমজিন্নহল্লিবা- ভগলপুরদগী নৌগাছিয়াগী
• থবক হৌখিবা তাং- বিদ্দিংদা লৈরি
•  থবক মপুং ফানা লোইশিনগদবা তাং-

• ত্রাফিক ভোল্যুম- চাওরাক্না পি.সি.য়ু.  ১৭০০০ থোং অসিগী অখন্নবা মওংশিং- কি.মি. ৪.৩৬৭ শাংবা থোং অসি মপুং ওইবা পি.এস.সি. বোক্স গির্দর অমসুং পি.এস.সি. Iগা কোন্ননা অহেনবা দোজদা শাংদোকপা অমগা পুনশিন্নৈ
• থোং অসিদগী ফংগদবা কান্নবশিং- নোংচুপ বঙ্গাল অমসুং সহর্সা মাধেপুরা, এরিয়া, কিশনগঞ্জ, পুর্নিয়া, কতিহারদগী অৱাং-নোংপোক রাজ্যশিং অমসুং নেপালগা চত্থোক-চৎশিন তৌনবা ভগলপুর, মঙ্গর, বঙ্কা, জামুই অমসুং ঝারখন্দলোমদা চৎলি অমসুং ভাগলপুর অমসুং নৌগছিয়াগী মরক্তা গঙ্গা তুরেলদা লৈরিবা লেন অনিগী  ফীভম ফত্রবা বিক্রমশিলা থোং অসি শিজিন্নৈ।  মতৌ অসিগুম্না ত্রাফিক জাম থোকহল্লি। লৈরিবা ভীভম শোক্লবা থোং অসিগী খম্ব্রাংননা থোং অসি শাদুনা চাওনা অৱাবা কোকহল্লগনি অমসুং ইন্দস্ত্রী চাওখৎহনবগা লোয়ন-লোয়ননা ত্রাফিক চত্থোক-চৎশিন তৌবদা য়াম্না শাথিনা কোমহল্লগনি অমসুং চত্থোক-চৎশিন তৌবদা চংবা মমল অদু হন্থহল্লগনি। 

(D) বক্সর থোং

• শাংদোকহনখিবা- কি.মি. ১২৩.৩০০ দগী কি.মি.১২৪.৪১৯
• থোংগী অশাংবা- ১.১১৯ কি.মি.
• অপুনবা প্রোজেক্কী অশাংবা- কি.মি. ৪৭.৯
• কেরিএজৱে -- লেন মরীগী থোং
• সেঙ্কসন/ পীখিবা মমল- লুপা কোতী ৬৮১.৬৭
• শমজিন্নহল্লিবা-
• থবক হৌখিবা তাং- ১৮.০৪.২০১৯

• থবক মপুং ফানা লোইশিনগদবা তাং- দিসেম্বর, ২০২১

• ত্রাফিক ভোল্যুম-

• থোং অসিগী অখন্নবা মওংশিং-

• থোং অসিদগী ফংগদবা কান্নবশিং-

(E) সাহিবগঞ্জ থোং

• শাংদোকহনখিবা- ঝারখন্দগী সাহিবগঞ্জদগী বিহারগী কাতিহারগী মরক্তা লৈবা এন.ঐচ.-১৩১দা   কি.মি. ০ দগী কি.মি. ২২ ফাওবা
• থোংগী অশাংবা- ৬.০০ কি.মি.
• অপুনবা প্রোজেক্কী অশাংবা– ২১.৬৮৫ কি.মি.
• কেরিএজৱে -- লেন মরীগী থোং
• সেঙ্কসন/ পীখিবা মমল- লুপা কোতী ১৯০০
• শমজিন্নহল্লিবা- ঝারখন্দগী সাহিবগঞ্জদগী বিহারগী কাতিহারগী
• থবক হৌখিবা তাং– সেপ্তেম্বর, ২০২০

• থবক মপুং ফানা লোইশিনগদবা তাং- সেপ্তেম্বর, ২০২৪

• ত্রাফিক ভোল্যুম- চাওরাক্না পি.সি.য়ু. ১৭০০০

• থোং অসিগী অখন্নবা মওংশিং- অহেনবা চাংদা পাকথোকপা মোদেল ১৫ য়াওবা গঙ্গা তুরেল মথক্তা  কি.মি. ৬ শাংবা থোং
• থোং অসিদগী ফংগদবা কান্নবশিং- নোংচুপ বঙ্গাল অমসুং সহর্সা মাধেপুরা, এরিয়া, কিশনগঞ্জ, পুর্নিয়া, কতিহারদগী অৱাং-নোংপোক রাজ্যশিং অমসুং নেপালগা চত্থোক-চৎশিন তৌনবা ভগলপুর, মঙ্গর, বঙ্কা, জামুই অমসুং ঝারখন্দলোমদা চৎলি অমসুং ভাগলপুর অমসুং নৌগছিয়াগী মরক্তা গঙ্গা তুরেলদা লৈরিবা লেন অনিগী  ফীভম ফত্রবা বিক্রমশিলা থোং অসি শিজিন্নৈ।  মতৌ অসিগুম্না ত্রাফিক জাম থোকহল্লি। লৈরিবা ভীভম শোক্লবা থোং অসিগী খম্ব্রাংননা থোং অসি শাদুনা চাওনা অৱাবা কোকহল্লগনি অমসুং ইন্দস্ত্রী চাওখৎহনবগা লোয়ন-লোয়ননা ত্রাফিক চত্থোক-চৎশিন তৌবদা য়াম্না শাথিনা কোমহল্লগনি অমসুং চত্থোক-চৎশিন তৌবদা চংবা মমল অদু হন্থহল্লগনি। 

বিহারদা তোঙান-তোঙানবা প্রোজেক্কী থাক

******