কেমিকেল অমসুং ফর্তিলাইজর মন্ত্রালয়গী মখাদা লৈবা পি.এস.য়ু. অমা ওইরিবা ফর্তিলাইজর্স অমসুং কেমিকেল ত্রাভাঙ্কোর লিমিতেদ (ফেক্ত)না কেরলা সরকারনা কোবিদ-১৯গী মাইয়োক্তা লান্থেংনরিবসিদা মখোয়গী এম.কে.কে. নায়র হোল হায়বা মরুওইরিবা ওদিতোরিয়ম অসিবু ফমুং ১০০ চনবা কোবিদ ফার্তস-লাইন ত্রিৎমেন্ত সেন্তর ওইনা ইলূর ম্যুনিসিপালিতীনা হাংদোক্তুনা মতেং পাংলি। মসিগীদমক কম্পেনী অসিনা ফৈজুপ, ফমুং অমসুং মোনপাক ফিদক্নচিংবশিং মখোয়গী সি.এস.আর.গী থৌরাংগী মখাদা খুৎশিন্নখ্রে।

ঙরাং ফেক্ত এম.কে.কে. নায়র হোল, ইলূরদা পাঙথোকখিবা থৌরম অমদা ফেক্তকী চীয়রমেন অমসুং মেনেজিং দিরেক্তর ওইরিবা শ্রী কিশোর রঙ্গতানা পোৎলমশিং অসিবু ইলূর ম্যুনিসিপালিতীগী চীয়র্পর্সন শ্রীমতি সি.পি. উশা, ইলূর ম্যুনিসিপালিতীগী সেক্রেতরী শ্রী সুবাশ, অমসুং ফেক্তকী মকোক থোংবা ওফিসিএলশিংগী মরক্তা দিরেক্তর ফাইনান্স, শ্রী গনেসন, একজিক্যুতিব দিরেক্তর (প্রদক্সন কোরোর্দিনেসন) শ্রী এস. এস. কেসবন নম্বূরিথিরি, একজিক্যুতিব দিরেক্তর (ফাইনান্স) অমসুং কম্পেনী সেক্রেতরী শ্রী কে. ভি. বলাকৃশনন নাইয়র অমসুং জেনরেল মেনেজর (হ্যুমেন রিসোর্স অমসুং এদমিনিস্ত্রেসন) শ্রী এ.আর. মোহন য়াওনা  খুৎশিন্নখি।

*****