জল শক্তি মন্ত্রালয়
জল শক্তিগী কেন্দ্র মন্ত্রী শ্রী গজেন্দ্র শেখাৱৎনা কেরলাগী মুখ্য মন্ত্রীগা ভিদিও কনফরেন্সিংগী খুত্থাংদা ৱারী শাখ্রে
কেরলানা ইং ২০২৩ ফাওবগী মনুংদা খুঙ্গংগী ইমুং খুদিংদা তোতি ঈশিং ফংহন্নবা পান্দম থম্লি
Posted On:
30 JUL 2020 7:10PM by PIB Imphal
জল শক্তিগী কেন্দ্র মন্ত্রী শ্রী গজেন্দ্র শেখাৱৎনা কেরলাগী মুখ্য মন্ত্রী শ্রী পিনায়ারি বিজয়নগা রাজ্যসিদা জল জীবন মিসনগী থবক পাংথোকপগী মতাংদা ভিদিও কনফরেন্সিংগী খুত্থাংদা ৱারী শাখ্রে। ফ্লেগশিপ প্রোগ্রাম অসিনা লৈবাক অসিগী খুঙ্গংগী ইমুংশিংদা তোতি ঈশিং ফংহন্দুনা মীয়ামগী পুন্সি মহিং ফগৎহনবদা পান্দম থম্লি। খুঙ্গংগী ইমুং খুদিংদা মতম চানা অমসুং মতম শাংনা কোন্নবা চাং অমসুং মগুন লৈবা থক্নবা ঈশিং ফংহনবগী থৌওং ওইরিবা জল জীবন মিসন (জে.জে.এম.) অসি রাজ্যশিংগা খুৎশম্নদুনা পায়খৎপনি। মিসন অসিগী মপুং ওইবা পান্দমদি মীওই খুদিংদা, হায়বদি খুঙ্গংদা লৈবা ইমুং খুদিং, তোতি ঈশিং ফংহনবা অসিনি।
কেরলানা ইং ২০২৩ ফাওবগী মনুংদা খুঙ্গং খুদিংদা তোতি ঈশিং ফংহন্নবা থৌরাং তৌরি। অপুনবা ইমুং লাখ ৬৭.১৫ লৈবগী মনুংদা ইং ২০২০-২১ ফাওবগী মনুংদা এফ.ঐচ.তি.সি. লাখ ২১.৪২ য়ৌবগী পান্দমগা লোয়ননা অকনবা থবক পাংথোক্লি। ইং ২০১৯-২০দা অপুনবা পান্দম থমখিবা খুঙ্গংগী ইমুং লাখ ১০.১০গী মনুংদা রাজ্যসিনা ইমুং ৮৫,৪৭৬ খক্তদা তোতি ঈশিং পীবা ঙমখি।
মীফম অসিদা হায়নখিবদা মীওইশিংদা ঈশিং য়ৌহনবগী পথাপ লৈবা খুঙ্গংগী মনুংদা লৈরিবা লায়রবা অমসুং খুন্নাইদা তোখায়না লৈবা মীওইশিংনা মশিং হেনবা ঈশিং ফংদ্রিবা ইমুং মনুংশিংদসু তোতি ঈশিং য়ৌহনগদবনি হায়বা য়ানখি। কেরলাগী মুখ্য মন্ত্রীনা ‘মীওই অমত্তা চিত্থদনবা’ লাক্কদৌরিবা থা ৩-৪গী মনুংদা খুঙ্গংগী অসিগুম্বা ইমুংশিং অসিদা তোতি ঈশিং য়ৌহন্নবা অখন্নবা কেম্পেম অমা চত্থনবা হায়জখি।
মীফম অদুদা কেন্দ্র মন্ত্রী শ্রী শেখাৱৎনা মিসন অসিগী থবক থৌরমশিং অমসুং শেল শিজিন্নবগী ফিভমশিংগী মরমদা খন্নখি। মমাংগী চহিদা রাজ্য অসিদা গ্রান্ত-ইন-এদ ওইনা লুপা কোতি ১০১.২৯ থাদখি। তৌবতবু রাজ্য অসিনা লুপা কোতি ৬২.৬৯ খক্তমক শিজিন্নবা ঙমখি। চহি লোয়রকপগী মনুংদা লুপা কোতি ৪১গী শেনফম অসি শিজিন্নদনা লৈখি। মসিগা লোয়ননা রাজ্যগী শরুক্তা লুপা কোতি ৪৪গী অৱাৎপসু লৈখি। ইং ২০২০-২১দা রাজ্য অসিগী ওইনা লুপা কোতি ৪০৪.২৪ কায়থখি। হৌদোকপগী লুপা কোতি ৪১.১৮গী শেনফম অমসুং কেন্দ্রনা থাদরকপা লুপা কোতি ৭২.১৬কা লোয়ননা রাজ্যসিদা লৈরিবা অপুনবা শেনফম অসি লুপা কোতি ১১৩.৩৪নি। হৌখিবা থা ৪দা কেন্দ্রগী শেনফম লুপা কোতি ১৯.৪৭ অমসুং রাজ্যগী শরুক্কী লুপা কোতি ১৮.৫৯গী শেনফমতমক শিজিন্নবা ঙমখি। মরম অসিনা সি.এম.না মিসন অসিবু খোংজেল য়াংনা অমসুং ইমপ্লিমেন্তিং এজেন্সীশিংদা কেন্দ্রগী অমসুং রাজ্যগী শরুক্কী শেনফমশিং মতম চানা থাদোকপগী থৌওং পাংথোকপীদুনা থবক্তা অকায়বা লৈতনবা হায়খি।
মসিদা নত্তনা কেরলাদা ১৫শুবা ফাইনান্স কম্মিসন্না পি.আর.আই.না গ্রান্ত পীবা ওইনা লুপা কোতি ১৬২৮ কায়থোকখ্রবনি অমসুং শেনফম অসিগী ৫০%দি ঈশিং পীবা অমসুং সেনিতেসনগী থবকশিংদা শিজিন্নগদবনি। কেন্দ্রগী মন্ত্রীনা সি.এম.দা হায়রিবা শেনফমশিং অসি খুঙ্গংগী ইমুংশিংদা ঈশিং য়ৌহন্নবা, গ্রে-ঈশিং ত্রীতমেন্ত তৌদুনা নৌনা অমুক শিজিন্নবা য়ানবা অমসুং খ্বাইদগী মরু ওইবা ওইনা ঈশিং পীবগী স্কিম অসিবু মতম শাংনা চলায়নবা অমসুং য়েংশিন্নবগীদমক্তা শিজিন্ননবা থৌরাং য়াৎনবা হায়খি।
হীরমশিং অসি খংজিল্লদুনা মুখ্য মন্ত্রীনা ইং ২০২৩ ফাওবগী মনুংদা মিসন অসিগী থবক পাংথোকপগী পান্দম ফংনবা অকক্নবা মতমগী মনুংদা থবক থৌরমশিং পাংথোক্লগনি হায়বগী থাজবা পীখি। হ্যুমেন দিবেলপমেন্তকী ওইবা হীরমশিংগী মনুংদা কেরলা অসি রাজ্য ময়ামগী য়েংনফম ওইরিবনি। দিসেন্ত্রেলাইজদ প্লান্নিং অমসুং পি.আর.আই. সীস্তেম লিংনা লৈবা মকোক থোংবা অমা ওইনা রাজ্য অসিদা মসিগী দিসেন্ত্রেলাইজদ ওইবা, দিমান্দগী মতুং ইনবা অমসুং খুন্নাইনা শেন্নবা প্রোগ্রাম অসিবু মায় পাকহনবগী মতিক য়াম্না লৈ। গ্রাম পঞ্চায়ৎ ৭০০না মখোয়গী থবক থৌরমগী থৌরাং য়াৎপা লোয়শিনখ্রবা খুন্নাইদা য়ুম্ফম ওইবা থৌরাং য়াৎপগী থৌওং য়াওহনবা থবক পাংথোকপগীদমক্তা কেন্দ্রগী মন্ত্রীনা রাজ্য সরকারবু থাগৎপা ফোংদোকখি।
মসিগী মথক্তা থক্নবা ঈশিং অসিগী মগুন য়েংশিন্নবা অমসুং মরু ওইবা অমা ওইনা মোন্সুনগী মনুংদা বাইওলোজিকেল ওইবা য়ানশিন্নবা য়াওবা য়েংশিনবগী থবক অসি য়াম্না মরু ওই। রাজ্য অসিগী থক্নবা ঈশিং চাংয়েং তৌনবা লৈরিবা লেবোরেতরীশিং ফগৎহন্দুনা মীয়ামগীদমক্তা মখোয়গী সেম্পলশিংবু অহোঙবা মমলদা তেস্ত তৌনবগীমক্তা হাংদোকপদসু মিৎয়েং চংখি।
কেন্দ্রগী মন্ত্রীনা সি.এম.দা খুঙ্গংগী ঈশিং অমসুং সেনিতেসন কম্মিত্তী/পানি সমিতি কয়া য়ামদ্রবদা নুপীশিংনা ৫০%গী শরুক য়াদুনা থৌরাং শিনবা, মওং শেম্বা অমসুং খুঙ্গংদা ফংবা ঈশিং পীবগী ইনফ্রাস্ত্রকচরশিংবু শেন্নবা অমসুং চলায়নবা গ্রাম পঞ্চায়ৎকী সব-কম্মিত্তী অমা শেম্নবশু হায়খি। থক্নবা ঈশিং ফংফমশিং, ঈশিং পীবদা চংগদবা মচাকশিং, গ্রে-ৱাতর মেনেজমেন্ত অমসুং থৌওংশিং অসি চলায়বদা চংবা পোৎলমশিং ফগৎহনবগী থৌদাং লৌগদবা বিলেজ এক্সন প্লান (ভি.এ.পি.) অমা শেমগদবনি হায়নশু য়াম্না মরু ওইনা হায়খি। মিসন অসিদা অহেনবা মিৎয়েং চংনবা অমসুং জল জীবন অসি মীয়ামগী ইহৌ অমা ওইহন্নবা খুন্নাইশিংনা শরুক য়াবা আই.ই.সি. কেম্পেন অমশু চত্থনবা সি.এম.দা হায়খি।
লোকেলগী মীওইশিংদা চেক শুবা, প্লম্বিং, ইলেক্ত্রিকেল, পম্প চলায়বনচিংবা ত্রেনিং তৌদুনা স্কিল পীবগী থবক কয়া লোঞ্চ তৌদুনা ঈশিং পীবগী থবকশিং চলায়নবা অমসুং শেন্ননবা মতিক চাবা হ্যুমেন রিসোর্স ৱাত্তনবসু হোৎনগনি। মখা তাবা ওইনা ঈশিং পীবগী থবকশিং অসিনা য়ুমদা হল্লক্লবা মাইগ্রেন্ত শিন্মীশিংদা খুদোংচাবা কয়া পীরগনি।
*******
(Release ID: 1642432)
Visitor Counter : 168