কেন্দ্রগী অৱাং নোংপোক লমদম চাউখৎ থৌরাং মন্ত্রালয়গী রাজ্যগী মন্ত্রী, এম.ও.এস. পি.এম.ও., পার্সনেল, পব্লিক গ্রিভান্সেস, পেন্সন, এতোমিক ইনর্জী অমসুং স্পেস, দা. জিতেন্দ্র সিংহনা ঙসি জম্মু কাশ্মীরদা পি.এম.জি.এস.ৱাই.-২গী মখাদা পায়খৎলিবা তোঙান-তোঙানবা থবক থৌরমশিংগী উরেপ উয়ুং তমখ্রে। প্রোজেক্তশিং অসিগী মনুংদা পি.এম.জি.এস.ৱাই.-২গী মখাদা লুপা করোর ১৭৫রোমগী ওইগদবা লম্বী ২৮ জম্মু অমসুং কাশ্মীরগী তোঙান-তোঙানবা মফমশিংদা শেমগৎকপা য়াওরি, মসিগী মনুংদা চনুন্তা খাস্তগী ভুক্ত্রিয়ান খাস, ফলাতাদগী বিখান গলা, অর্নাস্তগী থাক্রাকোতে, রাম্নগরদগী দুদু, পৌনিদগী কুন্দফাওবগী লম্বীশিং ঙসিগী হৌদোকখিবগী হৌনবী মতুং ইন্না শঙ্গাবগী থৌরম অদুদা য়াওখি।

হায়রিবা প্রোজেক্তশিং অসিবু ই-ইনওগুরেৎ তৌরদুনা দা. জিতেন্দ্র সিংহনা হায়খি মদুদি জম্মু অমসুং কাশ্মীর অসি পি.এম.জি.এস.ৱাই.-২গী মখাদা থবক পায়খৎপদা হিমাচল প্রদেশকী হেক মথংদা ২শুবদা লৈরি। মসিবু মখা তানা হায়রদুনা, মহাক্না, লম্বীশিং অসি চাউখৎলক্লিবা লৈবাক অমগীদি থৱাই পুরিবনি, মসিনা মহৈ, হকশেল, লৌউ-শিংউগী পোত্থোকশিং য়োনবা অমসুং সমাজদা তোঙান-তোঙানবা মওংদা চাউখৎপা পুরক্লিবনি।

দা. সিংহনা হায়খি মদুদি প্রধান মন্ত্রী শ্রী নরেন্দ্র মোদীনা লোইশিল্লবাই থবকশিংবু শঙ্গাবা ঙাইদনা লৈবা অসিগী মীয়ামদা খুৎশিন্ননবা অপাম্বা ফোংদোকখ্রবনি। মহাক্না হায়খি মদুদি সরকার অসিনা মীয়ামগী তঙাইফদবশিংদা মীৎয়েং থম্লি অমসুং মীয়াম্না চাউখৎ থৌরাংগী থবকশিংদা শঙ্গাবা ঙাইহন্দুনা অৱাবা মতম শাংনা পীদুনা লৈরোইদবনি। মহাক্না মখা তারদুনা অরোন অথুপ লৈতবা মনুং মপান ফাউনা থবক পায়খৎপগী চৎনবী অসি হীরম খুদিংমক্তা হৌদোক্কনি হায়খি। দা. সিংহনা হায়খি মদুদি হায়রিবা প্রোজেক্তশিং অসি শঙ্গাবনা হৌখিবা চহী তরুক্লোম অসিদগী পায়খৎলকখিবা থবকশিং অসি কোবিদ-১৯গুম্বা খুদোংথীবা কয়া মাইয়োক্নজরবসু মতম চানা লোইশিন্নবা লেপ্লি হায়বসি উৎলে।

জম্মু অমসুং কাশ্মীর অমসুং লদ্দাখপু য়ু.তি. ওইনা শেমখিবগী চহী অমা মপুং ফাবা নুমিত্তা, দা. সিংহনা হায়খি মদুদি হৌখিবা চহীদা তোঙান-তঙানবা হীরমশিংদা চাউখৎপগী মশক কয়া অমা উখ্রে খুদম ওইনা, মখোংদগী হৌনা রাজনিতীদা চাউখৎপা, এদমিনিস্ত্রেতিব অমসুং গবর্নান্স অমসুং এজুকেসন, পাৱর, রোদকী হীরমশিংদা পুরকপা সেক্তোরেল দিবেলপমেন্তশিংনি।

মহাক্না মখা তানা জম্মু অমসুং কাশ্মীর য়ু.তি. সরকার অসিনা কেন্দ্র সরকারগা খুৎশম্নদুনা চৎলিবসিবু থাগৎপা ফোংদোক্লদুনা হায়খি, সরকার অসিনা করিগুম্বা জম্মু অমসুং কাশ্মীর য়ু.তি. অসিনা এদমিনিস্ত্রেসন্দা খুদোংথীবা লাকপা মীকুপ্তা মতেং পাংগনি হায়না থাজবা পীখি।

প্রিন্সিপাল সেক্রেতরী, জম্মু অমসুং কাশ্মীর সরকার, জম্মু, কোদা, কথুৱা, কিশত্বার, রিয়জি, উধম্পুর অমসুং রম্বানগী দিস্ত্রিক্ত এদমিনিস্ত্রেসনগী তোঙান-তোঙ্গানবা সরকারগী ওফিসিএলশিংসু ভিদিও কনফরেন্স অদুদা শরুক য়াখি।

*****